Fylkesmannen i Hordaland
Fylkesmannen i Hordaland Postadresse: Postboks 7310, 5020 Bergen
OMA SLIPP & MEKANISKE VERKSTED AS Bergen, 16. april 2018
Hamnegata 80 5411 Stord
Sendt på e-post til nelly@omaslipp.no
Dykkar ref.: Vår ref.(oppgje ved svar):
2014/12317 Oddvar Oma
Sakshandsamar:
Hallvard Hageberg
Rapport etter inspeksjon ved Oma Slipp &Mekaniske Verksted AS
Kontrollnummer: 2018.052.I.FMHO
Kontaktpersonar ved inspeksjonen:
Frå verksemda:
Oddvar Oma og Nelly Oma
Frå Fylkesmannen i Hordaland:
Hallvard Hageberg og Astrid Holte
Resultat frå inspeksjonen
Denne rapporten gjeld resultatet frå inspeksjon ved Oma Slipp &Mekaniske Verksted AS 13.02.2018. Rapporten er å sjå på som endeleg dersom vi ikkje får tilbakemelding om faktiske feil innan to veker etter at rapporten er motteken.
Fylkesmannen i Hordaland avdekka 3 avvik innanfor følgjande tema:
Vilkår i løyvet
Lagring av farleg avfall
Internkontroll
Fylkesmannen ser alvorleg på avviket frå vilkår i løyvet.
Avvik er nærare omtalt frå side 4 og utover i rapporten. Oppfølging etter inspeksjonen er omtalt på side 2.
Elektronisk dokumentert godkjenning, uten underskrift
Hallvard Hageberg Astrid Holte
senioringeniør senioringeniør
Fylkesmannen i Hordaland
Kopi til Stord kommune
1. Informasjon om kontrollert verksemd
Ansvarleg eining
Namn: OMA SLIPP & MEKANISKE VERKSTED AS
Organisasjonsnr.: 971727802 Eigd av: 931759264
Bransjenr. (NACE-kode): 33.150 - Reparasjon og vedlikehold av skip og båter
Kontrollert anlegg
Navn: Oma Slipp og Mekaniske verksted - oljeholdig avløpsvann
Anleggsnr.: 1221.0002.02
Kommune: Stord Fylke: Hordaland
Anleggsaktivitet: Mekanisk overflatebehandling og verft
Løyve gitt: 22.05.2015 Sist endra: -
2. Bakgrunn for inspeksjonen
Inspeksjonen vart gjennomført for å kontrollere om gjeldande krav som er fastsette i eller med heimel i forureiningslova, vert overhaldne. Inspeksjonen inngår i Fylkesmannen sin aksjon for mottak og mellomlagring av farleg avfall. Aksjonen er landsdekkande.
Tilsynet er gjennomført med heimel i forureiningslova § 48.
Inspeksjonstema
Farleg avfall: deklarering, journalføring, handtering, lagring, vidarelevering
Utsleppskontroll, utsleppsløyve
Internkontroll: avvikssystem, risikovurdering, beredskap
Rapporten gjeld avvik og merknader som vart avdekka under inspeksjonen. Han gir ingen fullstendig tilstandsvurdering av miljøarbeidet eller miljøstatusen til verksemda.
Definisjonar
Avvik: Manglande etterleving av krav fastsette i eller med heimel i lov.
Merknad: Noko som tilsynsetatane meiner det er naudsynt å peike på for å ivareta ytre miljø, men som ikkje er omfatta av definisjonen for avvik.
Andre tilhøve: Saker som kom fram under inspeksjonen og som det kan vere nyttig for verksemda og sakshandsamarar å kjenne til. Informasjon om verksemda og
kommentarar til tema som vart tekne opp under inspeksjonen, men som ikkje vart klassifisert som avvik eller merknader, kan også inngå her.
3. Oppfølging etter inspeksjonen
Oma Slipp & Mekaniske Verksted AS pliktar å rette opp avvika som er omtalte i denne rapporten så snart som råd. For at Fylkesmannen skal kunne avslutte saka, ber vi om at Oma Slipp & Mekaniske Verksted AS innan 15. juni 2018 sender ei skriftleg utgreiing
Vi ber om at de stiler svarbrev eller e-post (fmhopostmottak@fylkesmannen.no) til Fylkesmannen i Hordaland v/Hallvard Hageberg.
