Fylkesmannen i Hordaland
WARTSILA NORWAY AS AVD RUBBESTADNESET Bergen, 25.04.2018
Wichmannvegen 1 5420 Rubbestadneset
Sendt på epost til ingvill.habbestad@wartsila.com
Dykkar ref.: Vår ref.(oppgi ved svar):
2015/1970 Sakshandsamar:
Astrid Holte
Rapport frå inspeksjon ved Wartsila Norway AS avd.
Rubbestadneset
Kontrollnummer: 2018.068.I.FMHO
Kontaktpersonar ved inspeksjonen:
Frå verksemda:
Ingvild Habbestad, Sigbjørn Næsse
Frå Fylkesmannen i Hordaland:
Astrid Holte, Hallvard Hageberg
Resultat frå inspeksjonen
Denne rapporten gjeld resultatet frå inspeksjon ved Wartsila Norway AS avd.
Rubbestadneset den 14.03.2018. Rapporten er å sjå på som endeleg dersom vi ikkje får tilbakemelding om faktiske feil innan to veker etter at rapporten er motteken.
Fylkesmannen i Hordaland avdekka 3 avvik under inspeksjonen innan følgjande tema:
Krav i løyve
Farleg avfall
Tanklagring
Avvika er nærare omtalte frå side 3 og utover i rapporten.
Oppfølginga etter inspeksjonen er nærare omtalt på side 2.
Elektronisk dokumentert godkjenning, utan underskrift
Astrid Holte Hallvard Hageberg
Senioringeniør Senioringeniør
Kopi til: Bømlo kommune
1. Informasjon om den kontrollerte verksemda
Ansvarleg eining
Namn: WARTSILA NORWAY AS AVD RUBBESTADNESET
Organisasjonsnr.: 973066382 Eigd av: 940193575
Bransjenr. (NACE-kode): 33.120 - Reparasjon av maskiner
Kontrollert anlegg
Namn: Wartsila Norway AS Anleggsnr.: 1219.0007.01
Kommune: Bømlo Fylke: Hordaland
Anleggsaktivitet: Mekanisk overflatebehandling og verft
Løyve gitt: 30.03.2015 Sist endra: -
2. Bakgrunn for inspeksjonen
Inspeksjonen vart gjennomført for å kontrollere om gjeldande krav som er fastsette i eller med heimel i forureiningslova, vert overhaldne. Inspeksjonen inngår i Fylkesmannen sin aksjon for Mottak og mellomlagring av farleg avfall 2018. Aksjonen er landsdekkande.
Tilsynet vart gjennomført med heimel i forureiningslova § 48.
Inspeksjonstema
Farleg avfall: mottakskontroll, journalføring, handtering, lagring, vidarelevering, finansiell sikring
Utsleppskontroll
Internkontroll: avvikssystem, risikovurdering, beredskap
Rapporten gjeld avvik og merknader som vart avdekka under inspeksjonen. Han gir ingen fullstendig tilstandsvurdering av miljøarbeidet eller miljøstatusen til verksemda.
Definisjonar
Avvik: Manglande etterleving av krav fastsette i eller med heimel i lov.
Merknad: Eit tilhøve som tilsynsetatane meiner det er naudsynt å peike på for å ivareta ytre miljø, men som ikkje er omfatta av definisjonen for avvik.
Andre tilhøve: Saker som kom fram under inspeksjonen og som det kan vere nyttig for verksemda og sakshandsamarar å kjenne til. Informasjon om verksemda og
kommentarar til tema som vart tekne opp under inspeksjonen, men som ikkje vart klassifisert som avvik eller merknader, kan også inngå her.
3. Oppfølging etter inspeksjonen
Wartsila Norway AS avd. Rubbestadneset pliktar å rette opp avvika som er omtalte i denne rapporten så snart som råd. For at Fylkesmannen skal kunne avslutte saka, ber vi
om at verksemda innan 15.06.2018 sender ei skriftleg utgreiing som viser korleis avvik er retta og kva tiltak som er gjennomførde eller planlagde.
4. Vedtak om gebyr
Vi viser til informasjon og varsel om gebyrplikt som vart gitt til verksemda den 14.03.2018. Verksemder skal betale gebyr for kontrollar utførte av Fylkesmannen i samsvar med § 39-3 i forureiningsforskrifta. Gebyret skal dekke kostnader med førebuing, gjennomføring og oppfølging av kontrollen. Gebyrsatsar for kontroll av
verksemder utan løyve etter forureiningslova er fastsette i forureiningsforskrifta §§ 39-7 og 39-8.
På bakgrunn av forventa ressursbruk må Wartsila Norway AS avd. Rubbestadneset betale eit gebyr på kr 22 800,- for inspeksjonen, jf. forureiningsforskrifta §§ 39-7 og 39-8.
