1. Informasjon om verksemda

(1)

Saksbehandler, telefon Henriette Ludvigsen, 5557 2093

Vår dato 12.12.2016

Vår referanse 2016/15152 461.3 Deres dato Deres referanse

Statens hus

Kaigaten 9, 5020 Bergen Telefon: 55 57 20 00 Telefaks: 55 57 28 51

Miljøvern- og klimaavdelinga Postboks 7310, 5020 Bergen Org.nr: 974760665

E-post:

postmottak@fmho.no Internett:

www.fylkesmannen.no/hordaland

Jackon AS avd.Bergen Postboks 1410

1602 FREDRIKSTAD

Rapport frå inspeksjon ved Jackon AS avd. Bergen 4. november 2016 Rapportnummer: 2016.084.I.FMHO

Kontaktpersonar ved inspeksjonen:

Frå verksemda: Frå Fylkesmannen i Hordaland:

Heine Lie Anne Christine Knag

Reiko Nitschke Henriette Ludvigsen

På skype:

Hans Petter Olsen

Anders Evendorff Sørensen

Resultat frå inspeksjonen

Denne rapporten omhandlar avvik frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg.

Fylkesmannen i Hordaland fann 3 avvik under inspeksjonen innan følgjande tema:

 internkontroll

 avfallshandtering

Avvika og merknadene er nærare omtalt frå side 3 og utover i rapporten.

Jackon AS må sende ei skriftleg stadfesting innan 1. mars 2017 på at avvika er retta.

Oppfølginga etter inspeksjonen er nærare omtalt på side 2.

Med helsing

Mari Katrine Berg Henriette Ludvigsen

overingeniør overingeniør

Rapporten er godkjent elektronisk og har derfor inga underskrift.

Kopi til: Sund kommune

(2)

2

1. Informasjon om verksemda

Namn: Jackon AS avd. Bergen Risikoklasse: 4

Besøksadresse: Skageneset Industriområde, 5382 Skogsvåg Postadresse: Postboks 1410, 1602 Fredrikstad

E-post: jackon@jackon.no Telefon: 69363300

Kommune: Sund Organisasjonsnr.: 913234979

Bransjenr. (NACE-kode): 22.220 - Produksjon av

plastemballasje Eigar (org.nr.): 913019334

2. Bakgrunnen for inspeksjonen

Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir haldne. Tilsynet er ein del av ein nasjonal tilsynsaksjon med verksemder som produserer plast- og glasfibervarar. Aksjonen vart gjennomført i november 2016. Det har ikkje tidlegare vore gjennomført ein landsdekkande tilsynsaksjon retta mot denne bransjen.

Følgjande hovudtema vart kontrollert:

 kjemikaliehandtering

 avfallshandtering, inkludert farleg avfall

 utslepp til omgjevnadane

 internkontroll, inkludert miljørisikovurdering og avviksbehandling

3. Oppfølging etter kontrollen

Verksemda pliktar snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 1. mars 2017 sende ei skriftlig tilbakemelding med dokumentasjon som viser korleis avvik er retta, gjerne med bildedokumentasjon.

4. Kontrollgebyr

Fylkesmannen varsla i e-post 31. oktober 2016 at Jackon AS avd. Bergen vil få eit gebyr på 12 100 kroner for inspeksjonen, jf. forureiningsforskrifta § 39-7. Dette er gebyrsats 3. Faktura blir ettersendt frå Miljødirektoratet.

De har rett til å klage på valet av gebyrsats innan tre veker etter at de har fått denne rapporten, jf. forvaltningslova § 28. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen.

(3)

3

5. Offentleggjering

Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland, jf. offentleglova.

6. Dokumentunderlag

 forureiningslova

 produktkontrollova

 forureiningsforskrifta

 avfallsforskrifta kapittel 11 om farleg avfall

 internkontrollforskrifta

Informasjon om regelverket finn de på www.miljodirektoratet.no og www.regelhjelp.no.

Definisjonar

 Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova,

produktkontrollova og forskrifter heimla i desse lovene eller krav og vilkår fastsett i løyve eller dispensasjonar).

 Merknad: eit forhold som miljøvernstyresmaktene meiner det er nødvendig å påpeike for å ivareta helse og miljø og som ikkje er omfatta av definisjonen for avvik.

7. Avvik

Vi fann følgjande avvik under inspeksjonen:

Avvik 1: Verksemda sin internkontroll har manglar

Avvik frå: Internkontrollforskrifta § 5 andre ledd punkt 6 og 7

Kommentar til regelverket:

Internkontrollen i ei verksemd skal mellom anna syte for at følgjande er på plass:

Risikovurdering

Verksemda skal kartlegge på kva område det er fare for at verksemda forureinar. Ein skal vurdere risiko og lage tilhøyrande planar for å redusere risiko for forureining. Ei

risikovurdering skal omfatte all påverknad verksemda har på ytre miljø. Risikovurdering og handlingsplan skal vere skriftleg.

