supplementing Directive 2010/30/EU of the European Parliament and of the Council with re-

OJ L 314/10, p. 17-46

COMMISSION DELEGATED REGULATION (EU) No 1060/2010 of 28 September 2010

supplementing Directive 2010/30/EU of the European Parliament and of the Council with re-

gard to energy labelling of household refrigerating appliances

DELEGERT KOMMISJONSFORORDNING (EU) nr. 1060/2010 av 28. september 2010

om utfylling av europaparlaments- og rådsdirektiv 2010/30/EU med omsyn til energimerking av kjøleapparat til hushaldsbruk

EUROPAKOMMISJONEN HAR —

med tilvising til traktaten om verkemåten til Den europeiske unionen,

med tilvising til europaparlaments- og rådsdirektiv 2010/30/EU av 19. mai 2010 om merking av og standardiserte vareopplysningar på energirelaterte produkt, som viser forbruket deira av energi og andre ressursar(¹), særleg artikkel 10, og

ut frå desse synsmåtane:

1) Direktiv 2010/30/EU krev at Kommisjonen vedtek delegerte rettsakter med omsyn til energirelaterte produkt som representerer eit viktig potensial for energisparing, og det finst store skilnader i ytingsnivåa med tilsvarande funksjonalitet.

2) Ved kommisjonsdirektiv 94/2/EF av 21. januar 1994 om nærmere regler for gjennomføringen av rådsdirektiv 92/75/EØF med hensyn til energimerking av kjøleskap, frysere og kombinasjoner av slike(²) vart det innført føresegner om energimerking av kjøleapparat til hushaldsbruk.

3) Elektrisitetsforbruket til kjøleapparat til hushaldsbruk utgjer ein stor del av det samla behovet for hushaldselektrisitet i Unionen.

I tillegg til dei betringane i energieffektiviteten som alt er oppnådde, er det godt mogleg med ein endå større reduksjon av energiforbruket til kjøleapparat til hushaldsbruk.

4) Direktiv 94/2/EF bør opphevast, og nye føresegner bør fastsetjast ved denne forordninga, for såleis å sikre at energimerkinga gjev produsentane eit dynamisk stimuleringstiltak for å gjere kjøleapparat til hushaldsbruk endå meir energieffektive, og for å framskunde omlegginga av marknaden i retning av ein energieffektiv teknologi.

5) Den samla verknaden av dei føresegnene som er fastsette i denne forordninga og i kommisjonsforordning (EF) nr. 643/2009 av 22. juli 2009 om gjennomføring av europaparlaments- og rådsdirektiv 2005/32/EF når det gjelder krav til miljøvennlig utforming av kjøleapparater til husholdningsbruk(³), kan utgjere ein reduksjon i det årlege elektrisitetsforbruket på 6 TWh innan 2020(⁴), jamført med ein situasjon der ingen tiltak vert gjorde.

6) Det er òg mogleg å spare energi i samband med produkt på dei veksande marknadene for kjøleapparat av absorpsjonstypen og til vinskap. Desse innretningane bør difor høyre inn under verkeområdet for denne forordninga.

(

) TEU L 153 av18.6.2010, s. 1.

(

) TEF L 45 av 17.2.1994, s. 1.

(

) TEU L 191 av 23.7.2009, s. 53.

(

) Ved måling i samsvar med Cenelec-standarden EN 153, februar 2006/EN ISO 15502, oktober

2005.

7) Kjøleapparat av absorpsjonstypen er lydlause, men nyttar ein god del meir energi enn kjøleapparat av kompresjonstypen. For at sluttbrukarane skal få eit godt grunnlag for å kunne velje, bør opplysningar om utslepp av luftboren akustisk støy frå kjøleapparat til hushaldsbruk takast med på etiketten.

8) Dei opplysningane som er førde opp på etiketten, bør byggje på pålitelege, nøyaktige og reproduserbare målemetodar som tek omsyn til sannkjende målemetodar på det noverande utviklingssteget i teknikken, medrekna eventuelle harmoniserte standardar vedtekne av europeiske standardiseringsorgan som er nemnde i vedlegg I til europaparlaments- og rådsdirektiv 98/34/EF av 22. juni 1998 om en informasjonsprosedyre for standarder og tekniske forskrifter samt regler for informasjonssamfunnstjenester(¹).

9) Ved denne forordninga bør det fastleggjast ei einsarta utforming av og eit einsarta innhald på etiketten til kjøleapparat til hushaldsbruk.

10) I tillegg bør denne forordninga innehalde krav til den tekniske dokumentasjonen og databladet for kjøleapparat til hushaldsbruk.

11) Denne forordninga bør dessutan omfatte krav til dei opplysningane som skal gjevast ved alle former for fjernsal og annonsering og i teknisk reklamemateriale for kjøleapparat til hushaldsbruk.

12) Det bør fastsetjast føresegner om ny vurdering av føresegnene i denne forordninga, samstundes som det vert teke omsyn til dei teknologiske framstega.

13) For å lette overgangen mellom direktiv 94/2/EF og denne forordninga bør kjøleapparat til hushaldsbruk som er merkte i samsvar med denne forordninga, reknast for å oppfylle krava i direktiv 94/2/EF.

14) Direktiv 94/2/EF bør difor opphevast —

VEDTEKE DENNE FORORDNINGA:

Artikkel 1

Mål og verkeområde

1. Ved denne forordninga vert det innført krav til merking av og oppføring av utfyllande produktopplysningar på elektriske, nettdrivne kjøleapparat til hushaldsbruk med eit lagringsvolum på 10-1 500 liter.

2. Denne forordninga skal nyttast på elektriske, nettdrivne kjøleapparat til hushaldsbruk, medrekna apparat som vert selde til annan bruk enn hushaldsbruk eller til kjøling eller frysing av andre varer enn næringsmiddel, og medrekna apparat til innbygging.

Ho skal òg nyttast på elektriske, nettdrivne kjøleapparat til hushaldsbruk som kan drivast med batteri.

3. Denne forordninga skal ikkje nyttast på

a) kjøleapparat som i hovudsak vert drivne av andre energikjelder enn elektrisitet, t.d. flytande petroleumsgass (LPG), parafin og biobrensel,

b) batteridrivne kjøleapparat som kan koplast til elektrisitetsnettet gjennom ein AC/DC-omformar, som vert innkjøpt separat,

(

) TEF L 204 av 21.7.1998, s. 37.

c) spesiallaga kjøleapparat som finst i eitt eksemplar, og ikkje tilsvarar nokon annan kjøleappartmodell,

d) kjøleapparat som skal nyttast i tenestesektoren der uttak av kjølte eller fryste næringsmiddel vert registrert elektronisk, og opplysningane om dette kan sendast automatisk gjennom ei nettkopling til eit fjernkontrollsystem for rekneskapsføremål,

e) apparat der hovudfunksjonen ikkje er lagring av næringsmiddel ved kjøling eller frysing, t.d. frittståande maskiner for framstilling og lagring av is, eller automatar for kjølte drikkar.

