Aslaug Marie Undheim m. fleire Gloppedalsvegen 1276
4389 VIKESÅ 30.03.2017
NVE
Postboks 5091, Majorstuen 0301 OSLO
Høyringsuttale - vedr. konsesjonssøknader for Øvre og Nedre Lanes kraftverk
Småkraft AS har søkt om å få byggja to kraftverk, kalla Øvre Lanes kraftverk (lokalisert i Fossbrekka) og Nedre Lanes kraftverk (lokalisert i Storåna) nærmare gardsbruka på Espeland.
Begge kraftverka vil verta liggjande i del av Bjerkreimsvassdraget, dette vart verna av Stortinget i 2005. For Bjerkreimsvassdraget gjeld ei særordning: Det er gitt opning for å gi konsesjon for kraftverk på inntil 3MW, men under føresetnad av at verne- verdiane ikkje vert forringa.
For begge kraftverka er det primært søkt konsesjon for å byggja ut med 3MW, ev.
med litt over 1MW.
Vi meiner at konsesjonane for både Øvre og Nedre Lanes kraftverk må frårådast, både konsesjon for å byggja ut 3MW, og også for 1 MW.
Grunngjevingane for dette følgjer nedanfor.
Kva vi finn i området
Bjerkreimsvassdraget vart varig verna i 2005. Det vart likevel gitt ei opning for at det kunne verta gitt løyve til konsesjon for kraftverk inntil 3MW, men då under føresetnad av at dei verneverdiane som låg til grunn for det nasjonale vernet, ikkje vart forringa.
Etter vårt syn vil nettopp det skje ved ei kraftutbygging her:
Verneverdiane vil verta forringa.
1) Heilskapleg og vakkert landskap
Det gjeld først og fremst dei verdiane som er knytte til det heilskaplege og vakre landskapet langs Storåna og i Fossbrekka.
På veg frå fv-503 og innover langs Storåna er det kultur- og naturlandskap med bratte fjell og elva som det sentrale midtpunktet i dalen.
I elva er det fire fossar, to av dei før vi kjem til Roaldstjørna, og to mellom
Roaldstjørna og Maudalsvatnet. Fosseduren har vi med oss. Når vi ser etter, får vi
auga på nokre fossekallar. Det er også andre fuglar som gleder oss med kvitringa si, m.a. ringtrosten.
Jettegryta som ligg i den første fossen, er vakker å betrakta, og den minner oss om naturkrefter som har verka over tid for å slipa berget til andre former enn det som har vore tidlegare.
Vi legg også merke til det glattskurte snauberget ved sida av vegen: Her har isbreen gnurt, og fått fram det hardaste av fjellsida, og det ligg midt i dagen å få auga på.
På vegen innover langs elva passerer vi også grusgruver der det er lett å sjå ulike lag i moreneavsetningane etter isbreen. Vi legg også merke til at det er dødis-terreng, dvs. område der isbreen har delt seg, og den ytste delen har vorte skild frå den inste
«mor-breen». Dette har ført til at det ligg igjen nokre morenelag i eigne område, f.eks. ved Syltre, desse har utvikla seg på særprega vis.
Litt lenger inne kjem vi til Hølen, Hølura og Hølafjellet (feilskrive Holura og Holafjellet på kartet). Her var gapet mellom mor-breen og dødis-terrenget, det vart ein høl i Roaldstjørna.
Hølura ser ut som ei miniatyrutgåve av Gloppedalsura, med preg av store
steinblokker som har rasa ut, heilt fram på flata i Fossbrekka, og også mindre steinar som har landa i lia under heile Hølafjellet.
Heilt nede på flata i Fossbrekka, er det eit større område dekt med mindre steinar som minner om rullesteinar ved kysten. Desse har sitt særpreg ved at dei ikkje vert dekte med mose, det veks litt lav på dei, men elles er dei nokså snaue.
I dette landskapet er fossen i Fossbrekka tydeleg, både visuelt og auditivt. Det buldrar og brusar, og fossen er lett synleg på god avstand når vi beveger oss inn mot dette området.
