MØTEINNKALLING Organ: FYLKESUTVALET

(1)

MØTEINNKALLING

Organ: FYLKESUTVALET

Møtestad: Leikanger - Fylkeshuset, møterom Sygna

Møtedato: 06.03.2019 Tid: 10:00

Medlemene blir med dette kalla inn til møtet. Eventuelt forfall må meldast til utvalssekretæren straks. Varamedlemer møter berre etter særskild innkalling.

SAKLISTE

Saksnr. Arkivsaksnr. / Tittel

8/19 17/7740

Fv. 60 Hildestranda - Innvik, fråvik frå planlegging etter ny handbok N100 Veg- og gateutforming

9/19 19/1383

Arealavståing utviding Sognahallen

10/19 18/2394

Eigarstyring - Trivselshagen IKS

11/19 19/690

Kollektiv - Rabatt for lærlingar

12/19 18/9359

Prioriteringar for kulturminneforvaltninga 2019

13/19 17/8987

Førde - Kommuneplan 2018 - 2030

14/19 19/1355

Utkast til høyringsdokument knytt til Regional plan for vassforvaltning

15/19 19/1350

Årsrapport 2018 - konsesjonskraft og finansportefølje

16/19 18/8243

Innspel til nytt inntektssystem for fylkeskommunane frå 2020

17/19 19/301

Skriv og meldingar fylkesutvalet 6. mars 2019

(2)

Besøksadresse: Postadresse: E-post: Telefon: Bankgiro:

Medlemmane i fylkesutvalet

Fylkesrådmannen

Sakshandsamar:

Marit Silje Årnes Husabø E-post: [email protected] Tlf.: 97173379 Vår ref.

Sak nr.: 19/1413-1 Gje alltid opp vår ref. ved kontakt Internt l.nr.

8614/19 Dykkar ref.

Dato LEIKANGER, 21.02.2019

Innkalling til møte i fylkesutvalet 6. mars 2019

Det vert med dette kalla inn til møte i fylkesutvalet. Møtet vert halde på Fylkeshuset i møterom Sygna og startar kl 10.00

Det er pliktig frammøte til fylkesutvalet.

Dersom du meiner at du har gyldig forfall, ber eg om at melding om dette snarast mogleg vert sendt per e - post til [email protected], med kopi til [email protected].

Varamedlemmer vert kalla inn ved gyldig forfall.

Sakliste og saker vert gjort tilgjengeleg i OneNote for medlemmane i utvalet, og på fylkeskommunen si heimeside, om lag ei veke på førehand.

Med helsing

Marit Silje Årnes Husabø førstekonsulent

Brevet er elektronisk godkjent og er utan underskrift

(3)

MØTEBOK

Organ Fylkesutvalet

Møtestad Leikanger - Fylkeshuset, møterom Sygna Møtedato 06.03.2019

Kl. 10:00 – 14:50

Faste medlemer til stades: Jenny Følling, Sp Sigurd Reksnes, Sp

Aleksander Øren Heen, Sp Trude Brosvik, KrF

Åshild Kjelsnes, Ap Hilmar Høl, Ap Helen Hjertaas, Ap Bjørn Erik Hollevik, H Gunhild Berge Stang, V

Til stades med møte- og talerett: Fylkesrådmann Tore Eriksen

Sekretariat for møtet: Svein Hågård og Marit Silje Husabø

Ingen merknader til innkalling og sakliste.

Fylkesutvalet valde fylkesordføraren og Bjørn Erik Hollevik til å godkjenne møteboka på vegner av organet.

Fylkesutvalet vedtok at skriv 13 a i sak 17/19 skulle handsamast bak lukka dører, jf. kommunelova

§ 31 nr. 5, jf. offentleglova § 23 første ledd.

Munnlege orienteringar:

1. Fylkesordføraren opplyste at fylkestingseta i desember 2019 vert halde på Quality Hotel Sogndal grunna ombygging av Firdasalen.

2. Sogn og Fjordane Energi AS (SFE): I tilknyting til skriv 13 a – c i sak 17/19 orienterte Advokatfirmaet Lund & Co, v/adv. Ulf Larsen, ut frå ein presentasjon som er journalført i ESA 16/3230-247. Styreleiaren og konsernsjefen i SFE, Per Atle Kjøllesdal og Johannes Rauboti, fekk kome til orde.

