Fylkesmannen i Hordaland
LINDENES MILJØSTASJON v. Odda kommune Bergen, 5. april 2018
Opheimsgata 31 5750 Odda
Dykkar ref.: Vår ref.(oppgi ved svar):
Olav Reinsaas 2018/3394-472
Sakshandsamar:
Silje Tingstad
Rapport frå inspeksjon ved Lindeneset Miljøstasjon
Kontrollnummer: 2018.065.I.FMHO Kontaktpersonar ved inspeksjonen:
Frå verksemda:
Olav Reinsaas og Innocent Amani
Frå Fylkesmannen i Hordaland:
Silje Tingstad og Hallvard Hageberg
Resultat frå inspeksjonen
Denne rapporten gjeld resultatet frå inspeksjon ved Lindeneset miljøstasjon
5. mars 2018. Rapporten er å sjå på som endeleg dersom vi ikkje får tilbakemelding om faktiske feil innan to veker etter at rapporten er motteken.
Fylkesmannen i Hordaland avdekka 2 avvik under inspeksjonen innan følgjande tema:
internkontroll
handtering av farleg avfall
Avvik er nærare omtalte frå side 3 og utover i rapporten. Oppfølginga etter inspeksjonen er nærare omtalt på side 3.
Elektronisk dokumentert godkjenning, utan underskrift
5. april 2018 Silje Tingstad Nina Vadøy
dato overingeniør overingeniør
1. Informasjon om den kontrollerte verksemda
Ansvarleg eining
Namn: LINDENES MILJØSTASJON – Odda kommune
Organisasjonsnr.: 874615072 Eigd av: 964967814
Bransjenr. (NACE-kode): 38.210 - Behandling og disponering av ikke-farlig avfall
Kontrollert eining
Namn: Lindeneset Miljøstasjon Anleggsnr.: 1228.0057.01
Kommune: Odda Fylke: Hordaland
Anleggsaktivitet: Avfall - mottak, mellomlagring og sortering
Løyve gitt: Regulert av avfallsforskrifta kap. 11 vedlegg 3 Sist endra: -
2. Bakgrunn for inspeksjonen
Inspeksjonen vart gjennomført for å kontrollere om gjeldande krav som er fastsette i eller med heimel i forureiningslova, vert overhaldne. Inspeksjonen inngår i Fylkesmannen sin aksjon for mottak og mellomlagring av farleg avfall. Aksjonen er landsdekkande.
Tilsynet er gjennomført med heimel i forureiningslova § 48.
Inspeksjonstema
Farleg avfall: mottakskontroll, journalføring, handtering, lagring, vidarelevering, finansiell sikring
Utsleppskontroll
Internkontroll: avvikssystem, risikovurdering, beredskap
Rapporten gjeld avvik og merknader som vart avdekka under inspeksjonen. Han gir ingen fullstendig tilstandsvurdering av miljøarbeidet eller miljøstatusen til verksemda.
Definisjonar
Avvik: Manglande etterleving av krav fastsette i eller med heimel i lov.
Merknad: Eit tilhøve som tilsynsetatane meiner det er naudsynt å peike på for å ivareta ytre miljø, men som ikkje er omfatta av definisjonen for avvik.
Andre tilhøve: Saker som kom fram under inspeksjonen og som det kan vere nyttig for verksemda og sakshandsamarar å kjenne til. Informasjon om verksemda og
kommentarar til tema som vart tekne opp under inspeksjonen, men som ikkje vart klassifisert som avvik eller merknader, kan også inngå her.
3. Oppfølging etter inspeksjonen
Lindeneset Miljøstasjon pliktar å rette opp avvika som er omtalte i denne rapporten så snart som råd. For at Fylkesmannen skal kunne avslutte saka, ber vi om at Lindeneset Miljøstasjon innan 15. juni 2018 sender ei skriftleg utgreiing som viser korleis avvik er retta og kva tiltak som er gjennomførte eller planlagde.
Vi ber om at de stiler svarbrev eller e-post (fmhopostmottak@fylkesmannen.no) til Fylkesmannen i Hordaland v/Silje Tingstad.
4. Vedtak om gebyr
Vi viser til informasjon og varsel om gebyrplikt som vart gitt munnleg til verksemda 5. mars 2018. Verksemder skal betale gebyr for kontrollar utførte av Fylkesmannen i samsvar med § 39-3 i forureiningsforskrifta. Gebyret skal dekke kostnader med førebuing, gjennomføring og oppfølging av kontrollen. Gebyrsatsar for kontroll av verksemder utan løyve etter forureiningslova står i forureiningsforskrifta
§§ 39-7 og 39-8.
