Ole Kvernenes Båtbyggeri AS5419 Fitjar

(1)

Sakshandsamar, innvalstelefon Magne Nesse, 55 57 23 35

Vår dato 14.11.2014

Vår referanse 2014/12316 472 Dykkar dato Dykkar referanse

Ole Kvernenes Båtbyggeri AS 5419 Fitjar

Rapport frå inspeksjon ved Ole Kvernenes Båtbyggeri AS 15. oktober 2014 Rapportnummer: 2014.133. I.FMHO

Kontaktpersonar ved inspeksjonen:

Frå verksemda: Frå Fylkesmannen i Hordaland:

Gisle Vestbøstad Britt Solheim

Magne Nesse Resultat frå inspeksjonen

Denne rapporten omhandlar avvik og merknader frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg.

Fylkesmannen i Hordaland fann 6 avvik og har gitt 2 merknader under inspeksjonen innan følgjande tema:

 internkontroll

 utslepp av miljøskadelege stoff

 handtering av farleg avfall

 utsleppskontroll

Avvika og merknadene er nærare omtalt frå side 3 og utover i rapporten.

Ole Kvernenes Båtbyggeri AS må innan 2. februar 2015sende ei skriftleg stadfesting på at avvika er retta. Oppfølginga etter inspeksjonen er nærare omtalt på side to.

Sissel Storebø Magne Nesse

senioringeniør senioringeniør

Rapporten er godkjent elektronisk og har derfor inga underskrift.

Kopi til: Fitjar kommune

(2)

1. Informasjon om verksemda

Namn:Ole Kvernenes Båtbyggeri AS Kontrollklasse:3 Besøksadresse:

Postadresse:5419 Fitjar Telefon:91721810

E-post:baatbygg@online.no Organisasjonsnr.:929134877

Kommune:Fitjar Eigar (org.nr.):

Bransjenr. (NACE-kode): 30.112 Siste tilsyn:21.9.2006

2. Bakgrunnen for inspeksjonen

Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir haldne. Tilsynet er en del av ein nasjonal kontrollaksjon med skipsverfta i landet. Aksjonen vert gjennomført i oktober 2014.

Følgjande hovudtema vart kontrollert:

 Internkontroll, medrekna risikovurdering, skriftlege rutinar

 Utslepp til sjø

 Utsleppskontroll

 Støy

 Handtering av næringsavfall og farleg avfall

 Lagring og handtering av kjemikaliar

3. Oppfølging etter kontrollen

Verksemda pliktar snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 2. februar 2015 sende ei skriftleg tilbakemelding med dokumentasjon som viser korleis avvik er retta, gjerne med bildedokumentasjon.

Vi ser alvorleg på avvika som vart funne under inspeksjonen. Gjennomføringa av tiltaka kan derfor bli følgt opp med nytt tilsyn utanom ordinær tilsynsfrekvens.

Varsel om tvangsmulkt

Dersom vi ikkje får tilbakemelding med dokumentasjon på at avvika er retta innan 2. februar 2015, vil Fylkesmannen vurdere å fatte vedtak om tvangsmulkt, jf.

forureiningslova § 73.

I vedtaket om tvangsmulkt blir det sett ein ny frist for å sende inn dokumentasjon. Dersom denne fristen ikkje blir heldt, må verksemda betale tvangsmulkta. Ei eventuell tvangsmulkt vil vere på 50 000 kroner.

Verksemda kan kommentere dette varselet. Eventuelle kommentarar må sendast til

Fylkesmannen innan to veker etter at denne rapporten er motteken, jf. forvaltningslova § 16.

(3)

4. Kontrollgebyr

Fylkesmannen varsla i e-post 13. oktober 2014 at Ole Kvernenes Båtbyggeri AS vil få eit gebyr på 15 200 kroner for inspeksjonen, jf. forureiningsforskrifta § 39-7. Dette er gebyrsats 2. Gebyret skal dekkje kostnadar i samband med førebuing, gjennomføring og oppfølging av kontrollen. Faktura blir ettersendt frå Miljødirektoratet.