 Fylkesutvalet fann Hilmar Høl inhabil til å ta del i den etterfølgjande drøftinga i utvalet, jf. forvaltningslova § 6 første ledd, bokstav e), nr. 2.

 Fylkesutvalet vurderte habiliteten til Gunhild Berge Stang og fann ho habil til å ta del i drøftinga.

(4)

SAK 8/19 Fv. 60 Hildestranda - Innvik, fråvik frå planlegging etter ny handbok N100 Veg- og gateutforming

VEDTAK:

Det vert gjeve fråvik frå planlegging etter ny handbok N100 Veg- og gateutforming under føresetnad av at avbøtande tiltak vert gjennomført.

---

SAK 9/19 Arealavståing utviding Sognahallen

VEDTAK:

1. Sogndal kommune får kjøpa naudsynt areal til utbygging av idrettshall og nytt parkeringshus på Campus Sogndal som omtalt i saka.

2. Inntektene frå salet vert tilført kapitalfondet.

3. Fylkesrådmannen får fullmakt til å sluttforhandle og signere endeleg avtale.

---

SAK 10/19 Eigarstyring - Trivselshagen IKS

Frå fylkesrådmannen låg det føre slik tilråding til vedtak:

1. Fylkesutvalet viser til vedlagde rapport av 1.desember 2018 frå Vidsyn Rådgivning AS og tek denne til orientering.

2. Fylkesutvalet føreset at systemavvik vert retta opp og tilrådde tiltak i rapporten sett i verk, herunder at selskapet får på plass eit system som fordelar inntekter og utgifter på ein rettvis måte i samsvar med intensjonen.

3. Fylkesutvalet ber fylkesrådmannen greie ut alternative organisasjonsmodellar, primært knytt til å dele eigarskapen og inngå gjensidige leigeavtalar med kvarandre. Fylkesutvalet ber fylkesrådmannen, i budsjettrapporten pr. 1. tertial 2019, kome med framlegg til finansiering av utgreiingsarbeidet - dersom dette viser seg naudsynt.

---//---

Fylkesutvalet fann Sigurd Erlend Reksnes inhabil til å delta ved handsaminga av saka, jf.

forvaltningslova § 6 første ledd, bokstav e), nr. 2.

Endringsframlegg:

Fylkesutvalet sette fram slikt framlegg som tillegg til punkt 2 i fylkesrådmannen si tilråding:

Styret får frist for å gjennomføre tiltaka i rapporten til 15. august 2019.

Avrøysting:

Fylkesrådmannen si tilråding, med tillegg frå fylkesutvalet i punkt 2, vart samrøystes vedteke.

Dette gir følgjande VEDTAK:

(5)

1. Fylkesutvalet viser til vedlagde rapport av 1. desember 2018 frå Vidsyn Rådgivning AS og tek denne til orientering.

2. Fylkesutvalet føreset at systemavvik vert retta opp og tilrådde tiltak i rapporten sett i verk, herunder at selskapet får på plass eit system som fordelar inntekter og utgifter på ein rettvis måte i samsvar med intensjonen. Styret får frist for å gjennomføre tiltaka i rapporten til 15.

august 2019.

---

SAK 11/19 Kollektiv - Rabatt for lærlingar

VEDTAK:

Fylkesutvalet rår fylkestinget til å gjere slikt vedtak:

1. Lærlingar vert inkludert i studentrabatten i Sogn og Fjordane i 2019.

2. Rabatt for lærlingar blir ein del av arbeidet med harmonisering av takstar og rabattar i nye Vestland fylkeskommune.

3. Finansiering vert å kome attende til i 1. tertial 2019.

---

SAK 12/19 Prioriteringar for kulturminneforvaltninga 2019

VEDTAK:

1. Sogn og Fjordane fylkeskommune tek brevet frå Riksantikvaren av 27.11.18 om prioriteringar for kulturminneforvaltninga i 2019 til vitande.

2. Fylkeskommunen føreset at staten kompenserer for dei oppgåvene som vert overførte frå Riksantikvaren, og at dette vert synleggjort i Kommuneproposisjonen som kjem i mai 2019.

Fylkeskommunen er innstilt på å styrke eiga bemanning på kulturminnefeltet i samsvar med dei signal som kjem i nemnde proposisjon. Jf. vedtak i FU-sak 74/18.