Artikkel 2

Definisjonar

I denne forordninga skal dei definisjonane som er fastsette i artikkel 2 i direktiv 2010/30/EU, nyttast. Vidare tyder:

1) «næringsmiddel» matvarer, ingrediensar, drikkar, medrekna vin, og andre artiklar som hovudsakleg er meinte for konsum, og som krev kjøling ved visse temperaturar,

2) «kjøleapparat til hushaldsbruk» eit isolert kabinett med éi eller fleire avdelingar, meint for kjøling eller frysing av næringsmiddel eller lagring av kjølte eller fryste næringsmiddel som vert nytta til andre føremål enn kommersielle, og som vert kjølte ved hjelp av éin eller fleire energiforbrukande prosessar, medrekna apparat som vert selde i modular for montering av sluttbrukaren,

3) «innbygd apparat» eit fast kjøleapparat som er meint for installasjon i eit innbyggingsskap eller i ei eiga nisje i ein vegg eller liknande som er meint for dette føremålet, og som krev montering av frontpanel,

4) «kjøleskap» eit kjøleapparat som er meint for lagring av næringsmiddel, med minst éi avdeling som er eigna til lagring av ferske næringsmiddel og/eller drikkar, medrekna vin,

5) «kjøleapparat av kompresjonstypen» eit kjøleapparat der kjølinga finn stad ved hjelp av ein motordriven kompressor,

6) «kjøleapparat av absorpsjonstypen» eit kjøleapparat der kjølinga finn stad ved hjelp av ein absorpsjonprosess som nyttar varme som energikjelde,

7) «kjøle- og fryseskap» eit kjøleapparat med minst éi kjøleavdeling for lagring av ferske næringsmiddel, og minst éi avdeling som eignar seg for innfrysing av ferske næringsmiddel og lagring av fryste næringsmiddel ved trestjerners lagringstilhøve (fryseavdeling),

8) «fryseskap» eit kjøleapparat med ei eller fleire avdelingar som eignar seg for lagring av fryste næringsmiddel,

9) «frysar» eit kjøleapparat med éi eller fleire avdelingar som eigner seg for innfrysing av næringsmiddel med temperaturar som varierer frå omgjevnadstemperatur og ned til –18 °C, og som i tillegg dessutan eignar seg for lagring av fryste næringsmiddel ved trestjerners lagringstilhøve; ein frysar kan òg omfatte seksjonar og/eller avdelingar som er merkte med to stjerner innanfor same avdeling eller kabinett,

10) «vinskap» eit kjøleapparat som berre inneheld éi eller fleire avdelingar for lagring av vin,

11) «fleirbruksapparat» eit kjøleapparat som berre inneheld éi eller fleire fleirbruksavdelingar,

12) «tilsvarande kjøleapparat til hushaldsbruk» ein kjøleapparatmodell til hushaldsbruk som er bringa i omsetning med same bruttovolum og lagringsvolum, same tekniske eigenskapar og ytingseigenskapar og same avdelingstypar som ein annan kjøleapparatmodell som er bringa i omsetning med ein annan handelskode av den same produsenten,

13) «sluttbrukar» ein forbrukar som kjøper eller er venta å kjøpe eit kjøleapparat til hushaldsbruk,

14) «utsalsstad» ein stad der kjøleapparat til hushaldsbruk vert utstilte eller tilbodne for sal, leige eller kjøp på avbetaling.

Dei definisjonane som er fastsette i vedlegg I, skal òg nyttast.

Artikkel 3

Ansvaret til leverandørane Leverandørane skal syte for at

a) kvart kjøleapparat til hushaldsbruk er utstyrt med ein prenta etikett i det formatet og med dei opplysningane som er fastsette i vedlegg I,

b) det vert utarbeidd eit datablad for produktet, slik det er fastsett i vedlegg III,

c) den tekniske dokumentasjonen som er fastsett i vedlegg IV, vert gjord tilgjengeleg på oppmoding frå styresmaktene i medlemsstatane og for Kommisjonen,

d) alle annonsar for ein viss kjøleapparatmodell til hushaldsbruk har opplysningar om energieffektivitetsklasse, dersom annonsen inneheld opplysningar om energibruk eller pris,

e) alt teknisk reklamemateriale om ein viss kjøleapparatmodell til hushaldsbruk som omtalar dei særskilde tekniske parametrane til apparatet, inneheld opplysningar om energieffektivitetsklassen til denne modellen.

Artikkel 4

Ansvaret til forhandlarane Forhandlarane skal syte for at

a) kvart einskilt kjøleapparat til hushaldsbruk på utsalsstaden er påført den etiketten som leverandøren har utarbeidd i samsvar med artikkel 3 bokstav a), utvendig på framsida eller oversida av apparatet, slik at han er godt synleg og ikkje vert dekt til,

b) kjøleapparat til hushaldsbruk som vert tilbodne for sal, leige eller kjøp på avbetaling på ein slik måte at sluttbrukaren ikkje kan vente å få sjå det utstilte produktet, vert marknadsførte med dei opplysningane som leverandørane skal gje i samsvar med vedlegg V,

c) alle annonsar for ein viss kjøleapparatmodell til hushaldsbruk har opplysningar om energieffektivitetsklasse, dersom annonsen inneheld opplysningar om energibruk eller pris,

d) alt teknisk reklamemateriale om ein viss kjøleapparatmodell til hushaldsbruk som omtalar dei særskilde tekniske parametrane til

apparatet, inneheld opplysningar om energieffektivitetsklassen til denne modellen.

Artikkel 5

Målemetodar

Dei opplysningane som skal gjevast i medhald av artikkel 3, skal byggje på pålitelege, nøyaktige og reproduserbare framgangsmåtar for måling som tek omsyn til sannkjende målemetodar på det noverande utviklingssteget i teknikken, slik det er fastsett i vedlegg VI.

Artikkel 6

Framgangsmåte for verifisering for marknadstilsynsføremål

Medlemsstatane skal nytte den framgangsmåten som er fastsett i vedlegg VII, når dei vurderer samsvaret til den oppførde energieffektivitetsklassen, det årlege energiforbruket, brutto- og nettovolumet for lagring av ferske og fryste næringsmiddel, innfrysingskapasiteten og utsleppa av luftboren akustisk støy.

Artikkel 7

Revisjon

Kommisjonen skal vurdere denne forordninga på nytt i lys av den teknologiske utviklinga seinast fire år etter at ho tek til å gjelde.

Vurderinga skal særleg omfatte dei verifiseringstoleransane som er fastsette i vedlegg VII, og om det er mogleg å fjerne eller redusere verdiane av dei korreksjonsfaktorane som er fastsette i vedlegg VIII..

Artikkel 8

Oppheving Direktiv 94/2/EF vert oppheva frå 30. november 2011.

Artikkel 9

Overgangsføresegner

1. Artikkel 3 bokstav d) og e) og artikkel 4 bokstav b), c) og d) skal ikkje nyttast på prenta annonsar og prenta teknisk reklamemateriale som vert offentleggjort før 30. mars 2012.

2. Kjøleapparat til hushaldsbruk som vert bringa i omsetning før 30. november 2011, skal vere i samsvar med dei føresegnene som er fastsette i direktiv 94/2/EF.

3. Kjøleapparat til hushaldsbruk som er i samsvar med føresegnene i denne forordninga, og som er bringa i omsetning eller tilbodne for sal, leige eller kjøp på avbetaling før 30. desember 2011, skal reknast for å oppfylle krava i direktiv 94/2/EF.