På bakgrunn av forventa ressursbruk må Lindeneset Miljøstasjon betale eit gebyr på kr 22 800,- for inspeksjonen, jf. forureiningsforskrifta §§ 39-7 og 39-8. Dette svarer til gebyrsats 2 for tilsyn av inntil en dags varighet. Miljødirektoratet vil sende dykk ein faktura for innbetaling til statskassa. Fylkesmannen viser elles til forureiningsforskrifta kapittel 39 om innkrevjing av gebyr til statskassa.
Klagerett
Vedtaket om gebyr kan klagast på til Miljødirektoratet, jf. § 28 i forvaltningslova. Ein eventuell klage bør vere skriftleg grunngjeven og adressert til Miljødirektoratet, men han skal sendast via Fylkesmannen i Hordaland. Fylkesmannen vil vurdere endring av
vedtaket eller sende saka vidare til Miljødirektoratet for endeleg vedtak. Gebyret som er fastsett ovanfor, må likevel betalast inn. Dersom Miljødirektoratet tek klagen til følgje, vil for mykje innbetalt beløp bli refundert.
5. Innsyn
Denne rapporten vil vere offentleg tilgjengeleg via postjournalen til Fylkesmannen i Hordaland (jf. offentleglova).
6. Avvik
Vi fann følgjande avvik under inspeksjonen:
Avvik 1
Handtering av farleg avfall er mangelfull Avvik frå:
Avfallsforskrifta kapittel 11 vedlegg 3:
punkt 6.2 om sikring mot forureining - førebygging
punkt 6.3 om sikring mot forureining - handtering
punkt 7.4 om lagring
punkt 8 om deklarering
punkt 9 om journalføring Kommentar til regelverket:
Sikring mot forureining - førebygging
Verksemda plikter å gjennomføre nødvendige tiltak for å unngå at forureining skal oppstå. Farleg avfall som blir oppbevart før levering/henting før handsaming eller anna disponering, skal sikrast at det farlege avfallet ikkje medfører avrenning til grunn, avløpsnett eller anna resipient.
Sikring mot forureining - handtering
Handtering av farleg avfall skal skje slik at forureining ikkje oppstår. Farleg avfall skal ikkje blandast med anna avfall.
Lagring
Farleg avfall kan oppbevarast inntil 6 månader før vidarelevering.
Deklarering
Ved mottak av farleg avfall frå verksemder skal den som driv mottaket sørge for at avfallsbesittar har deklarert det farlege avfallet. Det er avfallsbesittar sjølv som er ansvarleg for at deklarering er korrekt utført, jf. § 11-12 i avfallsforskrifta om verksemders plikt til deklarasjon.
Næringskundar må deklarere avfallet sjølv, eller dei må sørgje for at avfallsmottaket har fullmakt til å deklarere avfallet for dei. Brukarrettleiing ligg nedst på forsida på
www.avfallsdeklarering.no (Miljødirektoratet sin rettleiar M-355 Avfallsdeklarering.no, Brukerveiledning)
Journalføring
Den som driv mottaksordning for farleg avfall skal føre journal som omfattar alle nødvendige opplysningar om farleg avfall. Journalen skal innehalde opplysningar om mengde farleg avfall, typar farleg avfall, deklarasjonsnummer, kvar avfallet kjem frå, mv. Journal er særleg viktig for å dokumentere vidarelevering av avfallet, då
avfallsdeklarering.no berre dokumenterer levering/mottak til 1. ledd. Det er òg viktig for å ha oversikt over avfall på lager.
Avviket er basert på følgjande observasjonar:
Førebygging
Ved tilsynet sto PCB-haldige isolerglasruter ute på plassen. Det var opplyst at rutene var levert til miljøstasjonen før helga, og at det var planlagt å setje dei innandørs.
Handtering
Det vart opplyst at golvbelegg vert levert i restavfall til forbrenning. Noko golvbelegg kan vere farleg avfall, og må handterast deretter, både i høve til lagring, deklarering mv.
Farleg avfall vert lagra meir enn 6 månader
Det vart opplyst ved tilsynet at verksemda ikkje veit kor gammalt det eldste avfallet var, men at farleg avfall vart vidarelevert ein til to gonger i året. Nokre avfallstypar vart levert oftare enn dette, til dømes var det ein til to månader mellom kvar gong asbest vart vidarelevert. Det vart også opplyst at verksemda ikkje har rutinar for å unngå at avfall vert lagra lenger enn det som er tillate.
Deklarering
Det var opplyst på tilsynet at Lindeneset miljøstasjon har tatt imot to pallar med batteri frå ein næringskunde utan at kunden deklarerte avfallet. Dei avtalte seg i mellom at miljøstasjonen skulle ta betalt for avfallet, deklarere det på seg sjølv, men skrive i merknadsfeltet at det kom frå næring.