Dette tilsvarar gebyrsats 2 for tilsyn som varer i inntil ein dag. Miljødirektoratet vil sende dykk ein faktura for innbetaling til statskassa. Fylkesmannen viser elles til
forureiningsforskrifta kapittel 39 om innkrevjing av gebyr til statskassa.
Klagerett
Vedtaket om gebyr kan klagast på til Miljødirektoratet, jf. § 28 i forvaltningslova. Ein eventuell klage bør vere skriftleg grunngjeven og adressert til Miljødirektoratet, men han skal sendast via Fylkesmannen i Hordaland. Fylkesmannen vil vurdere endring av
vedtaket eller sende saka vidare til Miljødirektoratet for endeleg vedtak. Gebyret som er fastsett ovanfor, må likevel betalast inn. Dersom Miljødirektoratet tek klagen til følgje, vil for mykje innbetalt beløp bli refundert.
5. Offentleg innsyn
Denne rapporten vil vere offentleg tilgjengeleg via postjournalen til Fylkesmannen i Hordaland (jf. offentleglova).
6. Avvik
Vi fann følgjande avvik under inspeksjonen:
Avvik 1
Verksemda følgde ikkje alle vilkår i løyvet Avvik frå:
Løyve til behandling av oljehaldig vatn frå skip (slopvatn), for Wärtsilä Norway AS punkt 1 Kva løyvet omfattar, jf. punkt 3.1 Utsleppsavgrensingar
Kommentar til regelverket:
Kva løyvet omfattar
Løyvet omfattar berre reinsing av slopvatn som inneheld olje/vatn emulsjonar. Dersom verksemda er usikker på om det er anna i slopvatnet enn olje/vatn emulsjonar må det leggast fram dokumentasjon.
Utsleppsavgrensingar
Utslepp av prioriterte miljøgifter oppført i vedlegg 1 til løyvet er berre omfatta av løyvet dersom det går uttrykkeleg fram av vilkåra i løyvet eller dei er så små at dei må reknast for å vere utan miljømessig verknad.
Avviket er basert på følgjande observasjonar:
Verksemda krevde ikkje dokumentasjon på om slopvatn levert til reinseanlegget inneheldt anna enn olje/vatn emulsjonar, som til dømes prioriterte miljøgifter nemnt i løyvet vedlegg 1. Det var ikkje etablert system for å vurdere eller dokumentere om slopvatnet inneheldt anna enn olje/vatn emulsjonar. Det var heller ikkje gjennomført måling av om utsleppet inneheldt prioriterte miljøgifter.
Målingar viste at innhaldet av olje i utsleppet var innanfor kravet på 15 mg/l.
Avvik 2
Deklarering, journalføring og merking av farleg avfall hadde manglar Avvik frå:
Avfallsforskrifta
§ 11-5 om forsvarleg lagring
§ 11-6 om løyve til handtering av farleg avfall
§ 11-12 om deklarasjonsplikt
§ 11-13 om plikter for den som handterer farleg avfall
Kap 11 vedlegg 4 minimumskrav for mottak og mellomlager for farleg avfall punkt 6 om journalføring og 7 om rapportering
Kommentar til regelverket:
Krav til merking og deklarasjon av eige farleg avfall
§ 11-5 står det at farleg avfall skal lagrast forsvarleg. Det innebèr melloma anna å halde orden og oversikt over avfallet ved ryddig og separat plassering og tydeleg merking. I
§ 11-12 er det krav til at farleg avfall skal deklarerast ved levering. Ved bruk av ekstern transportør skal avfallet deklarerast seinast ved levering til transportøren. Emballasjen skal merkast tydeleg med deklarasjonsskjemaets løpenummer.
Krav til deklarasjon, journalføring og rapportering av farleg avfall verksemda tek imot I § 11-13 står det at den som handterer farleg avfall, skal sjå til at avfallet dei tek imot er deklarert.
I § 11-6 står det at krava i vedlegg 4 gjeld for mottak og mellomlager for farleg avfall med mindre det er sett strengare krav i løyve. I vedlegg 4 er det krav om at mottak for farleg avfall skal føre journal over opplysningar om mottak, lagring og vidarelevering av alt farleg avfall dei tek imot. Journalen skal oppbevarast i minst tre år. Det er også krav om årleg rapportering om mengder og typar farleg avfall inn og ut av anlegget og på lager.
Avviket er basert på følgjande observasjonar:
Merking og deklarasjon av eige farleg avfall
Ein del emballasje med eige farleg avfall plassert på/ved lager for farleg avfall var ikkje merka med kva type farleg avfall det inneheldt. Ein del farleg avfall var klargjort for henting av transportør, men ikkje all emballasje var merka med deklarasjonsnummer.