Artikkel 10

Iverksetjing og bruk

1. Denne forordninga tek til å gjelde 20. dagen etter at ho er kunngjord i Tidend for Den europeiske unionen.

2. Ho skal nyttast frå 30. november 2011. Artikkel 3 bokstav d) og e) og artikkel 4 bokstav b), c) og d) skal likevel nyttast frå 30. mars 2012.

Denne forordninga er bindande i alle delar og gjeld direkte i alle medlemsstatane.

Utferda i Brussel, 28. september 2010.

For Kommisjonen José Manuel BARROSO

President

______

VEDLEGG I

DEFINISJONAR SOM GJELD I VEDLEGG II-IX

I vedlegg II-IX tyder:

a) «kaldluftsystem» eit system som automatisk hindrar permanent rimdanning, og der kjølinga finn stad ved tvungen luftsirkulasjon, fordamparen eller fordamparane vert avrima av eit automatisk avrimingssystem, og vatnet frå avriminga vert leidd bort automatisk,

b) «avdeling med kaldluftfrysing» alle avdelingar som vert avisa av eit kaldluftsystem,

c) «kjøle-/svalskap» eit kjøleapparat som minst har éi avdeling for lagring av ferske næringsmiddel, og dessutan éi svalavdeling, men inga avdeling for lagring av fryste næringsmiddel eller for nedkjøling, og inga avdeling for framstilling eller lagring av is,

d) «svalskap» eit kjøleapparat med berre éi eller med fleire svalavdelingar,

e) «kjøleskap med avdeling for næringsmiddel som lett vert skjemde» eit kjøleapparat som minst har éi avdeling for lagring av ferske næringsmiddel og éi avdeling for lagring av næringsmiddel som lett vert skjemde , men inga avdeling for lagring av fryste næringsmiddel,

f) «avdelingar» alle avdelingar som er førde opp i bokstav g)-n),

g) «avdeling for lagring av ferske næringsmiddel» ei avdeling som er utforma for lagring av næringsmiddel som ikkje er fryste, som igjen kan vere oppdelt i underavdelingar,

h) «svalavdeling» ei avdeling som er meint for lagring av visse næringsmiddel eller drikkar ved ein temperatur som er høgare enn i avdelinga for lagring av ferske næringsmiddel,

i) «avdeling for næringsmiddel som lett vert skjemde» ei avdeling som særleg er meint for lagring av næringsmiddel som lett vert skjemde,

j) «avdeling for framstilling og lagring av is» ei avdeling med låg temperatur som særleg er meint for framstilling og lagring av is,

k) «avdeling for lagring av fryste næringsmiddel» ei avdeling med låg temperatur som er meint for lagring av fryste næringsmiddel, og som har følgjande temperaturklassifisering:

i) «avdeling merkt med éi stjerne»:

ei avdeling for lagring av fryste næringsmiddel der temperaturen ikkje vert høgare enn –6 °C,

ii) «avdeling merkt med to stjerner»:

ei avdeling for lagring av fryste næringsmiddel der temperaturen ikkje vert høgare enn –12 ℃,

iii) «avdeling merkt med tre stjerner»:

ei avdeling for lagring av fryste næringsmiddel der temperaturen ikkje vert høgare enn –18 ℃,

iv) «fryseavdeling»

(eller avdeling merkt med fire stjerner»):

ei avdeling som eignar seg for innfrysing av minst 4,5 kg næringsmiddel per 100 l lagringsvolum, og under ingen omstende mindre enn 2 kg, frå omgjevnadstemperatur ned til –18 °C i eit tidsrom på 24 timar, og som i tillegg eignar seg for lagring av fryste matvarer ved lagringstilhøve merkt med tre stjerner, og som innanfor den same avdelinga kan ha inndelingar som er merkte med to stjerner,

v) «avdeling utan stjernemerking»:

ei avdeling for lagring av fryste næringsmiddel der temperaturen er < 0 °C, og som i tillegg kan nyttast til å framstille og lagre is, men som ikkje er meint for lagring av næringsmiddel som lett vert skjemde,

l) «avdeling for lagring av vin» ei avdeling som er utforma berre for korttidslagring av vin for å oppnå ideell drikketemperatur, eller for langtidslagring av vin med sikte på modning, med følgjande eigenskapar:

i) kontinuerleg lagringstemperatur, anten førehandsinnstilt eller manuelt innstilt i samsvar med tilvisingar frå produsenten, innanfor området frå +5 °C til +20 °C,

ii) lagringstemperatur(ar) med ei endring over tid på mindre enn 0,5 K ved kvar opplyst omgjevnadstemperatur i klimaklassen for kjøleapparat til hushaldsbruk,

iii) aktiv eller passiv kontroll av fuktinnhaldet i avdelinga innanfor området 50–90 %,

iv) konstruert for å redusere overføringa av vibrasjon til avdelinga, anten frå kjøleskapskompressoren eller frå ei eventuell ekstern kjelde,

m) «fleirbruksavdeling» ei avdeling som er meint for bruk ved to eller fleire av temperaturane for dei ulike avdelingstypane, og som sluttbrukaren kan innstille slik at dei heile tida ligger innanfor driftstemperaturområdet for kvar avdelingstype i samsvar med tilvisingane frå produsenten; dersom temperaturen i éi avdeling kan endrast til ein annan driftstemperatur berre for eit kort tidsrom (t.d. ei innstilling til snøggfrysing), er avdelinga ikkje ei fleirbruksavdeling slik det er definert i denne forordninga,

n) «anna avdeling» ei avdeling, bortsett frå ei avdeling for lagring av vin, som er meint for lagring av visse næringsmiddel ved ein temperatur på over +14 °C,

o) «seksjon merkt med to stjerner» ein del i ein frysar, ei avdeling i ein frysar, ei avdeling merkt med tre stjerner eller eit kabinett for lagring av fryste næringsmiddel merkt med tre stjerner som ikkje har eiga dør eller eige lokk, og der temperaturen ikkje er høgare enn –12 °C,

p) «fryseboks» ein frysar der avdelinga(ne) er tilgjengeleg(e) frå oversida av apparatet, eller med avdelingar som kan opnast både frå oversida og frå framsida, men der bruttovolumet for avdelinga(ne) som kan opnast frå oversida, utgjer minst 75 % av det samla bruttovolumet til apparatet,

q) «apparat som kan opnast frå oversida» eller «fryseboks» eit kjøleapparat der avdelinga(ne) er tilgjengeleg(e) frå oversida av apparatet,

r) «apparat som kan opnast frå framsida» eit kjøleapparat der avdelinga(ne) er tilgjengeleg(e) frå framsida av apparatet,

s) «snøggfrysing» ein reversibel funksjon som sluttbrukaren kan aktivere i samsvar med tilvisingane frå produsenten, som senkar lagringstemperaturen i frysaren eller fryseavdelinga slik at innfrysinga av ufryste næringsmiddel skjer snøggare,

t) «modellnemning» den koden, vanlegvis alfanumerisk, som skil ein viss kjøleapparatmodell til hushaldsbruk frå andre modellar med same varemerke eller leverandør.