Dersom fossen vert redusert ved at det vert berre om lag 10% av den normale vassføringa i han, vil det verta nesten som ein liten sildrebekk, synsinntrykka vert svært endra, og det same vert lydane. Det mektige vert etter vårt syn heilt vekke, og opplevinga av dette landskapet vert svært forringa.
2) Historiske forhold, kulturminne og kulturmiljø a) Steinalderen:
Det er sannsynleg at steinaldermenneska som var på veg frå Eigerøy til den inste enden av Store Myrvatn, der dei jakta på reinsdyr, følgde vassdraget frå Tengs og innover i landet. (Jf. Det er gjennomført arkeologiske utgravingar og gjort funn ved Store Myrvatn. – Jf. Hanne Thomsen)
Det er i flg. Hanne Thomsen ikkje usannsynleg at det i djupare jordlag kan finnast spor etter denne ferdsla ved Roaldstjørna, ein stad der det kunne vera naturleg å stoppa på vegen. Men dette er ikkje undersøkt.
b) Mellomalderen og framover – Kyrkjevegen:
Det er kjent at det lenge har vore ferdselsveg mellom Maudal og Espeland. I flg.
Fylkesrådmannen er det sannsynleg at dette har vore del av ein kyrkjeveg, som går tilbake heilt til tida før reformasjonen, dvs. før 1537.
c) Husmannsplassar med tufter og andre synlege kulturminne
I Fossbrekka er ein stor del av bakkane prega av at det har føregått dyrking av jorda, stein er rydda, det er lagt inngjerdingar av steinane, og det er eit stort arbeid og strev som ligg bak det vi ser der no.
Hustuftene (av stein) står framleis, og er også ein tydeleg del av heilskapen i
Fossbrekka. No er dei minnesmerke over ei tid som ikkje er så all verda lenge sidan, folk som lever i dag, veit at deira besteforeldre og oldeforeldre hadde tilhald her.
Vi veit at på det meste var tre familiar busette samstundes på denne
husmannsplassen. Dei siste husmennene flytta frå plassen på slutten av 1890-åra.
d) Gammalt kvernhus og vasskall
Ved utløpet frå Maudalsvatnet er det også restar etter eit gammalt kvernhus og ein vasskall. Vi reknar med at det har vore der husmennene, og ev. dei som budde på Lanes, har male kornet sitt.
3) Konsekvensar for landskap og kulturminne ved utbygging
Dersom det vert gitt konsesjon til kraftutbygging her, vil landskapet verta tydeleg påverka, og etter vår meining vil opplevinga av den heilskapen som er no, verta vesentleg forringa.
Det heng først og fremst saman med at vassføringa vil verta redusert til ca 10% av noverande normal vassføring.
Vidare vil landskapet verta synleg annleis pga. endra vegbreidde og veglengde. Det vert også betydelege overskottsmassar etter at det i Fossbrekka kjem ei røyrgate der røyrdiameteren er 1,8 m, og lengda er over 450 m. Konsekvensane som kjem av overskottsmassane og inngrepa i landbruksvegen, er etter vårt syn
underkommuniserte i søknadene.
Viss konsesjon vert gitt, vil det verta bygt ein kraftstasjon rett under det eine fossefallet i Fossbrekka. Denne bygningen vil verta eit framandelement i dette
landskapet. I tillegg vert det riggområde både ved inntaket ved Maudalsvatnet og ved kraftstasjonen. Noko av landskapet vert neddemt, og det kjem mur ved utløpet frå Maudalsvatnet.
Tilsvarande inngrep vert det i landskapet i Storåna, nærmare Espelands-gardane:
- Det vert inngrep i landbruksvegen heilt frå Fossbrekka og heim til utløpet av Roaldstjørna.
- Også her vil røyrgata ha diameter på 1,8 m, lengda vert om lag 300 m.
- Noko av landskapet vil verta neddemt, det vil koma ein mur ved utløpet frå Roaldstjørna.