De har rett til å klage på valet av gebyrsats innan tre veker etter at de har fått denne rapporten, jf. forvaltningslova § 28. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen.

5. Offentleggjering

Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland, jf. offentleglova.

6. Dokumentunderlag

 forureiningslova

 produktkontrollova

 forureiningsforskrifta kap. 29om skipsverft

 forureiningsforskrifta kapittel 20om avfall og lasterester frå skip

 avfallsforskrifta kapittel 11om farleg avfall

 internkontrollforskrifta

Informasjon om regelverket finn de på www.miljodirektoratet.noog www.regelhjelp.no.

Vi viser også til Norsk Industri sin rapport "Beste praksis for miljøarbeid i skipsverft – utslipp og avfall".

Definisjonar

 Avvik: brot på krav fastsett i eller i medhald av helse-, miljø- og sikkerheitslovgjevnaden (til dømes brot på krav i forureiningslova,

produktkontrollova og forskrifter heimla i desse lovene eller krav og vilkår fastsett i løyve eller dispensasjonar).

 Merknad: eit forhold som miljøvernstyresmaktene meiner det er nødvendig å påpeike for å ivareta helse og miljø og som ikkje er omfatta av definisjonen for avvik.

7. Avvik

Vi fann følgjande avvik under inspeksjonen:

Avvik 1: Verksemda sin internkontroll for ytre miljø har manglar Avvik frå: Internkontrollforskrifta § 5, pkt. 4, 6 og 7

Kommentarar til regelverket:

Internkontroll

Internkontrollforskrifta pålegg den som er ansvarleg for verksemda å sørgje for at det vert

(4)

og sikre ein betre handtering av avfall i den form og det omfang som er naudsynt og på bakgrunn av verksemda si art, aktivitetar, risikotilhøve og storleik, jf. § 5.

Miljømål

For at internkontrollen skal fungere som eit verktøy for verksemda, til å bli betre på ytre miljø, er det viktig å setje seg konkrete mål for arbeidet. Det bør også utarbeidast ein handlingsplan med tiltak for å nå måla. Måla skal dokumenterast skriftlig. Når tiltaka er utførte skal leiinga vurdere om mål/delmål er nådd, eller om drifta må justerast for å nå måla.

Risikovurdering

Ei risikovurdering skal kartlegge problem og farar for utslepp til ytre miljø og innehalde planar og tiltak for å redusere risikoen. Risikovurderinga skal omfatte alle aktiviteter som kan føre til forureining av vatn, grunn og luft. Risikovurderinga og handlingsplanen skal vere skriftleg.

Rutinar

Verksemda skal ha skriftlege rutinar for å avdekke, rette opp og førebyggje brot fastsatt i eller i medhald av lov eller forskrift.

Avvikshandtering

Verksemda skal ha eit system for å registrere hendingar som kan føre til forureinande utslepp, feil handtering av avfall og kjemikaliar mv., inkludert naboklagar. Hendingane skal

handsamast og følgjast opp.

Avviket er basert på følgjande observasjonar:

Internkontroll

Verksemda har internkontroll frå 2008, ei enkel risikovurdering for ulike arbeidsoppgåver som kan medføre forureining av ytre miljø, samt ulike skriftlege rutinar for dei ulike arbeidsprosessane.

Miljømål

Verksemda har ikkje fastsett og dokumentert mål for ytre miljø i internkontrollen. Det er mellom anna ikkje fastsett mål for å redusere utslepp til vatn, avfallsmengde og støy Risikovurdering

Risikovurderinga omfattar ikkje alle tilstander eller uønskte hendingar som er relevant for ytre miljø. Dette gjeld særskilt lagring av kjemikaliar (maling mv) og lagring og handtering av farleg avfall og EE-avfall. Vi viser til avvik knyta til dette lenger ned i rapporten.