______

VEDLEGG II

ETIKETT

1. ETIKETT TIL KJØLEAPPARAT TIL HUSHALDSBRUK SOM ER KLASSIFISERTE I ENERGIEFFEKTIVITETSKLASSE A+++ TIL C

1) Opplysningane nedanfor skal vere påførde etiketten:

I. Namnet eller varemerket til leverandøren.

II. Modellnemninga.

III. Energeffektivitetsklassen er fastsett i samsvar med vedlegg IX; pila som viser energieffektivitetsklassen til kjøleapparatet til hushaldsbruk, skal plasserast jamhøgt med pila som viser den aktuelle energieffektivitetsklassen.

IV. Årleg energiforbruk (AEC), uttrykt i kWh per år, avrunda oppover til nærmaste heiltal og utrekna i samsvar med del 3 nr. 2 i vedlegg VIII.

V. Summen av lagringsvoluma til alle avdelingar som ikkje kvalifiserer til stjernemerking (dvs. driftstemperatur > – 6 °C), avrunda til nærmaste heiltal.

VI. Summen av lagringsvoluma til alle avdelingane for lagring av fryste næringsmiddel som kvalifiserer til stjernemerking (dvs.

driftstemperatur ≤ – 6 °C), avrunda til nærmaste heiltal, og talet på stjerner for den avdelinga som utgjer størstedelen av denne summen;

dersom kjøleapparata til hushaldsbruk ikkje har avdeling(ar) for lagring av fryste næringsmiddel, skal leverandøren føre opp «- L» i staden for ein verdi, og la feltet for stjernemerking stå tomt.

VII. Utslepp av luftboren akustisk støy, uttrykt i dB(A) re 1 pW og avrunda til nærmaste heiltal.

Når det gjeld vinskap, skal del V og VI bytast ut med nominell kapasitet i talet på standardflasker på 75 centiliter som kan få plass i apparatet i samsvar med instruksjonane frå produsenten.

2) Etiketten skal utformast i samsvar med del 3 nr. 1 i dette vedlegget. Som eit unntak gjeld likevel at dersom ein modell er tildelt eit «EU- miljømerke» i medhald av europaparlaments- og rådsforordning (EF) nr. 66/2010(¹), kan ein kopi av EU-miljømerket påførast i tillegg.

(

) TEU L 27 av 30.1.2010, s. 1.

2. ETIKETT TIL KJØLEAPPARAT TIL HUSHALDSBRUK SOM ER KLASSIFISERTE I ENERGIEFFEKTIVITETSKLASSE D TIL G

1) Opplysningane som er førde opp i del 1 nr. 1, skal vere påførde denne etiketten.

2) Etiketten skal utformast i samsvar med del 3 nr. 2 i dette vedlegget. Som eit unntak gjeld likevel at dersom ein modell er tildelt eit «EU- miljømerke» i medhald av europaparlaments- og rådsforordning (EF) nr. 66/2010, kan ein kopi av EU-miljømerket påførast i tillegg.

3. UTFORMING AV ETIKETTEN

1) For kjøleapparat til hushaldsbruk som er klassifiserte i energieffektivitetsklasse A+++ til C, bortsett frå vinskap, skal etiketten utformast på følgjande måte:

Forklaringar:

a) Etiketten skal vere minst 110 mm brei og 220 mm høg. Dersom etiketten vert prenta i eit større format, skal innhaldet likevel ha dei proporsjonane som er førde opp ovanfor.

b) Bakgrunnen på etiketten skal vere kvit.

c) Fargane skal vere CMYK — cyan, magenta, gult og svart, som i dette dømet: 00-70-X-00: 0 % cyan, 70 % magenta, 100 % gult, 0 % svart.

d) Etiketten skal oppfylle alle krava nedanfor (tala viser til figuren ovanfor):

Kantlinja til EU-etiketten: 5 pt — farge: 100 % cyan — avrunda hjørne: 3,5 mm.

EU-logo — fargar: X-80-00-00 og 00-00-X-00.

Energietikett: farge: X-00-00-00.

Piktogram slik figuren viser: EU-logo og energilogo (til saman): breidd: 92 mm, høgd: 17 mm.

Linje under logoane: 1 pt — farge: 100 % cyan — lengd: 92,5 mm.

Skala frå A til G

– Pil: høgd: 7 mm, mellomrom: 0,75 mm — fargar:

Høgaste klasse: X-00-X-00, Andre klasse: 70-00-X-00, Tredje klasse: 30-00-X-00, Fjerde klasse: 00-00-X-00, Femte klasse: 00-30-X-00, Sjette klasse: 00-70-X-00, Lågaste klasse: 00-X-X-00.

– Tekst: Calibri utheva 19 pt, versalar og kvit; «+»-symbola: Calibri utheva 13 pt, versalar, kvit, justert på éi linje.

Energieffektivitetsklasse

– Pil: breidd: 26 mm, høgd: 14 mm, 100 % svart.

– Tekst: Calibri utheva 29 pt, versalar og kvit; ‘+’ symbols: «+»-symbola: Calibri utheva 18 pt, versalar, kvit, justert på éi linje.

Energi

– Tekst: Calibri normal 11 pt, versalar, svart.

Årleg energiforbruk:

– Kantlinje: 3 pt — farge: 100 % cyan — avrunda hjørne: 3,5 mm.

– Verdi: Calibri utheva 45 pt, 100 % svart.

– Andre linje: Calibri normal 17 pt, 100 % svart.

Lagringsvoluma til alle avdelingar som ikkje kvalifiserer til stjernemerking:

– Kantlinje: 3 pt — farge: 100 % cyan — avrunda hjørne: 3,5 mm.

– Verdi: Calibri utheva 25 pt, 100 % svart. Calibri normal 17 pt, 100 % svart.

Utslepp av luftboren akustisk støy:

– Kantlinje: 3 pt — farge: 100 % cyan — avrunda hjørne: 3,5 mm.

– Verdi: Calibri utheva 25 pt, 100 % svart.

Calibri normal 17 pt, 100 % svart.

Lagringsvoluma til alle avdelingane for lagring av fryste næringsmiddel som kvalifiserer til stjernemerking:

– Kantlinje: 3 pt — farge: 100 % cyan — avrunda hjørne: 3,5 mm.

– Verdi: Calibri utheva 25 pt, 100 % svart.

Calibri normal 17 pt, 100 % svart.

Namnet eller varemerket til leverandøren

Modellnemninga

Namnet eller varemerket til leverandøren og modellnemninga bør få plass i eit felt på 90 × 15 mm.

Nummeret til forordninga:

– Tekst: Calibri utheva 11 pt.

2) For kjøleapparat til hushaldsbruk som er klassifiserte i energieffektivitetsklasse D til G, bortsett frå vinskap, skal etiketten utformast på følgjande måte:

Forklaringar:

Etiketten skal utformast i samsvar med del 3 nr. 1 i dette vedlegget, bortsett frå når det gjeld nr. 8, der følgjande skal nyttast:

Årleg energiforbruk:

– Kantlinje: 3 pt — farge: 100 % cyan — avrunda hjørne: 3,5 mm.

– Verdi: Calibri utheva 32 pt, 100 % svart.

– Andre linje: Calibri normal 14 pt, 100 % svart.