- Det vil koma kraftstasjonsbygning.
- Dei to fossane i denne delen av vassdraget vil ha svært lita vassføring, og jettegrytene vil nok vera vasslause.
I Fossbrekka vil husmannstuftene i og for seg ikkje verta berørte av ei eventuell utbygging. Men, som nemnt ovanfor, vil følgjene av den store røyrgata, endring av vegbreidda, oppføring av kraftstasjon pluss at det kjem betydelege mengder overskotsmassar, det vil medverka til at heilskapsinntrykket av landskapet og området vil framstå ganske annleis enn det gjer i dag.
Kommentar til pkt. 1, 2 og 3:
Etter vårt syn tilseier dei nemnde endringane som vil koma i landskapet, saman med dei følgjene det vil ha på kulturminne og kulturmiljø, at ei kraftutbygging vil forringa verneverdiane i så stor grad at det ikkje bør verta gitt konsesjon for utbygging.
4) Friluftsliv
I søknaden (s.20) står det: «Det er ikke noe friluftsliv knyttet til elvestrekningen, til det er elva altfor stri og bratt». Dette stemmer ikkje, jf. Informasjon nedanfor og vedlagde fotografi.
a) Padling
Det vert i denne samanheng vist til at elvekajakkpadlarar brukar elva og fossane i Fossbrekka til padling. Rett nok er det krevjande å padla der, men det føreligg både fotografi og endåtil video frå slike padlingar. (Jf. Vedlegg + facebook-side)
b) Bading
I dei strekningane som vert berørte både ved Øvre og ved Nedre Lanes kraftverk, er det badeplassar som hyppig er brukte av både tilreisande og folk frå Bjerkreim. Her er varierte mulegheiter, nokre stader er det også fint å stupa eller hoppa frå høgder vi sjeldan finn i elvane. Andre område er grunne og eignar seg svært godt når dei små borna vassar eller prøver å læra seg å symja.
c) Merka tursti m/informasjon på Bjerkreim kommune sine heimesider Strekninga langs Storåna er ein av dei turstiane som Bjerkreim kommune marknadsfører på heimesidene sine. Det er sett opp kart over turstien, og
badeplassane er avmerka. Turstien er svært populær, både for dagsturistar og for andre som ønskjer å overnatta ute. Turstien er også svært ofte brukt av dei som har skaffa seg fritidsbustad i øvre del av Bjerkeim.
d) Universell utforming og «kortreist»
Vegen langs Storåna og inn til Fossbrekka er lett tilgjengeleg, både små born, ungdommar, vaksne og gamle kan koma seg greitt inn i dette fine området.
Småbarnsforeldre kan ta turen dit med barnevogn utan store problem.
Rullestolbrukarar kjem seg også inn dit på eigahand, noko vi ved sjølvsyn opplevde på ein av dei turane som vart arrangerte no i mars 2017.
e) Telting
Ofte overnattar born og foreldre nokre netter i telt, dette skjer nokså hyppig frå utpå våren og til ei stund utover hausten.
Det kan vera både to og tre telt samstundes, og sidan området ikkje er så trongt, ser det ut til å fungera ganske greitt. Aktivitetane vert då ofte bading og fisking, og mange små ungar har fått sine første fiskar i dette området.
f) Klasseturar for elevar i Bjerkreim
Området er også nytta til som mål når skulane i Bjerkreim har lagt opp «bli-kjent»- turar eller turar i samband med sommaravslutningar. Elevar har fått sjå og oppleva eit område som for mange framstår som urørt natur.
Kommentar vedr. pkt. 3 friluftsliv:
Området er mykje brukt til friluftsliv, både til ekstremsport (kajakkpadling i fossen) og til turgåing, bading og telting. Med ca. 10% av normal vassføring i fossane, vil elvekajakkpadling verta umogeleg.
Bjerkreim kommune har gjennom fleire år medverka til å gjera strekninga langs Storåna og området i Fossbrekka kjent for både kommunen sine innbyggjarar og tilreisande.