---

SAK 13/19 Førde - Kommuneplan 2018 - 2030

VEDTAK:

1. Fylkesutvalet går til motsegn mot delar av B17 i den føreslegne arealdelen fordi

arealføremålet kjem i direkte konflikt med automatisk freda kulturminne og ivaretaking av det heilskaplege kulturmiljøet på Vie.

2. Som forhandlingsleiar frå fylkeskommunen vert vald: Fylkesordføraren ---

(6)

SAK 14/19 Utkast til høyringsdokument knytt til Regional plan for vassforvaltning

VEDTAK:

Følgjande dokument vert sendt ut på høyring i perioden 1. april – 30. juni 2019:

1. Handlingsprogram 2019-2021 til Regional plan for vassforvaltning for Sogn og Fjordane vassregion 2016-2021

2. Planprogram for vassregionane Sogn og Fjordane og Hordaland for ny vassforvaltningsplan for Vestland vassregion 2022 - 2027

3. Hovudutfordringar i Sogn og Fjordane vassregion – planperiode 2022 -2027 ---

SAK 15/19 Årsrapport 2018 - konsesjonskraft og finansportefølje

VEDTAK:

Fylkesutvalet rår fylkestinget til å gjere slikt vedtak:

Fylkestinget tek årsrapporteringa for 2018 på konsesjonskrafta og finansporteføljen til orientering.

---

SAK 16/19 Innspel til nytt inntektssystem for fylkeskommunane frå 2020

Frå fylkesrådmannen låg det føre slik tilråding til vedtak:

1. Sogn og Fjordane fylkeskommune sender høyringsuttale til nytt inntektssystem i samsvar med fylkesrådmannen sin saksframstilling.

Endringsframlegg:

Fylkesutvalet sette fram slikt framlegg:

Fylkesrådmannen får fullmakt til å utarbeide eit nytt pkt. 9 om skulestruktur og hybelbuarar i vidaregåande skule.

Avrøysting:

Tilrådinga frå fylkesrådmannen, med tillegget frå fylkesutvalet, vart samrøystes vedteke.

Dette gir følgjande VEDTAK:

1. Sogn og Fjordane fylkeskommune sender høyringsuttale til nytt inntektssystem i samsvar med fylkesrådmannen sin saksframstilling, med følgande tillegg:

Fylkesrådmannen får fullmakt til å utarbeide eit nytt pkt. 9 om skulestruktur og hybelbuarar i vidaregåande skule.

---

SAK 17/19 Skriv og meldingar fylkesutvalet 6. mars 2019

(7)

Følgjande skriv og meldingar vart handsama:

1a: Oppfølging av Regional plan for klimaomstilling - handlingsprogram 2018-2019 1b: Vedlegg

2: Nynorskens hus - Kva kan fylkeskommunen bidra med i høve anbodsprosessen

3: Intensjonsavtale mellom Firda Media AS, Nynorsk avissenter, Sogn og Fjordane teater, Rein design, NRK og NRK Nynorsk mediesenter og prosjektet Nynorskhuset

4a: Gjennomgang av regional stats inndeling - oppfølging av regionreformen 4b: En analyse av inndeling av regional stat – hovedrapport

4c: Brev frå KS datert 27.02.19: Uttalelse frå KS til DIFIs gjennomgang av regional stats inndeling

Vedtak:

Fylkesordførar får fullmakt til å utarbeide ei fråsegn frå fylkeskommunen på bakgrunn av drøftingane i fylkesutvalet.

5: Styresamansetning ved Høgskulen på Vestlandet

6: Brev frå Samferdsledepartementet datert 22.01.19: Stad skipstunnel

7: Brev frå KS datert 07.02.19 Overføringen av fylkesveiadministrasjonen frå Statens vegvesen til fylkeskommune.

8: Brev frå KMD datert 19.02.19: Tildeling av skjønstilskot etter flaum i 2018 til Sogn og Fjordane fylkeskommune.

9a: E-post frå Kinn Venstre: overføring av myndigheitsforvaltning for fiskerihamner til fylkeskommunane

9b: Kinn Venstre: overføring av myndigheitsforvaltning for fiskerihamner til fylkeskommunane 10: Uttale frå Gulen KrF sitt årsmøte 12.02.19: Tidleg buss til Bergen

Vedtak:

Fylkesutvalet ber hovudutvalet for samferdsle vurdere saka.