3) For vinskap skal etiketten utformast på følgjande måte:

Forklaringar:

a) Etiketten skal vere minst 110 mm brei og 220 mm høg. Dersom etiketten vert prenta i eit større format, skal innhaldet likevel ha dei proporsjonane som er førde opp ovanfor.

b) Bakgrunnen på etiketten skal vere kvit.

c) Fargane skal vere CMYK — cyan, magenta, gult og svart, som i dette dømet: 00-70-X-00: 0 % cyan, 70 % magenta, 100 % gult, 0 % svart.

d) Etiketten skal oppfylle alle krava nedanfor (tala viser til figuren ovanfor):

Kantlinja til EU-etiketten: 5 pt — farge: 100 % cyan — avrunda hjørne: 3,5 mm.

EU-logo — fargar: X-80-00-00 og 00-00-X-00.

Energietikett: farge: X-00-00-00.

Piktogram slik figuren viser: EU-logo og energilogo (til saman): breidd: 92 mm, høgd: 17 mm.

Linje under logoane: 1 pt — farge: 100 % cyan — lengd: 92,5 mm.

Skala frå A til G

– Pil: høgd: 7 mm, mellomrom: 0,75 mm — fargar:

Høgaste klasse: X-00-X-00, Andre klasse: 70-00-X-00, Tredje klasse: 30-00-X-00, Fjerde klasse: 00-00-X-00, Femte klasse: 00-30-X-00, Sjette klasse: 00-70-X-00, Lågaste klasse/klassar: 00-X-X-00.

– Tekst: Calibri utheva 19 pt, versalar og kvit; «+»-symbola: Calibri utheva 13 pt, versalar, kvit, justert på éi linje.

Energieffektivitetsklasse

– Pil: breidd: 26 mm, høgd: 14 mm, 100 % svart.

– Tekst: Calibri utheva 29 pt, versalar og kvit; «+»-symbola: Calibri utheva 18 pt, versalar, kvit, justert på éi linje.

Energi

– Tekst: Calibri normal 11 pt, versalar, svart.

Årleg energiforbruk:

– Kantlinje: 2 pt — farge: 100 % cyan — avrunda hjørne: 3,5 mm.

– Verdi: Calibri utheva 30 pt, 100 % svart.

– Andre linje: Calibri normal 14 pt, 100 % svart.

Nominell kapasitet i tal på standardflasker:

– Kantlinje: 2 pt — farge: 100 % cyan — avrunda hjørne: 3,5 mm.

– Verdi:Calibri utheva 28 pt, 100 % svart.

Calibri normal 15 pt, 100 % svart.

Utslepp av luftboren akustisk støy:

– Kantlinje: 2 pt — farge: 100 % cyan — avrunda hjørne: 3,5 mm.

– Verdi:Calibri utheva 25 pt, 100 % svart.

Calibri normal 17 pt, 100 % svart.

Namnet eller varemerket til leverandøren

Modellnemninga

Namnet eller varemerket til leverandøren og modellnemninga bør få plass i eit felt på 90 × 15 mm.

Nummeret til forordninga:

Tekst: Calibri utheva 11 pt.

______

VEDLEGG III DATABLAD FOR PRODUKTET

1. Opplysningane i databladet for kjøleapparatet til hushaldsbruk skal førast opp i følgjande rekkjefølgje, og skal takast med i produktbrosjyren eller anna skriftleg materiale som følgjer med produktet:

a) Namnet eller varemerket til leverandøren.

b) Modellnemninga, slik det er definert i vedlegg I bokstav t).

c) Kategorien av kjøleapparatmodell til hushaldsbruk i samsvar med nr. 1 i vedlegg VIII.

d) Energieffektivitetsklassen til modellen i samsvar med vedlegg IX.

e) Dersom kjøleapparatet til hushaldsbruk er vorte tildelt eit «EU-miljømerke» i medhald av forordning (EF) nr. 66/2010, kan det opplysast om dette her.

f) Årleg energiforbruk (AEC), uttrykt i kWh per år, avrunda oppover til nærmaste heiltal og utrekna i samsvar med del 3 nr. 2 i vedlegg VIII.

Det skal definerast som: «Energiforbruk “XYZ” kWh per år, på grunnlag av resultat av standardprøvingar i 24 timar. Det faktiske energiforbruket er avhengig av korleis apparatet vert nytta og kvar det er plassert.».

g) Lagringsvolumet til kvar avdeling, og eventuell stjernemerking i samsvar med del 1 nr. 1 VI i vedlegg II.

h) Konstruksjonstemperaturen til «andre avdelingar» slik det er definert i bokstav n) i vedlegg I. Når det gjeld avdelingar for lagring av vin, skal det opplysast om den kaldaste lagringstemperaturen, som anten er førehandsinnstilt i avdelinga eller mogleg å innstille av sluttbrukaren i samsvar med instruksjonane frå leverandøren.

i) Opplysningar om «kaldluft» for den eller dei aktuelle avdelingane, slik det er definert i bokstav b) i vedlegg I.

j) «Opptiningstid ved straumbrot “X” timar», definert som «temperaturstigningstid».

k) «Innfrysingskapasitet» i kg/24 timar.

l) «Klimaklasse» i samsvar med nr. 1 i tabell 3 i vedlegg VIII, uttrykt som: «Klimaklasse: W [klimaklasse]. Dette apparatet er meint for bruk ved ein omgjevnadstemperatur mellom “X” [lågaste temperatur] °C og “X” [høgaste temperatur] °C’.

m) Utslepp av luftboren akustisk støy, uttrykt i dB(A) re 1 pW og avrunda til nærmaste heiltal.

n) Dersom modellen er meint for innbygging, skal det opplysast om dette.

o) Når det gjeld vinskap, skal det opplysast om følgjande: «Dette apparatet er meint berre for lagring av vin». Denne føresegna skal ikkje nyttast på kjøleapparat til hushaldsbruk som ikkje er særleg utforma for lagring av vin, men som likevel kan nyttast for dette føremålet, og heller ikkje på kjøleapparat til hushaldsbruk som har ei avdeling for lagring av vin kombinert med andre typar avdelingar.

2. Eitt og same datablad kan omfatte fleire kjøleapparatmodellar til hushaldsbruk frå den same leverandøren.

3. Opplysningane i databladet kan gjevast i form av ein kopi av etiketten, anten i fargar eller i svart-kvitt. Når dette vert gjort, skal dei opplysningane som er førde opp i nr. 1, og som ikkje alt er påførde etiketten, òg førast opp her.

______

VEDLEGG IV TEKNISK DOKUMENTASJON

1. Den tekniske dokumentasjonen som er nemnd i artikkel 3 bokstav c), skal omfatte følgjande:

a) Namnet og adressa til leverandøren.

b) Ein generell omtale av kjøleapparatmodellen som gjer det mogleg å identifisere han på ein enkel og eintydig måte.

c) Tilvisingar til eventuelle harmoniserte standardar som er nytta.

d) Eventuelle andre tekniske standardar og spesifikasjonar som er nytta.

e) Namnet og underskrifta til den personen som har fullmakt til å gjere bindande avtaler på vegner av leverandøren.

f) Tekniske parametrar for måling som er fastsette i samsvar med vedlegg VIII:

i) ytre dimensjonar, ii) samla plassbehov ved drift, iii) samla bruttovolum,

iv) lagringsvolum og samla lagringsvolum,

v) stjernemerking av avdelinga(ne) for lagring av fryste næringsmiddel, vi) avrimingsmetode,

vii) lagringstemperatur, viii) energiforbruk, ix) temperaturstigningstid, x) innfrysingskapasitet, xi) effektforbruk,

xii) fukt i avdeling for lagring av vin, xiii) utslepp av luftboren akustisk støy,

g) Resultata av utrekningane som vert utførde i samsvar med vedlegg VIII.