Rutinar

Nokre av rutinane må oppdaterast/supplerast, dette gjeld rutine IK7 – sortering av ulike typar avfall.

(5)

Avvik 2: Handtering av avfall er ikkje tilfredsstillande

Avvik frå:Avfallsforskrifta § 11-5, Verksemda sin rutine for lagring av farleg avfall, IK1 Kommentar til regelverket:

Lagring av farleg avfall, § 11-5

Farleg avfall skal mellomlagrast forsvarleg. Avfallsbesittar har ansvar for at farleg avfall ikkje førar til forureining. Avfallet sitt farepotensial set krav til lagringsplassen, særleg verna mot ytre påverknad og sikring mot uvedkomande. Det er òg krav til at ein held orden og oversikt over avfallet, ved ryddig og avskilt plassering og med tydeleg merking om innhaldet. Alle som oppbevarer farleg avfall skal treffe nødvendige tiltak for å unngå fare for forureining. Dette inneber mellom anna merking og sikring mot lekkasjar.

Farleg avfall skal ikkje blandast saman med anna avfall. Ulike typar farleg avfall skal ikkje blandast dersom dette kan medføre fare for forureining, eller skape problem for den vidare handteringa av avfallet.

 Avverka materiale frå høgtrykkspyling av båtar vert levert som restavfall til SIM.

Hovudregel er at avverka materiale skal handterast som farleg avfall, med mindre det ikkje føreligg analyser som kan dokumentere at avfallet ikkje er farleg. Slik

dokumentasjon blei ikkje framlagt på tilsynet.

 Sprayboksar blei kasta i metallcontainer. (Sprayboksar er farleg avfall)

 Fire 100 liters fat med spillolje og frostvæske stod på en palle, ikkje sikra mot

uvedkommande og på grus-jordunderlag. Slik lagring er i strid med verksemdas eigen rutine (IK1) som seier at slikt avfall skal lagrast i låst stålcontainer eller i slipphus.

 EE-avfall (kablar, leidningar, elektromotorar) og 20-30 lysstoffrør låg spreidd ute på bakken, nokre lysstoffrør var knust. EE-avfall må lagrast i ein avfallsbehaldar, og lysstoffrøra må lagrast slik at dei ikkje vert knuste.

 Ein pall med asbestplater låg ute, delvis utan tildekking. I fylgje verksemda har det lege der i tre år. Dette må leverast inn til godkjent avfallsmottak snarast mogeleg.

 Stålcontainer for lagring av farleg avfall har ikkje oppsamling for lekkasjar av flytande avfall og står ikkje på tett flate. Ein eventuell lekkasje vil lekke ut i grunnen.

Avvik 3: Verksemda har ikkje utarbeida måleprogram Avvik frå: Forureiningsforskrifta § 29-9 d

Verksemda skal ha eit måleprogram for dokumentasjon av utslepp til luft, vatn og støy som skal inngå i verksemda sin dokumenterte internkontroll. Formålet med målingane er å dokumentere at gitte krav vert følgde. Måleprogram skulle ha vore utarbeida seinast 1. januar 2013.

Vi viser til Miljødirektoratets faktaark TA-2748/2010om kva som er forventa av eit måleprogram for dokumentasjon av utslepp.

(6)

Verksemda har ikkje laga eit måleprogram.

Avvik 4: Verksemda kan ikkje dokumentera innhald av miljøskadelege stoff i spylevatn som sleppes til sjø

Avvik frå: Forureiningsforskrifta § 29-9 b Kommentarar til regelverket:

Vatn som vert nytta til reingjering av skip i slippar og beddinghall kan innehalde

miljøskadelege stoff som oppløyst stoff og/eller som partiklar. Kva slags miljøskadelege stoff dette kan vera, avheng av kva type bunnstoff som er på skipa som vert reingjort. Kor mykje partiklar/malingsflak som havnar i sjøen med spylevatnet, avheng av kva slags tiltak

verksemda har iverksett for oppsamling av avvikra materiale, før vatnet når sjøen.