11: Raudt Sogn og Fjordane 12.02.19: Gå mot utviding av Vestland!

12: Rekneskap for 2018 - Sogn og Fjordane fylkeskommune 13a: Notat frå Lund og co: Løypemelding 2/2019

Ikkje offentleg, Offl. § 23 fjerde ledd

13b: Sogn og Fjordane fylkeskommune sin eigarskap i Sogn og Fjordane Energi AS – orientering om fylkestinget sitt vedtak i sak 46/18

13c: Fylkeskommunen sin eigarskap i Sogn og Fjordane Energi AS – informasjonsmøte 14: Gulatinget Nasjonale Kultursenter, søknad om statleg tilskot

15a og b: Musea i Sogn og Fjordane - fellesmagasin og museumsbygg 16a til e: Møtet i Vestlandsrådet 15.02.2019

(8)

17: Brev frå KS datert 01.03.19: Komiteens behandling av kulturmeldingen 18: Stortingshøyring kulturmeldinga

19: Alarmsentralen Sogn og Fjordane – søknad 20: Uttale om omorganisering av Statens vegvesen

Vedtak:

Fylkesutvalet sender følgjande fråsegn til Statens vegvesen og Samferdsledepartementet, med kopi til Kommunal- og moderniseringsdepartementet:

Bygg sterke regionar med desentraliserte tenester og fagmiljø!

Innan 15. mai legg Vegdirektoratet fram forslag til framtidig organisering og lokalisering av fagmiljø og kontor i Statens vegvesen. Fylkesutvalet i Sogn og Fjordane forventar at organiseringa bygger på dagens fagmiljø, sikrar oppgåver og funksjonar minst som i dag, og gjev gode, tilgjengelege tenester for innbyggjarar og næringsliv.

Omorganiseringa i Statens vegvesen kjem som følgje av oppgåveoverføring, effektivisering og digitalisering, der Vegdirektoratet føresler å gå frå geografiske regionale einingar til nasjonale divisjonar. I tillegg er det forslag om å redusere tal trafikkstasjonar. I Sogn og Fjordane kan dette føre til endra oppgåver og funksjonar ved regionvegkontoret på Leikanger, og for tenestestadene Sogndal, Nordfjordeid og Førde.

Fylkesutvalet er uroa for at prosessane vil føre til nedbygging av viktige fagmiljø og tenestetilbod, og at oppgåver, funksjonar og arbeidsplassar gradvis kan forsvinne ut av regionen. Den framtidige organiseringa av Statens vegvesen må spegle at regjeringa meiner alvor med statleg

lokaliseringspolitikk. Den må følgje opp måla i kommune- og regionreforma, med nye oppgåver til sterkare kommunar og regionar. Regionvegkontoret i Leikanger og tenestestadene Sogndal, Nordfjordeid og Førde, er alle lokaliserte i nye, større kommunar. Nordfjord er i tillegg ein bu- og arbeidsmarknadsregion med høvesmessig få og små statleg forvaltningsmiljø slik at Statens Vegvesen sitt fagmiljø er av særskilt betydning

Frå 01.01.20 dannar Sogn og Fjordane og Hordaland Vestland fylke. Vestland har i si organisering vedteke at fagområdet Veg og infrastruktur skal leiast frå Leikanger. Ein viktig grunn var samordning med det sterke fagmiljøet ved Statens vegvesens regionvegkontor. Fylkesutvalet minner om at statleg lokalisering skal bidra til styrka samordning mellom stat og nye regionar, og at «de regionale vurderingene av lokalisering av arbeidsplasser i de nye regionene vil tas med i statens

beslutningsprosesser for lokalisering av statlige arbeidsplasser»ⁱ . Fylkesutvalet meiner at dette også må gjelde for omorganiseringa av Statens vegvesen.

Tilgjengelege offentlege tenester og attraktive arbeidsmarknader er føresetnader for vekstkraftig næringsliv og gode lokalsamfunn over heile landet. Nasjonale oppgåver og funksjonar kan godt lokaliserast og styrast utanfor dei største byane, dokumentert til dømes med Difi, NAV

økonomitenester, fylkesmennenes fellesadministrasjon på Leikanger, og Lotteri- og stiftingstilsynet i Førde. Region Vest er den tyngste veg-regionen i landet, med dei største utbyggingsprosjekta og spisskompetanse på fjernleiing, strategisk prosjektstyring, rassikring, bruer og tunnellar. Region Vest blir leia frå Leikanger, med fagmiljø i alle deler av regionen. Fylkesutvalet meiner at det ligg godt til rette for å bygge vidare på desse fagmiljøa, i ein framtidig divisjonsmodell, og med ei divisjonsleiing lokalisert til Leikanger og Sogn og Fjordane.