2. Dersom dei opplysningane som er tekne med i den tekniske dokumentasjonen for ein viss kjøleapparatmodell til hushaldsbruk, er eit resultat av utrekningar på grunnlag av utforming av eller ekstrapolering frå andre tilsvarande kjøleapparat, eller begge delar, skal dokumentasjonen omfatte opplysningar om slike utrekningar eller ekstrapoleringar, eller begge delar, og om prøvingar som leverandørane har utført for å kontrollere at dei utrekningane som er gjorde, er nøyaktige. Desse opplysningane skal òg omfatte ei liste over alle tilsvarande kjøleapparatmodellar til hushaldsbruk der opplysningane er skaffa fram på det same grunnlaget.

______

VEDLEGG V

OPPLYSNINGAR SOM SKAL GJEVAST I TILFELLE DER SLUTTBRUKARANE IKKJE KAN VENTE Å FÅ SJÅ PRODUKTET UTSTILT

1. Dei opplysningane som er nemnde i artikkel 4 bokstav b), skal gjevast i følgjande rekkjefølgje:

a) Energieffektivitetsklassen til modellen slik det er definert i vedlegg IX.

b) Årleg energiforbruk, uttrykt i kWh per år, avrunda oppover til nærmaste heiltal og utrekna i samsvar med del 3 nr. 2 i vedlegg VIII.

c) Lagringsvolumet til kvar avdeling, og eventuell stjernemerking i samsvar med del 1 nr. 1 VI i vedlegg II.

d) «Klimaklasse» i samsvar med nr. 1 i tabell 3 i vedlegg VIII.

e) Utslepp av luftboren akustisk støy, uttrykt i dB(A) re 1 pW og avrunda til nærmaste heiltal.

f) Dersom modellen er meint for innbygging, skal det opplysast om dette.

g) Når det gjeld vinskap, skal det opplysast om følgjande: «Dette apparatet er meint berre for lagring av vin». Denne føresegna skal ikkje nyttast på kjøleapparat til hushaldsbruk som ikkje er særleg utforma for lagring av vin, men som likevel kan nyttast for dette føremålet, og heller ikkje på kjøleapparat til hushaldsbruk som har ei avdeling for lagring av vin kombinert med andre typar avdelingar.

2. Dersom det vert gjeve ytterlegare opplysningar i databladet for produktet, skal desse ha den forma og rekkjefølgja som er fastsett i vedlegg III.

3. Alle opplysningane som er nemnde i dette vedlegget, skal prentast eller visast med ein storleik og ein font som gjer dei lette å lese.

______

VEDLEGG VI M^ÅLINGAR

1. Når det gjeld samsvar og kontroll med at krava i denne forordninga er oppfylte, skal det nyttast pålitelege, nøyaktige og reproduserbare målemetodar som tek omsyn til allment sannkjende målemetodar på det noverande utviklingssteget i teknikken, medrekna metodar som er fastsette i dokumenta der referansenumra er offentleggjorde for dette føremålet i Tidend for Den europeiske unionen.

2. ALLMENNE VILKÅR FOR PRØVING

Dei følgjande allmenne vilkåra for prøving skal nyttast:

1) Dersom sluttbrukaren kan slå på og av kondenshindrande varmeelement, skal desse vere slått på og innstilt på høgaste oppvarming dersom dei kan justerast.

2) Dersom apparatet har «dørmonterte innretningar» (t.d. automatar for is og avkjølt vatn/drikke) som kan slåast på og av, skal dei vere slått på under målinga av energiforbruket, men ikkje vere i drift.

3) For fleirbruksapparat og -avdelingar skal lagringstemperaturen under målinga av energiforbruk vere den nominelle temperaturen i den kaldaste avdelingstypen under kontinuerleg normal bruk i samsvar med tilvisingane frå produsenten.

4) Energiforbruket til eit kjøleapparat til hushaldsbruk skal fastsetjast for den kaldaste konfigurasjonen, i samsvar med tilvisingane frå produsenten for kontinuerleg normal bruk av ei «anna avdeling» slik det er definert i tabell 5 i vedlegg VIII.

3. TEKNISKE PARAMETRAR Følgjande parametrar skal fastsetjast:

a) «ytre mål», som skal målast til nærmaste millimeter,

b) «samla plassbehov ved drift», som skal målast til nærmaste millimeter,

c) «samla bruttovolum», som skal målast til nærmaste heile kubikkdesimeter eller liter,

d) «lagringsvolum og samla lagringsvolum», som skal målast til nærmaste heile kubikkdesimeter eller liter, e) «avrimingsmetode»,

f) «lagringstemperatur»,

g) «energiforbruk», som vert uttrykt i kilowattimar per 24 timar (kWh/24h), avrunda til tre desimalar, h) «temperaturstigningstid»,

i) «innfrysingskapasitet»,

j) «fukt i avdeling for lagring av vin», som vert uttrykt i prosent og avrunda til nærmaste heiltal, og k) «utslepp av luftboren akustisk støy».

______

VEDLEGG VII

FRAMGANGSMÅTE FOR KONTROLL FOR MARKNADSTILSYNSFØREMÅL

For å kontrollere at det er samsvar med dei krava som er fastsette i artikkel 3 og 4, skal styresmaktene i medlemsstatane prøve eitt kjøleapparat til hushaldsbruk. Dersom dei målte parametrane ikkje er i samsvar med dei verdiane som leverandøren har opplyst om innanfor dei områda som er definerte i tabell 1, skal målingane utførast på ytterlegare tre kjøleapparat. Det aritmetiske gjennomsnittet av dei målte verdiane for desse tre kjøleapparata skal oppfylle krava innanfor dei områda som er definerte i tabell 1.

I motsett fall skal denne modellen og alle andre tilsvarande kjøleapparatmodellar til hushaldsbruk reknast for ikkje å oppfylle krava.

I tillegg til den framgangsmåten som er fastsett i vedlegg VI, skal styresmaktene i medlemsstatane nytte pålitelege, nøyaktige og reproduserbare målemetodar der det vert teke teke omsyn til allment sannkjende målemetodar på det noverande utviklingssteget i teknikken, medrekna metodar som er fastsette i dokumenta der referansenumra er offentleggjorde for dette føremålet i Tidend for Den europeiske unionen.

Tabell 1

Målt parameter Verifiseringstoleransar

Nominelt bruttovolum Den målte verdien skal ikkje liggje meir enn 3 % eller 1 l under den nominelle verdien(^*), alt etter kva verdi som er størst.

Nominelt lagringsvolum Den målte verdien skal ikkje liggje meir enn 3 % eller 1 l under den nominelle verdien, alt etter kva verdi som er størst. Dersom voluma for kjøleavdelinga og avdelinga for lagring av ferske næringsmiddel kan justerast i høve til kvarandre av brukaren, gjeld denne målingsuvissa når svalavdelinga vert justert til sitt minste volum.

Innfrysingskapasitet Den målte verdien skal ikkje liggje meir enn 10 % under den nominelle verdien.