Verksemda skal dokumentere korleis utslepp av miljøskadelege stoff til vatn vært målt/kontrollert og kva tiltak som er gjort for å redusera utsleppa. Krav om slik

dokumentasjon vart iverksett gjennom forureiningsforskrifta kapittel 29 frå 1. januar 2012.

Verksemda må dokumentera utslepp av miljøskadelege stoff på ein måte som er representativ for totalmengde spylevatn som vert slept ut over ett år, slik at ein fangar opp variasjonar i utsleppa. Årleg mengde spylevatn som vert sloppe til sjø må inngå i dokumentasjonen. Prøvar av spylevatnet, bør som minimum analyserst for parametrane kadmium, kvikksølv, kobbar, bly, arsen, krom og tinnorganiske sambindingar (TBT). Vi visar til Miljødirektoratets faktaark om forureiningar frå skipsverft.

Verksemda tok prøver av spylevatn frå fem ulike båtar i 2008. Prøvane vart tekne i overflata i sjøen rett nedanfor slippen. Dei fem prøvane blei blanda saman og analysert¹for miljøgifter.

Resultata viser lave konsentrasjonar kadmium, kobbar og TBT. Fem andre miljøgifter låg under deteksjonsgrensane. Verksemda meiner at innhaldet av miljøgifter i spylevatn er lågare i dag enn i 2008, sidan det er etablert tett dekke i slippen med oppsamling av avverka

materiale. Fylkesmannen meiner at prøvane frå 2008 ikkje gjev eit riktig bilde på innhald av miljøgiftar i spylevatn, sidan prøven vart teken i sjøvatn og dermed fortynna. Det må takast nye prøvar av spylevatn for å dokumentere dette.

Avvik 5 : Verksemda har ikkje dokumentert støy ved mest støyutsette nabo Avvik frå: Forureiningsforskrifta § 29-9 c)

Verksemda skal dokumentera at støy frå verksemda ikkje overskrid støygrensene gjevne i forureiningsforskrifta §§ 29-7 og 29-8. Dokumentasjon av støy skulle vore utarbeida seinast 1. januar 2013. Dokumentasjon av støy og støyvurderingar skal inngå i eit måleprogram som skal inngå i verksemda sin internkontroll.

1Hardanger Miljøsenter AS

(7)

Støydokumentasjon er ikkje utarbeida. Innanfor ein radius på 130 meter frå slippane ligg det ca. 15 bustadar som kan bli plaga av støy frå verksemda.

Sjølv om det i forskrifta står at støy skal målast, vil berekning av støy i kombinasjon med måling ved kjelda vere den mest eigna. Denne metoden er den mest brukte og også mest påliteleg. Dokumentasjon av støy er komplisert og må gjennomførast av fagkyndig ekstern konsulent.

Avvik 6: Verksemda har ikkje eit godt nok system for å samle opp avverka og overflødig materiale i slippen

Avvik frå: Forureiningsforskrifta § 29-4 Kommentar til regelverket:

Avverka materiale samt overflødig materiale frå påføringar skal samlast opp.

Avverka materiale er alt materiale som vert fjerna som fjølge av overflatebehandlinga. Dette inkluderer materiale frå skraping og spyling av båtar og restar av maling og liknande.

Overflødig materiale er materiale som er nytta i overflatebehandlingsprosessen, men som ikkje blir verande på eller i båtens skrog. Det kan for eksempel være restar eller søl av bunnstoff, primer, reingjeringsvæsker osv.

Storslippen har ei oppsamlingsrenne som passar for båtar med ein kjøl. På kontrolldagen låg det ein katamaran på beddingen. Spylevatn frå ein slik båt vil ikkje renne ned i renna, men ned på beddingen. Det er laga ein tverrgåande renne lenger ned i beddingen, men denne låg under vatn ved flo sjø. Verksemda bør lage ein barriere som ligg tørt lenger opp i beddingen.