Det vil nok også verta mindre attraktivt å gå langs elva innover, sidan mykje av elvestrekninga vil ha svært lita vassføring, dermed vert både syns- og
høyrselopplevingane svært mykje svakare.
Ein kraftstasjonbygning rett ved ein av badeplassane i Fossbrekka, saman med ein i heimre del av Storåna, vil opplevast som framande element ved elveløpet. Området langs elva misser preget av å vera så urørt som det er i dag.
5) Fiske
a) Lett tilgjengeleg – stangfiske
Som grunneigarar har vi ofte fått meldingar om at det er lett å få fisk i Storåna, og at gode fiskeplassar på dei ulike strekningane er lett tilgjengelege. Vi opplever at foreldre (ofte fedrar) tek med seg ungane sine, og ikkje sjeldan høyrer vi forteljingar om at dei vaksne har blitt kjende med dette området pga. at foreldra hadde teke dei med tjue til tretti år tidlegare.
b) Aure (laks?)
Det er auren som bit på fiskestengene. Men sidan det har vorte fiska smålaks i Storavatnet, vil det nok også vera mogeleg å få slik fisk i den nedre delen av Storåna.
Kommentar til pkt. 5 fiske:
Viss det vert gitt konsesjon til kraftutbygging, vil nokre av dei godt brukte
fiskeplassane verta ubrukelege pga. at minstevassføringa vert for liten. Dette gjeld ved begge kraftstasjonane.
6) Andre kommentarar
a) Facebook-gruppe oppretta 14. februar 2017
Engasjementet på nettet har vore svært stort, endå til utanlandske turfolk har bede om å få verta medlemmer i gruppa, og pr. i dag er over 1400 personar med i gruppa.
Nokre av desse kjenner området for di dei har kome som journalistar, og har gitt uttrykk for at dette ikkje berre er ein fin stad i Noreg, dei har endåtil sagt at dette er noko av det aller finaste dei har sett i landet vårt. Ein av videoane med opptak m.a.
frå dette området, den ligg på YouTube og har hatt nesten 350.000 visningar.
I facebook-gruppa har mange lagt ut fotografi frå eigne turar, skrive innlegg eller delt privat video. Felles for dei er eit stort engasjement, interesse og iver for å ta vare på og sikra dette området slik at det også for komande generasjonar vert tilgjengeleg slik det er no.
b) Guida turar
Det har i den siste tida vorte arrangert to turar langs Storåna og inn til Maudalsvatnet.
Oppslutninga har vore god, og dei frammøtte har vore overraska og svært begeistra for dei opplevingane dei har hatt.
c) Støtte til høyringsuttalen vår frå andre
Mange har takka oss grunneigarar for at vi prøver å arbeida for vern, og ein del har gitt uttrykk for at dei svært gjerne vil bidra på måtar som er mogelege for dei.
Dei har m.a. gitt uttrykk for at dei gjerne vil vera med oss gjennom å støtta vår
høyringsuttale. Vi har gitt høve til at dei som vil det, får slutta seg til høyringsuttalen, noko som er organisert gjennom underskriftslister eller gjennom elektronisk sporbare meldingar. Støtte er gitt både frå nokre organisasjonar, og også frå mange
enkeltpersonar.
d) Fotografi
Vi har valt å leggja ved nokre fotografi for å visa noko av det vakre landskapet og noko av dei aktivitetane som finn stad i dette området. Dette er å finna sist i dette dokumentet.
Oppsummering 1) Landskapet
Vi har ovanfor peikt på at ei kraftutbygging i Fossbrekka (Øvre Lanes kraftstasjon) og ei kraftutbygging i Storåna vil innebera svært store inngrep i det heilskaplege landskapet med elva og fossane. Då det vart opna for mogeleg kraftutbygging i det verna Bjerkreimsvassdraget, vart det stilt som vilkår at grunnlaget for vernet ikkje skulle verta forringa. Etter vårt syn vil ei kraftutbygging innebera ei sterk forringing at landskapet.