---

i Plan for lokalisering av statlige arbeidsplasser. Vedlegg til Meld. St. 18 (2016-2017) Berekraftige byar og sterke distrikt

(9)

(10)

(11)

(12)

Saksframlegg

Saksbehandlar: Ole Ingar Hagen Hæreid, Samferdsleavdelinga Sak nr.: 17/7740-9

Fv. 60 Hildestranda - Innvik, fråvik frå planlegging etter ny handbok N100 Veg- og gateutforming

Fylkesrådmannen rår hovudutval for samferdsle til å gje slik tilråding:

Hovudutvalet rår fylkesutvalet til å gjere slikt vedtak:

Vedlegg:

Ingen

Andre relevante dokument i saka:

Ny Handbok 100 Veg- og gateutforming

SAKSFRAMSTILLING

1. Bakgrunn for saka

Reguleringsplan for fv. 60 Hildestranda – Innvik i Stryn kommune er under utarbeiding. Planen vart lagt ut på høyring hausten 2017. Kulturavdelinga i fylkeskommunen stilte krav om arkeologiske utgreiingar. Dette vart ikkje gjennomført, men vart ikkje svart ut før i oktober 2018. Planen er ikkje godkjent og ny handbok N100 vart gjort gjeldande frå 5. desember 2018.

Ut i frå dette meiner Statens vegvesen at dette er ein formalitet som må handsamast som eit fråvik frå ny handbok N100.

Grunnen for at saka er fremja

Det er vedteke ny handbok N100 Veg- og gateutforming gjort gjeldande frå 5. september 2018.

Reguleringsplanen for fv. 60 Hildestranda – Innvik er utarbeidd etter gamal N100, standard U-H2 (Utbetringsstandard øvrig hovudveg). Krav i ny handbok er Hø2 (øvrige hovudvegar med

ÅDT<12000 og fartsgrense 60 km/t).

For planar som er utarbeidd etter gamal handbok men som enno ikkje er vedtekne, er det vedtakstidspunktet som styrer kva handbok som skal nyttast. Dersom ein plan som er utarbeidd etter tidlegare normal, men ikkje vedteken, og ein kan gjere ein av følgjande tre:

1. Endre planen slik at den vert i samsvar med ny gjeldande normal. Om naudsynt, leggje planen ut på høyring ein gong til.

2. Søkje om fråvik frå dei punkta i ny normal som ein no er i konflikt med.

3. Søkje om fråvik for å nytte tidlegare normal.

Det er punkt 3 som er gjort gjeldande i denne saka.

Kravet i ny handbok er eit såkalla «skal-krav» og i følgje «Delegerings- og innstillings- reglementet» skal fråviket handsamast av fylkesutvalet.

(13)

Prosjektet er ikkje prioritert med investeringsmidlar i inneverande planperiode.

2. Vurderingar og konsekvensar

Planen er samanlikna med ny aktuell standard Hø2 og gamal standard U-H2. Det er liten skilnad i krava.

Ny standard har litt strengare krav til sikt og kurvatur. Siktlengda er endra frå 65 meter til 70 meter utan at det verkar inn på reguleringsplangrenser. Det same gjeld for ei vertikalkurve. Ei overgangskurve (klotoide) er for liten. Elles er det ingen kjende parameter som ikkje held krava i ny standard.

Konsekvens for teknisk kvalitet Fråviket gir ingen konsekvensar.

Konsekvensar for tryggleik (for trafikantar) Fråviket gir ingen konsekvensar.

Konsekvensar for miljøkvalitet, ytre miljø og HMS Fråviket gir ingen konsekvensar.

Konsekvensar for estetikk Fråviket gir ingen konsekvensar.

Konsekvensar for økonomi

Fråviket gir ingen innverknad på byggjekostnader Konsekvensar for drift og vedlikehald

Fråviket gir ingen konsekvensar.