Energiforbruk Den målte verdien skal ikkje overstige den nominelle verdien for (E24h) med meir enn 10 %.

Vinskap Den målte verdien for relativ fukt skal ikkje overstige det nominelle området med meir

enn 10 %.

Utslepp av luftboren akustisk støy Den målte verdien skal vere i samsvar med den nominelle verdien.

(^*) «Nominell verdi» er ein verdi som produsenten har opplyst om.

VEDLEGG VIII

KLASSIFISERING AV KJØLEAPPARAT TIL HUSHALDSBRUK, METODE FOR UTREKNING AV TILSVARANDE VOLUM OG ENERGIEFFEKTIVITETSINDEKS

1. KLASSIFISERING AV KJØLEAPPARAT TIL HUSHALDSBRUK

Kjøleapparat til hushaldsbruk vert klassifiserte i dei kategoriane som er førde opp i tabell 1.

Kvar kategori er definert ved den særlege inndelinga i avdelingar som er ført opp i tabell 2, og er uavhengig av talet på dørar og/eller skuffer.

Tabell 1

Kategoriar av kjøleapparat til hushaldsbruk

Kategori Nemning

1 Kjøleskap med éi eller fleire avdelingar til lagring av ferske næringsmiddel

2 Kjøle-/svalskap, svalskap og vinskap

3 Kjøleskap med avdeling for næringsmiddel som lett vert skjemde, med ei avdeling utan stjernemerking

4 Kjøleskap med ei avdeling som er merkt med éi stjerne

5 Kjøleskap med ei avdeling som er merkt med to stjerner

6 Kjøleskap med ei avdeling som er merkt med tre stjerner

7 Kjøle- og fryseskap

8 Fryseskap

9 Fryseboks

10 Fleirbruksapparat og andre kjøleapparat

Kjøleapparat til hushaldsbruk som ikkje kan klassifiserast i kategori 1-9 fordi temperaturen i avdelingane vert klassifisert i kategori 10.

Tabell 2

Klassifisering av kjøleapparat til hushaldsbruk og relevante kombinasjonar av avdelingar

Nominell temperatur (for EEI) (°C) Utformingstem

peratur +12 +12 +5 0 0 –6 –12 –18 –18

Kategori (nummer)

Avdelingstypar Anna Lagring av vin Sval

Lagring av ferske næringsmiddel

Lagring av ferske næringsmiddel

Inga stjernemerking

/Framstilling av is

Éi stjerne To stjerner Tre stjerner Fire stjerner

Kategori apparat Kombinasjon av avdelingar

KJØLESKAP MED ÉI ELLER FLEIRE AVDELINGAR TIL LAGRING AV FERSKE NÆRINGSMIDDEL

N N N J N N N N N N 1

KJØLE-/SVALSKAP, SVALSKAP OG VINSKAP O O O J N N N N N N 2

O O J N N N N N N N

N J N N N N N N N N

KJØLESKAP MED AVDELING FOR NÆRINGSMIDDEL SOM LETT VERT SKJEMDE, og KJØLESKAP MED EI AVDELING UTAN STJERNEMERKING

O O O J J O N N N N 3

O O O J O J N N N N

KJØLESKAP MED EI AVDELING SOM ER MERKT MED ÉI STJERNE

O O O J O O Y N N N 4

KJØLESKAP MED EI AVDELING SOM ER MERKT MED TO STJERNER

O O O J O O O Y N N 5

KJØLESKAP MED EI AVDELING SOM ER MERKT MED TRE STJERNER

O O O J O O O O Y N 6

KJØLE- OG FRYSESKAP O O O J O O O O O J 7

FRYSESKAP N N N N N N N O (J)(^a) J 8

FRYSEBOKS N N N N N N N O N J 9

FLEIRBRUKSAPPARAT OG ANDRE APPARAT O O O O O O O O O O 10

Merknader:

J = har slik avdeling. N = har ikkje slik avdeling. O = slik avdeling er valfri.

(^a) omfattar òg skap merkte med tre stjerner for fryste næringsmiddel.

Kjøleapparat til hushaldsbruk vert klassifiserte i éin eller fleire klassar slik det er gjort greie for i tabell 3.

Tabell 3

Klimaklassar

Klasse Symbol Gjennomsnittleg omgjevnadstemperatur

°C

Utvida temperert sone SN + 10 til + 32

Temperert sone N + 16 til + 32

Subtropisk sone ST + 16 til + 38

Tropisk sone T + 16 til + 43

Kjøleapparatet skal kunne halde ved lag dei påkravde lagringstemperaturane i dei ulike avdelingane til same tid og innanfor tillatne temperaturavvik (under avrimingssyklusen), slik det der definert i tabell 4 for dei ulike typane kjølapparat til hushaldsbruk og for dei relevante klimaklassane.

Fleirbruksapparat og fleirbruksavdelingar skal kunne halde ved lag dei påkravde lagringstemperaturane til dei ulike avdelingstypane når desse temperaturane kan innstillast av sluttbrukaren i samsvar med tilvisingane frå produsenten.

Tabell 4

Lagringstemperaturar

Lagringstemperaturar (°C)

Anna avdeling Avdeling for

lagring av vin Svalavdeling

Avdeling for lagring av ferske

næringsmiddel

Avdeling for næringsmiddel

som lett vert skjemde

Avdeling merkt med éi stjerne

Avdeling merkt med to stjerner

Frysar og av- deling/kabinett merkt

med tre stjerner

tom twma tcm t1m, t2m, t3m, tma tcc t* t** t***

> + 14 + 5 ≤ twma ≤ + 20

+ 8 ≤ tcm ≤ + 14

0 ≤ t1m, t2m,

t3m ≤ + 8;

tma ≤ + 4

– 2 ≤ tcc ≤ + 3 ≤ – 6 ≤ – 12² ≤ – 18 (^a)

Merknader:

– tom: lagringstemperatur for den andre avdelinga.

– twma: lagringstemperatur for avdelinga for lagring av vin, med eit avvik på 0,5 K.

– tcm: lagringstemperatur for svalavdelinga.

– t1m, t2m, t3m: lagringstemperaturar for avdelinga for ferske næringsmiddel.

– tma: gjennomsnittleg lagringstemperatur for avdelinga for ferske næringsmiddel.

– tcc: omgåande lagringstemperatur for avdelinga for næringsmiddel som lett vert skjemde.

– t*, t**, t***: høgaste temperaturar for avdelingane for fryste næringsmiddel.

– lagringstemperatur for avdelinga for framstilling og lagring av is og for avdelinga utan stjernemerking er under 0 °C.

(^a) for kjøleapparat til hushaldsbruk med kaldluftfrysing er det under avrimingssyklusen tillate med eit temperaturavvik på høgst 3 K i det som er kortast av 4 timar eller 20 % av driftssyklusen.

2. UTREKNING AV TILSVARANDE VOLUM

Det tilsvarande volumet for eit kjøleapparat til hushaldsbruk er summen av dei tilsvarande voluma for alle avdelingane. Det vert utrekna i liter og avrunda til nærmaste heiltal, på følgjande måte:

der:

– n er talet på avdelingar,

– Vc er lagringsvolumet til avdelinga(ne),

– Tc er den nominelle temperaturen til avdelinga(ne) slik det er fastsett i tabell 2,

– (25 – Tc)

er den termodynamiske faktoren slik det er fastsett i tabell 5, 20

– FFc, CC og BI er volumkorreksjonsfaktorane slik det er fastsett i tabell 6.