2) Geologiske forhold, historie og kulturminne
Vi har ovanfor vist at det er mange særpreg ved landskapet, nokre av desse er heng saman med isbreen som har sett spor etter seg, både gjennom blankskurte fjell og jettegryter.
Gjennom dette området går det ein gammal ferdselsveg, brukt gjennom tusenvis av år.
Det er også tydelege spor etter husmannsfamiliane sine bustader og deira arbeid, medrekna restar etter eit gammalt kvernhus og vasskall.
3) Friluftsliv og fiske
Området i Fossbrekka og også resten av elvestrekninga er mykje brukt til friluftsliv og fiske, jf. det som er peikt på ovanfor. I søknadene står det at elva er for strid for slik bruk, det er tydeleg at søkjar ikkje har sett seg særleg inn i kva
mogelegheiter denne elva gir.
I tillegg er det viktig å peika på at området er så lett tilgjengeleg at folk i alle aldrar og også rullestolbrukarar ganske greitt kan koma seg inn i dette området på eiga hand.
Konklusjon:
Ut frå dei forholda vi har peikt på ovanfor, bed vi med dette NVE om å avslå Småkraft AS sine søknader om å få byggja Øvre Lanes og Nedre Lanes kraftstasjon.
Med helsing
Aslaug M. Undheim og Velle A. Espeland - grunneigarar (gnr. 45/br.nr. 1) Ida og Torbjørn Espeland – grunneigarar (gnr. 45/br.nr. 8)
Camilla og Tor Gunnar Gjedrem – grunneigarar (gnr, 45/br.nr. 3 og 4) Lag og organisasjonar:
Dalane Turlag v/leiar Randi Birkeland Bjerkreim Padleklubb v/Marius Hegelstad
Følgjande personar har støtta denne høyringsuttalen gjennom underskrifter og meldingar sende til initiativtakar Aslaug M. Undheim:
Nr Namn
1 Siri Vikeså Sjøtrø 2 Kari Tove Vikeså 3 Øyvind Sjøtrø 4 Tore Malmei 5 Christoph Kress 6 Toril Asbjørnsen
7 Olaug Espeland
8 Synnøve Grøtteland Helland 9 Hallvard Veen
10 Torunn Ivesdal Gjedrem 11 Paul Tengesdal
12 Jens Tengesdal 13 Tone Vaule
14 Jostein Merkesdal 15 Egil Gjedrem 16 Sissel G. Vikeså 17 Bjørn Hille 18 Jørgen Ivesdal
19 Ingrid Espeland Fairhurst 20 Andreas Hausberg
21 Ingfrid Ivesdal
22 Inger Ivesdal Nilsson 23 Theodor Ivesdal 24 Magne Helland 25 Rolf Moi
26 Hanne Thomsen 27 Tor Vassbø
28 Liv Tordis Lomeland 29 Gunnar A. Aarstad 30 Inger Helen Espeland 31 Kristian Ugelstad 32 Josef Malmei 33 Anita Bue 34 Tore Jacobsen 35 Eldbjørg Ivesdal 36 Heidi Espeland
37 Julia Espeland Jacobsen 38 Bertine Ivesdal
39 Teo Solvang 40 Anne M. Vikeså 41 Stenar Grøsfjell 42 Lars A. Svela 43 Thea Ivesdal 44 Synne Solvang 45 Tor G. Solvang 46 Ingunn Espeland 47 Ommund Osland 48 Kari Lise Osland
49 Magnus Espeland Fairhurst 50 Egil Svela
51 Per Nilsson 52 Kjell Braut 53 Kari Braut
54 Roald Lomeland
55 Kari Hvidsten Gjedrem 56 Karl Gjedrem
57 Ingfrid Gj. Malmin 58 Åse Espeland