Rutinar og avvik

Verksemda må ha rutinar for å avdekke, rette opp og førebyggje brot på

forureiningsregelverket. Rutinar og system for avvikshandtering skal vere skriftleg.

Avviket er basert på følgjande observasjonar:

Verksemda har ikkje utført miljørisikoanalyse og difor heller ikkje gjennomført risikoreduserande tiltak.

(4)

4

Avviksystemet verker som det er lite brukt då det berre er skreve eit HMS-avvik på 2 år, og avviket gjaldt brann.

Avvik 2: Verksemda kan ikkje dokumentere kva som skjer med deler av avfallet dei produserer

Avvik frå: Forureiningslova §§ 7 og 32

Ingen må ha, gjere eller dette i verk noko som kan føre til fare for forureining, jf.

forureiningslova § 7. Dette inneber mellom anna at verksemder må ha kontroll over kva som skjer med avfallet dei produserer. Alt avfall skal leverast til lovleg avfallsanlegg, med mindre det attvinnast eller vert brukt på anna måte, jf. forureiningslova § 32. For å kunne levere avfallet som ordinært avfall, må verksemda kunne dokumentere at det ikkje er farleg avfall, jf.

avfallsforskrifta § 11-2.

Verksemda brukar vatn til nedkjøling og oppvarming av plast. Vatnet går i lukka system og vert tilsett biocid.

Verksemda har avtale med Industriell Vannbehandling AS (IV AS) om vedlikehald av vassanlegga. IV AS tappar av vatnet to gonger per år, avhengig av behov. Jackon har ikkje oversikt over korleis dette vatnet vert handtert.

Avvik 3: Verksemda si handtering av farleg avfall har manglar

Avvik frå: avfallsforskrifta §§ 11-5 og 11-8

Alle som handterer farleg avfall gjere dei tiltak som er naudsynt for å unngå fare for

forureining eller skade på menneskjer og dyr, jf. avfallsforskrifta § 11-5. Det inneber mellom anna at avfallet skal vere tydeleg merka med innhald og vere utilgjengeleg for

uvedkommande.

Verksemda plikter å levere farleg avfall til godkjent mottak årleg dersom mengda er over 1 kilo jf. avfallsforskrifta § 11-8.

 Behaldarar som inneheld farleg avfall manglar tydelig merking.

 IBC-dunk med spillolje er ikkje sikra mot uvedkommande.

 Farleg avfall vert ikkje levert årlig sjølv om dette står skrive i verksemda si internkontroll.

8. Merknader

Vi har ikkje gitt merknader under inspeksjonen.

(5)

5

9. Andre forhold

Jackon AS avd. Bergen starta opp produksjonen i 2014. Verksemda ligg i eit industriområde.

Verksemda har ni til sette som alle deltar i produksjonen, kor seks av dei berre jobbar i produksjonen. Verksemda har produksjon 24 timer i døgnet fire dagar i veka, og elleve timar på fredagar. Driftstida varierer gjennom året og frå år til år avhengig av etterspørsel.

Verksemda produserer isoporkasser og isoporplater.Råstoffet er polystyren. Pentan får kulene til å ekspandere, og elles er det ingen anna tilsetting enn vatn. Vatn og pentan dampar av kulene før dei blir pressa saman til kasser og plater.

All produksjon skjer inne, med unntak av transport og lagring av avfall.

Dei har ein tank med pentan som er omfatta om avfallsforskrifta kapittel 18 om tanklagring av farlege kjemikal og farleg avfall.

10. Informasjon til verksemda

Aktuelle brosjyrar og faktaark for aksjonen:

• Faktaark M-629|2016 – Miljøkrav for produksjon av plastbaserte produkter

• Faktaark M-550|2016 – Har virksomheten din farlig avfall?

• Faktaark M-421|2015 – Avfallsdeklarering.no

• Faktaark M-297|2015 – Gebyr ved kontroll

• Faktaark M-284|2014 – Håndtering av farlig avfall

• Faktaark M-123|2014 – Lister over svært skadelige kjemiske stoffer

• Faktaark M-104|2014 – Substitusjonsplikten

• Nettsak – Korleis handsame avfall frå oljeutskillarar?

• Brosjyre – Det er bedre å lære av en feil enn å gjenta den

• Brosjyre – Kontroll med risiko gir gevinst