Deklarasjon, journalføring og rapportering av farleg avfall verksemda tek imot Wartsila Norway AS tok imot slopvatn som er klassifisert som farleg avfall frå frå Los Marine utan at avfallet var deklarert.
Wartsila tok imot og lagra farleg avfall, men journalen for mottak, lagring og
vidarelevering var mangelfull. Journalen hadde berre informasjon om farleg avfall ut frå reinseanlegget, og registreringa hadde slutta i august 2017. Mengder slopvatn inn til anlegget vart registrert i fakturasystemet, men desse registreringane omfatta mellom anna ikkje deklarasjonsnummer.
Avvik 3
Tanklagring av farleg avfall hadde manglar Avvik frå:
Forureiningsforskrifta § 18-4 om miljørisiko og § 18-6 om førebyggande tiltak Kommentar til regelverket:
Miljørisikovurdering
I § 18-4 er de krav til miljørisikovurdering ved tanklagring av farleg avfall. Vurderinga skal evaluerast minst ein gong i året og om nødvendig oppdaterast.
Førebyggande tiltak
Etter § 18-6 skal førebyggjande tiltak i tråd med punkt a) til i) settast i verk uavhengig av kva tiltak som følgjer av miljørisikovurderinga. Punkt d) set mellom anna krav til eit førebyggande vedlikehaldsprogram.
Avviket er basert på følgjande observasjonar:
Miljørisikovurdering og førebyggande tiltak
Miljørisikovurderinga for lagertank for farleg avfall var ikkje oppdatert etter 2014 og vedlikehaldsprogram mangla.
7. Merknader
Det vart ikkje gitt merknader under inspeksjonen.
8. Andre tilhøve
Endring av løyve
Gjeldande løyve gjeld behandling av farleg avfall, men krav til lagring av farleg avfall, finansiell sikring, deklarasjon og journalføring av motteke farleg avfall er ikkje omtalt.
For mottak og mellomlager av farleg avfall gjeld likevel minimumskrava i avfallsforskrifta
kapittel 11 vedlegg 4. For tanklagring av farleg avfall gjeld også forureiningsforskrifta kapittel 18.
I avfallsforskrifta kapittel 11 vedlegg 4 er det krav til finansiell sikring for mottak og mellomlager for farleg avfall. Sikringa skal dekke kostnadar ved handtering av maksimal mengd og type farleg avfall på lager fastsett i løyve. Dersom verksemda skal halde fram med lagring av farleg avfall dei tek imot, må dette regulerast i løyvet og verksemda må legge fram finansiell sikring i tråd med avfallsforskrifta kapittel 11 vedlegg 4 punkt 4.
Krav til finansiell sikring gjeld farleg avfall verksemda tek imot frå andre. Det er ikkje krav til finansiell sikring av eige farleg avfall på lager. Los Marine er avfallsprodusent for slopvatnet og har også ansvar for drift av reinseanlegget. Verksemda vil derfor vurdere om løyvet skal overførast til Los Marine.
I tillegg til slopvatn frå Los Marine, vert avløpsvatn frå vaskemaskinane til Wartsila Norway AS ført til reinsanlegget. Wartsila Norway AS orienterte under tilsynet om planar for å endre handteringa av avløpsvatn frå vaskemaskinane som vil føre til reduksjon av mengdene med omlag 90 prosent i løpet av 2018.
Verksemda orienterte også om at det er planar om utfylling i resipienten for avløpsvatnet frå reinseanlegget, og at utsleppspunktet i så fall må flyttast. Det skal også skje andre endringar i området som kan føre til endringar i reinseanlegget, som flytting.
Wartsila Norway As har avtale med Los Marine om drift av reinseanlegget. Verksemda bør gå gjennom avtalen for å sikre at alle relevante forhold omtalt i denne rapporten vert dekka.
Ber om tilbakemelding
Vi ber Wartsila Norway AS gje tilbakemelding til Fylkesmannen saman med tilbakemelding på retting av avvika 15. juni 2018 på følgjande forhold:
Skal verksemda halde fram med lagring av farleg avfall dei tek imot? I så fall må det leggast ved søknad om endring av løyvet med opplysning om maksimal mengd og type farleg avfall på lager, og finansiell sikring i tråd med
avfallsforskrifta kapittel 11 vedlegg 4 punkt 4.
Ev. informasjon om andre forhold i løyvet dei søkjer endra
9. Dokumentunderlag
Lovgrunnlaget for inspeksjonen var:
Forureiningslova
Avfallsforskrifta
Internkontrollforskrifta
Løyve til verksemd etter forureiningslova frå Fylkesmannen