59 Kari Grøtteland van Pelt 60 Aasmund Ulvund
61 John Tuplin
62 Bente Ivesdal Tuplin 63 Graham Fairhurst
64 Arna Margrete Olden Sagen 65 Martha Jakobsen Ulvund 66 Gaute Skretting
67 Bunu S. Gjedrem 68 Alf Helge Søyland 69 Kjell Arne Refstie 70 Ingrid Gilje Gjedrem 71 Jan Tore Gjedrem 72 Erik Gjedrem 73 Lars Endre Orseth 74 Øyvind Espeland
75 Mona Tengsareid Espeland 76 Tor-Ivar Espeland
77 Joakim Espeland 78 Kristian Espeland 79 Vigmund Espeland 80 Marianne Oppi Espeland 81 Torvald Espeland
82 Kristin Espeland 83 Britt Dragsten Graabak 84 Vidar Espeland Eide 85 Mauritz Bjerkreim 86 Ruth Meidell Sande 87 Mona Helland 88 Margoth Sundsbø 89 Ellen Heber 90 Marit Fimland
91 Oddveig Fossdal Drøpping 92 Velle Kristian Undheim Espeland 93 Siril Nyland
94 Hanna Jorunn Pettersen Torland 95 Odd Henning Johannessen 96 Elin Svensen
97 Leiv Kåre Rosengren 98 Fredd G. Rundevold 99 Jarle Stokka
100 Merete Jacobsen 101 Lise Hegelstad 102 Harald Asheim
103 Hanna Espeland Jacobsen 104 Elseberg Gunn Hovland 105 Jorunn Søyland
106 Frans J Vanderleemputte 107 Karen-Lise Undheim 108 Linn Helland
109 Morten Salte 110 Torlaug Kjøde 111 Mari Leikvangen 112 Fredrik Falck 113 Per Spødervold
114 Sigrunn Undheim Stangeland 115 Jon Rune Jørgensen
116 Sylvia Helland 117 Ingunn Vika
118 Elin Holen De Capitani 119 Preben Falck
120 Helge Husveg
121 Grethe Inger Vikeså Hegrestad 122 Stein-Roar Fjellgård Slotterøy 123 Egil Håmsø
124 Gunnar Mån Østebø 125 Ingrid Bratli
126 Geir Asheim 127 Kjell Rise 128 Brit Tengesdal 129 Knut Pettersen 130 Janne Handeland 131 Per Rise
132 Valbjørg Espeland 133 Frank Emil Moen
134 Mary Ann Egset Opsahl 135 Inghild Hegelstad Åsen 136 Vigdis Egset
137 Mons Bjone 138 Olaf Asbjørnsen 139 Irene Thorberg 140 Olga Fossdal 141 Sverre Hetland 142 Baard Utvik 143 Elin Asbjørnsen 144 Solveig Eikrem 145 Lise Vikesdal 146 Ernst Herredsvela 147 Lilly Anne Håversen 148 Margun Agnete Hegelstad 149 Nina Kristin Olsen
150 Ellen Tharaldsen
151 Kristoffer Eltervåg 152 Sissel og Kjetil Hetland 153 Kjetil P. Espeland 154 Lovise Hol
155 Nina Natvig 156 Erik Thoring 157 Rune Folkvord 158 Tormod Ruud 159 Trond Frostad 160 Elsa Rise 161 Linn Vassvik 162 May Britt Møllen 163 Jean Reidar Ivesdal 164 Geir Arild Bjørløw 165 Helge Lien
166 Helga K. Hegelstad 167 Andreas Rise 168 Alice Hegelstad 169 Roger Lagård 170 Eline Jessica 171 Arild B. Andreassen 172 Hege Brattebø
173 Jorunn Othelie Marie Nilsen 174 Edvin Berg
175 Johnny Sundvor 176 Kate Mary 177 Suzy Qu
178 Oddmund Nordgård 179 Kari Thomsen 180 Mari Leikvangen 181 Olaf Ellingsen
182 Anja Kristine Espeland Solberg 183 Ivar Kim Røkke
184 Estepan Briosca 185 Marius Hegelstad