Konsekvensar for framkomst (gjeld alle køyretøy- og trafikantgrupper) Fråviket gir ingen konsekvensar.

Andre konsekvensar

Dersom fråvik ikkje vert gjeve, vil det ha innverknad på plankostnad og framdrift på planen.

Planen låg til høyring hausten 2017 og har venta på tilbakemelding på arkeologiske registreringar før handsaming i kommunen. Ved å endre standard må planen leggjast ut på nytt. Det er ikkje sett av pengar til bygging, og det er usikkert om og når og om det blir bygt.

Framlegg til avbøtande tiltak

Vi vil rette opp siktlengde og ein vertikalkurve i samsvar med ny standard utan at det verkar inn på reguleringsplangrensa og inngrep i naboeigedommane. I saksbehandlinga etter at planen har lege ute på høyring skriv vi avsnitt om endringar i plankartet og omtalar dette her. Av kjende parameter vil det då vera ei overgangskurve (klotoide) som er for liten i forhold til ny standard.

Statens vegvesen tilrår at fråvik vert gjeve fordi planarbeidet er kome så langt. Dei ser ingen trafikksikkerheits- eller trafikkmessige problem, og rår til at fråviket vert gjeve under føresetnad av at avbøtande tiltak vert gjort.

3. Konklusjon

Fylkesrådmannen tilrå fråvik frå planlegging etter ny handbok i samsvar med tilrådinga frå Statens vegvesen. Dette på bakgrunn av konsekvensar for kostnads- og tidsramma til planprosjektet, og at det ikkje er funne at fråviket gir negative konsekvensar.

(14)

Organ: Fylkesutvalet Møtedato: 06.03.2019

Sak nr.: 17/7740-11 Internt l.nr. 11180/19

Sak: 8/19

Tittel: Fv. 60 Hildestranda - Innvik, fråvik frå planlegging etter ny handbok N100 Veg- og gateutforming

Behandling:

Dette gir følgjande endeleg vedtak:

(15)

Saksframlegg

Saksbehandlar: Jan Tore Rosenlund, Bygge- og eigedomstenesta Sak nr.: 19/1383-1

Arealavståing utviding Sognahallen

Fylkesrådmannen rår fylkesutvalet til å gjere fylgjande vedtak:

Vedlegg:

 Kartutsnitt aktuelt område

 Kartutsnitt Sogndal vgs, gnr 23 bnr 19

 Avtaleutkast Sogndal kommune

1. Innleiing

Sogndal kommune og Sognahallen AS planlegg bygging av nytt parkeringshus og ny idrettshall på Sogndal Campus i Sogndal. Bygginga er planlagt som eit direkte tilbygg på eksisterande storhall og ligg vest for denne. Det aktuelle området er skissert i vedlegg 1 og det er Sogndal kommune som skal kjøpe og eige grunn.

Tiltaket sitt føremål er å auke tilgjengeleg innandørs treningsareal med fast dekke. Det fleksible golvet som Sognahallen i periodar legg oppå kunstgrasbana treng då i mindre grad nyttast og denne vert såleis meir disponibel som heil speleflate. Samstundes legg tiltaket til rette for etablering av eit parkeringshus under den planlagde idrettshallen.

Fylkeskommunen har fått førespurnad om å avstå grunn til tiltaket då dette delvis er planlagt på fylkeskommunal eigedom. Det endelege arealbehovet er ikkje fastlagt, men det utgjer om lag 800 m2 slik det førebels er skissert. Det vert seinare gjennomført kartforretning for å fastsette

endelege grenser.

Fylkesutvalet har mynde til kjøp/sal av grunn, difor er saka fremja.

2. Vurderingar

Ved samlokaliseringa av den vidaregåande skulen i Sogndal er det gjort store endringar i

eigedomsgrensene og -tilhøva på Fosshaugane. Tidlegare var areala for det meste festa grunn, men no er det slik at fylkeskommunen eig heile arealet skulen er etablert på, jf. vedlegg 2. Det arealet kommunen no ynskjer å kjøpe utgjer ein relativt liten del av dette (ca. 2,5 %).

Fylkeskommunen si primære interesse i området er knytt til Sogndal vidaregåande skule og skulen sitt ev. utviklingsbehov. Vårt utgangspunktet er å behalde så mykje areal som mogleg for å ha handlingsrom i dette perspektivet.