Vi ser alvorleg på avvik nr. 1 som vart avdekka i denne inspeksjonen. Gjennomføringa av tiltaka vil bli følgd opp ved ny kontroll.
4. Varsel om tvangsmulkt for retting av avvik
Fylkesmannen varslar at vi vil fatte vedtak om tvangsmulkt (jf. forureiningslova § 73) dersom vi ikkje har fått skriftleg melding om at avvika er retta innan 15.06.2018.
Tvangsmulkta vil påløpe dersom vi ikkje har fått stadfesting på at avvika er retta innan 4 veker etter at vedtaket om tvangsmulkt vart fatta.
Ei eventuell tvangsmulkt vil vere eit eingongsbeløp på kr 50 000,-.
De har høve til å kome med merknader til dette varselet. Eventuelle merknader må sendast til Fylkesmannen i Hordaland innan to veker etter at denne rapporten er motteken.
5. Vedtak om gebyr
Vi viser til informasjon og varsel om gebyrplikt som vart gitt munnleg til verksemda under inspeksjonen 13. februar 2018. Verksemder skal betale gebyr for kontrollar utførte av Fylkesmannen i samsvar med § 39-3 i forureiningsforskrifta. Gebyret skal dekke kostnader med førebuing, gjennomføring og oppfølging av kontrollen. Gebyrsatsar for kontroll av verksemder utan løyve etter forureiningslova er fastsette i
forureiningsforskrifta §§ 39-7 og 39-8.
På bakgrunn av forventa ressursbruk må Oma Slipp & Mekaniske Verksted AS0 betale eit gebyr på 22 800 kr for inspeksjonen, jf. forureiningsforskrifta §§ 39-7 og 39-8. Dette svarer til gebyrsats 2 for tilsyn som varer inntil ein dag. Miljødirektoratet vil sende faktura for innbetaling. Fylkesmannen viser elles til forureiningsforskrifta kapittel 39 om innkrevjing av gebyr til statskassen.
Klagerett
Vedtaket om gebyr kan påklagast til Miljødirektoratet, jf. § 28 i forvaltningslova. Ein eventuell klage bør vere skriftleg grunngjeven og adressert til Miljødirektoratet, men skal sendast via Fylkesmannen i Hordaland. Fylkesmannen vil vurdere endring av vedtaket eller sende saka vidare til Miljødirektoratet for endeleg vedtak. Gebyret som er fastsett ovanfor, må likevel betalast inn. Dersom Miljødirektoratet tek klagen til følgje, vil for mykje innbetalt beløp bli refundert.
6. Innsyn
Denne rapporten vil vere tilgjengeleg for innsyn via postjournalen til Fylkesmannen i Hordaland (jf. offentleglova).
7. Avvik
Vi fann følgjande avvik under inspeksjonen:
Avvik 1
Ikkje alle vilkår i løyvet er etterlevde
Avvik frå:
Tillatelse til behandling av oljeholdig vann fra skip (sloppvann) for Oma Slipp &
Mekaniske verksted AS av 22. mai 2015 Kommentarar:
Det er i løyvet stilt vilkår om etablering av fast renseanlegg med utslepp i lukka ledning til sjø (punkt 2.1), utsleppskontroll med minst 3 årlege prøver (punkt 2.2), og det er teke atterhald om utslepp av prioriterte miljøgifter (punkt 3.1). Dei prioriterte miljøgiftene går fram av vedlegg til løyvet.
Observasjonar:
Under tilsynet observerte vi:
Det var ikkje etablert fast renseanlegg med utslepp i lukka ledning til sjø. Når oljeutskiljaren var i bruk (på austre eller vestre del av anlegget), vart rensa vatn frå oljeutskiljaren slept direkte ut i grunnen.
Det var teke ein prøve (2015) av oljeinnhald etter at løyvet vart gjeve. Vi viser her til e- post til verksemda datert 10.03.2017, der kravet vert justert til 2 prøver pr. år.
