Avdeling C

Langtidsavdeling C ligg i andre etasje. For å komme opp i avdelinga må ein ta trappa eller heisen opp frå første etasje. I det ein kjem opp trappa eller ut av heisen blir ein møtt av to dominerande synsinntrykk. For det første ser ein rett inn i daglegstova gjennom den store døra mellom stove og gang. For det andre ser ein den lange korridoren der bebuarane i avdeling C har romma sine, og der vaktrom og kjøkken ligg. Korridoren held fram vidare innover i neste avdeling.

Det er ikkje noko klart skilje mellom avdeling C og naboavdelinga. Du må på ein måte vere lokalkjend for å vite kor den eine avdelinga går over i den andre.

Personalet og pårørande som skal til den andre avdelinga, må gå gjennom korridoren i avdeling C.

I avdelinga er det tolv bebuarrom, elleve einerom og eit dobbeltrom. Alle romma har eige bad og toalett, og plass til ei seng, eit kleskap og eit nattbord. Det er òg plass til nokre få private møblar i tillegg, slik at dei bebuarane som ønskjer det kan ha med ein lenestol, ein kommode eller liknande. Enkelte av bebuarane har også eigne gardiner og andre personlege eigendelar som radio, TV, familiebilete, maleri og liknande. Romma er halden i ulike lyse fargenyansar, for det meste i beige og gult.

I tillegg til bebuarane sine rom er det eit vaktrom for personalet, eit lager, eit rom til skittentøy og eit bad i avdelinga. Desse romma ligg saman med bebuarane sine rom og har dører som er like dørene inn til kvar bebuar. Går ein gjennom korridoren og dørene er att, er det berre namneskiltet med bebuarane sine namn som gjer at ein ser skilnad på bebuarrom og andre rom. Vaktrommet er eit tidlegare bebuarrom. Dei andre romma var i utgangspunktet bygd til den funksjonen dei har i dag.

Skisse over 2. etasje med avdeling C. Pasientromma er markert med tal frå 1 til 13

Badet inneheld først og fremst eit stort badekar i stål, som er plassert midt i rommet.

Til badekaret høyrer det ein heis med ei spesiallaga båre slik at ein kan heise ein

12

pasient liggjande ned i badekaret. Rommet har også ein stålbenk og ein vask, og blir delvis brukt som lager for rullestolar og pasientheisar.

Daglegstova i avdeling C er eit forholdsvis stort rom. Rommet er rektangulært, med store vindauge på eine kortsida, og halvvegs bort på begge langsidene. Dette gjev rommet eit lyst preg.

I det ein kjem inn i rommet står det først eit piano til venstre og ein lenestol. Langs første langvegg er TV plassert. I ein halvsirkel framfor TV er det tre høgryggja lenestolar. I det neste hjørnet av rommet er det plassert ei sofagruppe med eit lågt bord og nokre lenestolar. Vidare er det plassert tre bord på tvers etter kvarandre langs kortveggen, med ein eller to stolar ved kvart bord. Dette er høge bord som er gode å sitje å ete ved, og det er i utgangspunktet plass til fem stolar rundt kvart bord.

På neste langvegg er radio og CD-spelar plassert, deretter er det plassert eit lite bord med ein lenestol på kvar side. Desse to lenestolane er vendt ut mot rommet, og dei blir ofte brukt av personalet når dei sit ned med ein kopp kaffi i samband med frukosten. På resten av denne kortveggen der døra kjem inn frå korridoren, er det opent inn til kjøkkenet. Midt i rommet står det eit forholdsvis stort spisebord med plass til seks til åtte personar. Inntil bordet står det ein stol.

Skisse over daglegstova. Borda er markert som rektangel eller firkantar, stolane som sirklar og sofaen som ein elipse.

Daglegstova er tapetsert med strietapet som er malt grøn, og øvst mot taket er det limt opp ein 20 centimeter brei blomsterbord. Gardinene er kvite blondegardiner, med kapper av stoff i grønt som er avstemt til fargen i tapeten og tapetborda. Trekket på sofagruppa og lenestolane er grønt, men ikkje lik den fargen som er brukt på veggane. Det er blomster på ein del av borda og grøne planter i urner på golvet mellom TV og sofagruppa. På det store bordet er det ein lysestake. Det ligg som oftast små brikker eller dukar på borda.

Stova verkar rein og ryddig, og det er god plass i den. Det mest iaugefallande med den er det store bordet midt i rommet med berre ein stol inntil. Bordet ser ”nakent” ut utan stolar, og det gjer at rommet verkar tomt på midten, medan det ser tett møblert ut langs alle sidene.

TV

Piano Radio/CD

Vindu V

i n d u

Vindu

Korridor Kjøkken

Stova blir brukt dagleg av bebuarane i avdeling C. Sidan denne stova er den største i heile institusjonen vert den i tillegg brukt som fellesstove for alle bebuarane ved spesielle høve. Det er i dette rommet ein arrangerer andakt og hyggekveldar eller andre typar festar for alle bebuarane på sjukeheimen.

Dei bebuarane som sit slik til, kan sjå frå daglegstova og inn på kjøkkenet gjennom ein døropning. I tillegg er det dør frå kjøkkenet og ut i gangen. På kjøkkenet er veggane gule, men denne gulfargen er skarpare enn gulfargen i gangen. På kjøkkenet er det eit rundt bord med fem blå stolar rundt, kjøkkenbenk, overskap, kjøleskap og oppvaskmaskin.

Utafor daglegstova er det ein ganske stor takterrasse med plass til bord og stolar. Frå terrassen ser ein bilvegen, ein del av bustadfeltet, eit par bondegardar med åkrar, og fjorden. Alle bebuarane i andre etasje brukar denne terrassen i sommarhalvåret. Er det fint ver, kan det bli trongt på terrassen når så mange rullestolar skal plasserast i tillegg til hagemøblane.

5.2 Kort presentasjon av bebuarane og andre aktørar i