186 Gine Kerlaine Hegelstad 187 Gunn-Marthe Idland 188 Linda Husveg 189 Siri Thysse Valand 190 Kirsten Helen Bredahl 191 Guro Bryne
192 William Espeland 193 Mads Tore Tengesdal 194 Solvor Helland
195 Ruth RC 196 Ingrid Bratli 197 Roald Aga
198 Odd Geir Abeland
199 Anne-Marthe Hovda 200 Kirsti Haug
201 Iver Jan Leren 202 Aslaug M. Neset 203 Therese Anita Holmen 204 Berit Erga
205 Frøydis Bredeli 206 Siv Vikesdal
207 Unn Therese Omdal 208 Eli Undheim
209 Heidi Ottesen Steinskog 210 Frode Haga Olsen
211 Kjartan Alexander Lunde 212 Kurt-Jan Hansen
213 Marton Selbach 214 Alexander Torgersen 215 Olaus Vikesdal 216 Gudrun Egeland 217 Magni Ødegård 218 Jon Rune Jørgensen 219 Elisabeth Vikeså 220 Trygve Bjerkreim 221 Odd Grude
222 Anja Janette Østerlind Gravdal 223 Lise Hegelstad
224 Oddvar Vermedal 225 Torill Evy Thune 226 Bente Jelsa 227 Anny Osland 228 Ivar Egeland
229 Rolf Andreas Solås 230 Åshild Slettebø 231 Kristian Dragsund 232 Renate Omdal 233 Ada Møllen
234 Sverre Ramdahl Ranum 235 Helge Sunde Rasmussen 236 Gry Songe Kittelsen 237 Arnt Helge Hegelstad 238 Powell Ren Katherine 239 Per Henry Runde 240 Solveig Bårdseth 241 Sverre Skadberg 242 Cathrine Egeland 243 Serina Vikesdal Salte 244 Anne Marie Gåsland 245 Ragna Gåsland 246 Torill Johnset
247 Frank Thomas Hegelstad 248 Glenn Ousdal
249 Olga S. Nakken
250 Marit Kyllingstad Bråten 251 Keth Odland
252 Haldis Hagen 253 Nils Andersen 254 Steinar Saurdal 255 Marit Kvadsheim 256 Åse Kari Brådli 257 Gry Merete Brådli 258 Karin Klingsheim 259 Kamilla R. Medbøen 260 Kristine Emily Sporsheim 261 Aud Vaule
262 Inge Myhre
263 Monica Fuglestad-Tjemsland 264 Eivind Thomsen
265 Eva Løvbrekke 266 Arne Friestad 267 Gerny Nedrebø 268 Vibeke Vikeså 269 Reidun Simonsen 270 Hilde Karin Teigen 271 Ståle Undheim 272 Roar Løken
273 Ingeborg Bodzioch 274 Anne Gerd Bjerkreim 275 Inger Cecilie Rise 276 Olav A. Håvik
277 Iris Hille Mellemstrand 278 Atle Strømsvold 279 Kjartan Thu 280 Jan Petersen 281 Jan Tore Skårland 282 Terje Havsø 283 Skjalg Espedal 284 Dirk Baris 285 Ruben Siva 286 Liv Kielland 287 Anita Svela 288 Tollef Bjerkreim 289 Matthias Göttenauer 290 Mats Wålstedt 291 Ebbe Jacobsen 292 Paul Sundvor
293 Johanna Seim Hjelland 294 Trond Nerdal
295 Elaine Munthe
296 Åse Kjosavik Gudmestad 297 Hilde Wathne Mong 298 Håvard Vikeså
299 Ingunn Tengesdal Olsen 300 Alf Reidar Eik
301 Eric Adolfsen 302 Gunnar Veen 303 Alice Egset 304 Jennifer Bolton 305 Jorunn Vormeland 306 Magnar Sandstøl 307 Geir Anders Hadland 308 Eva Løvbrekke 309 Hilde Espeland 310 Evelyn Heimtun 311 Anita Lomeland 312 Raymond Harouny 313 Terje Helland
Frå fossen i Storåna