Det var ikkje teke prøvar og analysert på andre parameter enn oljeinnhald.
Fylkesmannen ser alvorleg på dette avviket. Tilsvarande avvik vart gjeve også etter tilsyn i 2014.
Avvik 2
Lagring av farleg avfall må oppgraderast Avvik frå:
§ 11-5 i avfallsforskrifta Kommentarar:
I avfallsforskrifta § 11-5 heiter det m.a.:
«Farlig avfall skal tas hånd om på en forsvarlig måte. Alle som oppbevarer, transporterer eller håndterer farlig avfall, skal treffe nødvendige tiltak for å unngå fare for forurensning eller skade på mennesker eller dyr.
Farlig avfall skal ikke blandes sammen med annet avfall. Ulike typer farlig avfall skal ikke sammenblandes dersom dette kan medføre fare for forurensning, eller skape problemer for den videre håndteringen av avfallet.»
Dette vil m.a. seia at lager for farleg avfall må vera sikra mot ver og vind og vera innretta slik at uvedkomande ikkje har tilkomst. Vidare må ein sikra seg mot at ulike typar farleg avfall vert blanda saman eller at farleg avfall vert blanda med anna avfall.
Observasjonar:
Noko farleg avfall sto lagra ute utan at det var lagt til rette for oppsamling av søl og spill.
Ein lagercontainer for farleg avfall var til dels uoversiktleg og dårleg merka. Den inneheldt også anna enn farleg avfall.
Det var spor av lekkasje av olje frå oppsamlingskar under lagertank for sloppvatn på vestre del av verftsområdet.
Avvik 3
Det er manglar ved internkontrollen Avvik frå:
Internkontrollforskrifta § 5 andre ledd pkt. 6. og 7.
Kommentarer:
§ 5 i Internkontrollforskrifta har krav til innhaldet i internkontrollen. Mellom anna er det krav til å «.. kartlegge farer og problemer og på denne bakgrunn vurdere risiko, samt utarbeide tilhørende planer og tiltak for å redusere risikoforholdene».
Verksemda skal også «.. iverksette rutiner for å avdekke, rette opp og forebygge overtredelser av krav fastsatt i eller i medhold av helse-, miljø- og sikkerhets- lovgivningen».
Observasjonar:
Verksemda tar ut sloppvatn frå båtar som er inne for ettersyn og reparasjonar.
Sloppvatnet vert samla på 2 oppsamlingstankar. Når ein av dei er fulle, vert ein oljeutskiljar (Bokn Plast OBK 7-10 nr. 547) transportert til aktuell oppsamlingstank, og innhaldet frå oppsamlingstanken vert pumpa over i oljeutskiljaren for å skilja av olje.
Etter det som vart opplyst, kunne oljeutskiljaren også bli flytta med sloppvatn inni.
Drift og ettersyn av oljeutskiljaren skulle ha vore risikovurdert, særleg operasjonen med flytting. Vi såg på eit av billeda vi tok under tilsynet at oljeutskiljaren er merka med åtvaring om at «Tanken må ikke løftes med innhold.» Dette biletet er sendt verksemda etter tilsynet.
Vi viser også til observert lekkasje under avvik 1, og peikar på at drifta av
lagringstankane med oppsamlingskar også skulle ha vore risikovurdert og hatt rutiner for regelmessig ettersyn, vedlikehald og tilstandskontroll.
8. Merknader
Det vart ikkje gjeve merknader under inspeksjonen.
9. Dokumentunderlag
Lovgrunnlaget for inspeksjonen var:
Forureiningslova
Avfallsforskrifta kapittel 11
Løyve av 22. mai 2015
Internkontrollforskrifta
10. Informasjon til verksemda
Regelverk som det vart informert om:
Liste over prioriterte stoff
Kapittel 18 i forureiningsforskrifta om tanklagring,
Kapittel 20 i forureiningsforskrifta om levering og mottak av avfall og lasterester fra skip, Kapittel 39 i Forureiningsforskrifta om gebyr