Journalføring
Verksemda fører journal over kor mange einingar (t.d. fat, IBC eller raude boksar) dei har lagra farleg avfall i, men dei har ikkje oversikt over kor mykje farleg avfall kvar einskild eining inneheld. Journalen gir såleis ingen informasjon om mengde farleg avfall på lager. Ved tilsynet 5. mars 2018 var journalen oppdatert 9. februar 2018. Verksemda opplyste at dei ikkje hadde oversikt over kor mykje farleg avfall dei hadde på lager.
Det var opplyst at deklarasjonar i avfallsdeklarering vart nytta som journal over avfall som var levert frå verksemda. Verksemda tek av og til imot farleg avfall frå
næringskundar, og det avfallet vil ikkje vere inkludert i journalen over utgåande deklarasjonar.
Avvik 2
Internkontrollen er mangelfull på ytre miljø Avvik frå:
Internkontrollforskrifta § 5 andre ledd punkt 6 og 7 Kommentar til regelverket:
Miljørisikovurdering
Verksemda skal kartleggje farar og problem og på denne bakgrunn vurdere risiko, og utarbeide tilhøyrande planer og tiltak for å redusere risikotilhøva.
Avviksbehandling og rutinar
Verksemda skal utarbeide rutinar for å avdekke, rette opp og førebyggje overskridingar av krav fastsett i eller i medhald av helse-, miljø- og tryggleikslovgivinga.
Avviket er basert på følgande observasjonar:
Miljørisikovurdering
Det vart opplyst på tilsynet at dei ikkje visste om det finst ei skriftleg risikovurdering for verksemda for ytre miljø.
Verksemda oppfattar at innbrot og hærverk i teltet for farleg avfall er den største risikoen for ytre miljø ved verksemda. Lindeneset miljøstasjon deler område med Lindum AS avd.
Odda. Miljøstasjonen er berre bemanna nokre dagar i veka, medan Lindum AS avd. Odda har drift kvar dag. Mottaket for farleg avfall er i eit stort telt, og kan derfor vere lett tilgjengeleg for uvedkommande. Fulle kolli med farleg avfall vert lagra i ein stor låst container i påvente av henting. Verksemda kunne ikkje vise til skriftleg risikovurdering for lagring av farleg avfall.
Avviksbehandling og rutinar
Verksemda har eit nettbasert avvikssystem, men det er ikkje definert kva som skal førast som avvik.
Verksemda manglar eller har manglar ved dei skriftlege rutinane for ytre miljø. Til dømes:
Verksemda hadde ikkje rutine for å unngå at avfall vert lagra lengre enn det som er tillate.
Verksemda har ikkje rutine for drift og vedlikehald av oljeutskiljaren på området.
Det vart opplyst at andre i kommunen sørgjer for tømming og prøvetaking, men resultat frå analyser vart ikkje etterspurt av Lindeneset miljøstasjon.
Verksemda har rutine for handtering av farleg avfall. Denne var sist oppdatert for nokre år sidan, og vart ikkje følgt, til dømes for journalføring.
Lista er ikkje uttømmande. Det er verksemda sitt eige ansvar å vurdere kva for skriftlege rutinar som er nødvendige for å sikre at drifta er i samsvar med regelverket.
7. Andre tilhøve
Informasjon om handtering av vindauge som inneheld ftalater og asbest Vindauge som ikkje er farleg avfall på grunn av innhald av PCB- eller klorparafin kan innehalde ftalater eller asbest (Thermopane-vindauge). Miljødirektoratet har i samband med aksjonen opplyst at dei på generelt grunnlag ikkje har tatt stilling til om desse vindauga er farleg avfall. Fugene vil ofte vere farleg avfall, men det er usikkert om heile vindauge er farleg avfall. Desse vindauga må likevel handterast forsvarleg. Dersom desse vindauga blir kasta i restavfallet vil vindauget knuse og det vil vere fare for at vindauget kjem over grenseverdien for farleg avfall. I tillegg kan eksponeringsfaren for asbest auke. Slike vindauge skal derfor ikkje kastast i restavfallet, men leverast heile.
Informasjon om lagring av EE-avfall
Lagring av EE-avfall var ikkje tema under aksjonen. Vi vil likevel understreke at EE-avfall inkludert kvitevarer skal lagrast forsvarleg. For dette avfallet vil lagring på fast dekke og skjerming for vêr og vind normalt vere nødvendig. Lagring av avfallet må risikovurderast.
Samordning av internkontroll
Samordning av internkontroll var ikkje tema under aksjonen. Lindeneset miljøstasjon og Lindum driv verksemd på same stad. Då er det eit krav om å samordne internkontrollen for det området dei har felles. Avtalen om kven som har ansvaret for å samordne
internkontrollen skal vere skriftleg. Reglane står i internkontrollforskrifta § 6.
8. Dokumentunderlag
Lovgrunnlaget for inspeksjonen var:
forureiningsforskrifta
avfallsforskrifta
internkontrollforskrifta