8. Merknader

Vi har gitt følgjande merknader under inspeksjonen:

Merknad 1:

Verksemda fører ikkje journal på mengde, type oppsamla materiale og disponering av dette.

Kommentarar:

I samsvar med § 29- 10 i forureiningsforskrifta skal verksemder journalføre opplysingar om;

 målingar av utslepp til luft, vatn og støy

 mengde og type oppsamla materiale, jf. § 29-4 og disponering av dette

 kva periodar dei særskilte støykrava i § 29-8 vert nytta I følgje Norsk Industri bør skipsverft journalføre følgjande;

• båten sin unike ID og fysiske data (byggjeår, LOA, B,D,W, m2)

• målingssertifikat eller data for botnstoff

• dato inn/ut av dokk/slipp/skipsheis

(8)

• omfang av overflatehandteringa (m²) og anna arbeid på skip i dokk/slipp/skipsheis (merknader (skader på botnstoff, eventuell skade på forsegling, spyling til bart stål eller liknande

• vassforbruk til spyling

• nytt botnstoff som er påført

• mengde slam levert og tilhøyrande analysar

• mengde vatn slept ut eller handtert og tilhøyrande analysar

Merknad 2: Lager for maling og andre kjemikaliar er ikkje sikra mot lekkasjar av flytande kjemikaliar

Kommentarar:

Lager for maling og kjemikaliar ligg øvst i slippområde. Lageret har ikkje sikring dersom flytande kjemikaliar hamner på golvet. Ein eventuell lekkasje vil renne ut og havne i sjøen via slippen.

9. Andre forhold

Om verksemda

Ole Kvernenes Båtbyggeri AS blei etablert i 1960 som båtbyggjeri. Verksemda har 8 tilsette og utfører reingjering/bunnsmurning og vedlikehald av propellar, akslingar og skrogskadar.

Sandblåsing er ikkje utført sidan 2002.

Verksemda har tre slippar; to slippar er ute og ein slipp førar til ein verkstadhall. Maks lengde på båtar er 18 meter. Verksemda har ca. 120 båtar pr. år. Gjennomsnitt båtlengde er 30 fot , (9,25 meter) med gjennomsnitt våt flate på 15-20 m². Årlig behandla våt flate er

anslegen til maksimalt 3 000 m². Høgtrykkspyling, inntil 110 bar.

Arbeidstid er kl. 07:30-15:30 måndag til fredag heile året, unnateken tre veke sommarferie.

Krav til mottak av avfall frå båtar og avfallsplan for hamner

Verksemda tek imot avfall frå båtar som kjem inn til verftet. Forureiningsforskrifta § 20-5 set krav om at alle hamner, også private kaier som Ole Kvernenes Båtbyggeri AS,

skal ha ei ordning for mottak av avfall frå båtar. Mottak av avfall og lasterestar som er farleg avfall skal skje i tråd med standardiserte krav i vedlegg III til forskrifta.

Forureiningsforskrifta § 20-6 set også krav om at alle hamner skal utarbeide ein avfallsplan.

Krav til innhald i planen er gitt i vedlegg 1 til kap. 20. Planen skal godkjennast av Fylkesmannen.

Miljødirektoratet har utarbeidd ein rettleiar for arbeidet med avfallsplanar; M-147/2014.

Rettleiaren fortel korleis avfallsplanar bør utarbeidast for å oppfylle krava i forskrifta, sjå http://www.miljodirektoratet.no/no/Publikasjoner/2014/April-2014/Veileder-til-utarbeidelse- oggodkjenning-av-avfallsplaner-i-havner/

Vi har ikkje mottatt avfallsplan for hamner frå Ole Kvernenes Båtbyggeri AS.

Vi ber om at oppdatert avfallsplan vert sendt Fylkesmannen for godkjenning saman med tilbakemelding etter tilsynet.

(9)

10. Bilder

Bilde teke av fylkesmannen den 16. oktober 2014

Lagring av spillolje ute på paller Lagring av lysstoffrør og EE-avfall

Avverka materiale frå slipp i restavfallscontainer