Den termodynamiske korreksjonsfaktoren (25 – Tc)

er temperaturskilnaden mellom den nominelle temperaturen 20

for avdeling Tc (fastsett i tabell 2) og omgjevnadstemperaturen ved standard prøvingstilhøve ved +25 °C, utrykt som eit høve mellom den same skilnaden for ei avdeling for ferske næringsmiddel ved +5 °C.

Dei termodynamiske faktorane for dei avdelingane som det er gjort greie for i vedlegg I bokstav g)-n), er fastsette i tabell 5.

Tabell 5

Termodynamiske faktorar for avdelingar i kjøleapparat

Avdeling Nominell temperatur (25-Tc)/20

Anna avdeling Konstruksjonstemperatur ^{(25 – Tc)}

20

Svalavdeling/Avdeling for lagring av vin +12 °C 0,65

Avdeling for lagring av ferske næringsmiddel +5 °C 1,00

Avdeling for næringsmiddel som lett vert skjemde 0 °C 1,25

Avdeling for framstilling og lagring av is, og avdeling utan stjernemerking

0 °C 1,25

Avdeling merkt med éi stjerne –6 °C 1,55

Avdeling merkt med to stjerner –12 °C 1,85

Avdeling merkt med tre stjerner –18 °C 2,15

Avdeling for innfrysing av næringsmiddel (avdeling merkt med fire stjerner)

–18 °C 2,15

Merknader:

i) For fleirbruksavdelingar vert den termodynamiske faktoren fastsett av den nominelle temperaturen som det er opplyst om i tabell 2, for den kaldaste avdelingstypen som kan innstillast av sluttbrukaren og haldast kontinuerleg ved lag i samsvar med tilvisingane frå produsenten.

ii) For alle seksjonar som er merkte med to stjerner (i ein frysar), vert den termodynamiske faktoren fastsett til Tc = –12 °C.

iii) For andre avdelingar vert den termodynamiske faktoren fastsett av den kaldaste konstruksjonstemperaturen som kan innstillast av sluttbrukaren og haldast kontinuerleg ved lag i samsvar med tilvisingane frå produsenten.

Tabell 6

Verdien til korreksjonsfaktorane

Korreksjonsfaktor Verdi Vilkår

FF (kaldluftfrysing) 1,2 For avdelingar med kaldluftfrysing for lagring av fryste næringsmiddel

1 Andre

CC (klimaklasse) 1,2 For apparat i klasse T (tropisk sone)

1,1 For apparat i klasse ST (subtropisk sone)

1 Andre

BI (innbygd) 1,2 For innbygde apparat med breidd under 58 cm

1 Andre

Merknader:

i) FF er volumkorreksjonsfaktoren for avdelingar med kaldluftfrysing.

ii) CC er volumkorreksjonsfaktoren for ein viss klimaklasse. Dersom eit kjøleapparat er klassifisert i fleire klimaklassar, skal klimaklassen med den høgaste korreksjonsfaktoren nyttast ved utrekning av tilsvarande volum.

iii) BI er volumkorreksjonsfaktoren for innbygde apparat.

3. UTREKNING AV ENERGIEFFEKTIVITETSINDEKS

Ved utrekninga av energieffektivitetsindeksen (EEI) til eit kjøleapparat til hushaldsbruk vert det årlege energiforbruket til kjøleapparatet jamført med det årlege standardenergiforbruket til apparatet.

1) Energieffektivitetsindeksen (EEI) vert utrekna på følgjande måte, og avrunda til éin desimal:

EEI = AEc

× 100 SAEc

der:

AEC = årleg energiforbruk for kjøleapparatet til hushaldsbruk SAEC =årleg standardenergiforbruk for kjøleapparatet til hushaldsbruk.

2) Det årlege energiforbruket (AEc) vert utrekna i kWh/år og avrunda til to desimalar:

AEC = E24h × 365 der:

E24h er energiforbruket til eit kjøleapparat til hushaldsbruk i kWh/24h, avrunda til tre desimalar.

3) Det årlege standardenergiforbruket (SAEc) vert utrekna i kWh/år og avrunda til to desimalar:

SAEC = Veq × M + N + CH der:

Veq er det tilsvarande volumet til eit kjøleapparat til hushaldsbruk

CH er lik 50 kWh/år for kjøleapparat til hushaldsbruk med avdeling for næringsmiddel som lett vert skjemde, med lagringsvolum på minst 15 liter

verdiane for M og N er førde opp i tabell 7 for kvar einskilt kategori av kjøleapparat til hushaldsbruk.

Tabell 7

Verdiar for M og N etter kategori kjøleapparat til hushaldsbruk

Kategori M N

1 0,233 245

2 0,233 245

3 0,233 245

4 0,643 191

5 0,450 245

6 0,777 303

7 0,777 303

8 0,539 315

9 0,472 286

10 (^*) (^*)

(*) Merknad: for kjøleapparat til hushaldsbruk i kategori 10 er verdiane for M og N avhengige av temperaturen og stjernemerkinga til avdelinga med lågast oppbevaringstemperatur som kan innstillast av sluttbrukaren og haldast ved lag kontinuerleg i samsvar med tilvisingane frå produsenten^. Når det berre finst ei «anna avdeling» slik det er definert i tabell 2 og vedlegg I bokstav n), skal verdiane for M og N i kategori 1 nyttast.Apparat med avdelingar som er merkte med tre stjerner eller har avdelingar for innfrysing av næringsmiddel, vert rekna som kjøle- og fryseskap.

VEDLEGG IX ENERGIEFFEKTIVITETSKLASSAR

Energieffektivitetsklassen til eit kjøleapparat til hushaldsbruk skal fastsetjast på grunnlag av energieffektivitetsindeksen (EEI) til apparatet, slik det er fastsett i tabell 1 frå 20. desember 2011 til 30. juni 2014, og i tabell 2 frå 1. juli 2014.

Energieffektivitetsindeksen til eit kjøleapparat til hushaldsbruk skal fastsetjast i samsvar med nr. 3 i vedlegg VIII.

Tabell 1

Energieffektivitetsklassar fram til 30. juni 2014

Energieffektivitetsklasse Energieffektivitetsindeks

A+++ (mest effektiv) EEI < 22

A++ 22 ≤ EEI < 33

A+ 33 ≤ EEI < 44

A 44 ≤ EEI < 55

B 55 ≤ EEI < 75

C 75 ≤ EEI < 95

D 95 ≤ EEI < 110

E 110 ≤ EEI < 125

F 125 ≤ EEI < 150

G (minst effektiv) EEI ≥ 150

Tabell 2

Energieffektivitetsklassar frå 1. juli 2014

Energieffektivitetsklasse Energieffektivitetsindeks

A+++ (mest effektiv) EEI < 22

A++ 22 ≤ EEI < 33

A+ 33 ≤ EEI < 42

A 42 ≤ EEI < 55

B 55 ≤ EEI < 75

C 75 ≤ EEI < 95

D 95 ≤ EEI < 110

E 110 ≤ EEI < 125

F 125 ≤ EEI < 150

G (minst effektiv) EEI ≥ 150