(16)

Fylkeskommunen er vidare knytt til eit samarbeid om felles parkeringsordning på Fosshaugane (jf.

parkeringsavtalen av 15.01.15), der m.a. føremålet er å bidra til utbygging og effektiv utnytting av parkeringsplassane i området.

Det er og i fylkeskommunal interesse å legge til rette for utvikling av idrettsareal - både i eit skule- og eit folkehelseperspektiv.

Ut frå dei samla interessene våre i dette området har vi hatt dialog med partane og ført tingingar i saka. Vi har då spesielt sett fokus på:

 at plasseringa vart tilpassa og skyvd mot sør/vest slik at den ikkje unødig forringar kvalitetane kring våre bygg og uteområde som grensar mot tiltaket.

 å sikre så god tilkomst som mogleg til det eksisterande parkeringsanlegget vi eig og som ligg i kjellaretasjen på Sogndal vgs, herunder å gi innspel til gode trafikkløysingar for mjuke

trafikantar i eit hektisk parkerings-/trafikkområde.

 å få dispensasjonsrett til 20 parkeringsplassar for å stette ein mellombels dispensasjon som vi har i fbm. byggesaka på Sogndal vgs. Samstundes få varig dispensasjon frå resterande parkeringskrav knytt til det etablerte skuleanlegget.

 å syte for at eksisterande gangveg/tilkomst (på vestsida ) som må flyttast, vert re-etablert med tilsvarande kvalitetar som dagens løysing.

Det har vore ein positiv dialog med Sogndal kommune i saka og tingingane kring desse tilhøva er så langt skissert i eit avtaleutkast, jf. vedlegg 3.

Arealpris er avtalt til å være den same som vi kjøpte arealet for i 2016 med tillegg av konsum- prisindeks fram til overtakingstidspunkt. Med regulering til januar 2019 vert prisen kr. 377,52 pr.

m2. Samla utgjer dette då om lag kr 300.000,-.

Frikjøp av parkeringsplassar der vi har ein mellombels dispensasjon er sett til kr 300.000,- pr. plass.

Dette er ein generell sats kommunen opererer med for p-plassar innandørs. Avtalen regulerer at dette er maksimumspris. Vert dokumenterte kostnader lågare, vert prisen redusert tilsvarande. Den samla kostnaden for desse plassane, inntil 6 mill. kr, vert finansiert i prosjekt-budsjettet som alt er løyvd og vert dekka der (prosjekt NY224 Sogndal vgs BII). NB: Utgiftene til frikjøp av

parkeringsplassane er ein del av den vedtekne byggesaka og ligg difor til fylkes-rådmannen sitt mynde å gjennomføre. Dette er difor ikkje ein del av denne saka/dette vedtaket.

4. Konklusjon

Etter ei samla vurdering vil fylkesrådmannen tilrå at fylkeskommunen sel det aktuelle arealet til Sogndal kommune i samsvar med framlagt avtaleutkast. Fylkesrådmannen ynskjer å sluttforhandle avtalen med dei skisserte vilkåra og meiner dette gjev ei heilskapleg og god løysing for å stette dei ulike interessene i det aktuelle området.

(17)

Rev.: Dato: Sign.

Teikn.nr.

PROSJEKT: ^Målestokk

Dat o

Sign.

Format

FASE / K ONTROLL : 10 Før ehandskonf er anse 20 R ammesøk nad

30 A nbud

40 Igangsetjings-søk nad

50 Ar beidsteikning 60 "Som bygd"

Tekst:

K ontr.

Situasjonsplan

18-055-100

1:500 A3

Gnr ./br n.:

Treningshall

Fosshaugane Campus

19/52

19/12

19/12/1

19/1 23/32

23/300

30 800

58 100

19/52

20.02.19

(18)

(19)

AVTALE

MELLOM

SOGN OG FJORDANE FYLKESKOMMUNE (SFFK) org. nr. 941 388 841

OG

SOGNDAL KOMMUNE (SK) org. nr. 936 401 651

1 Bakgrunn

Bakgrunnen for denne avtalen er at SK planlegg bygging av nytt parkeringshus og ny idrettshall på campus Sogndal. SK treng då å kjøpe grunnareal av SFFK.

Vidare har partane avtale om felles parkeringsordning på Campus Sogndal, sist revidert/dagsett 15. januar 2015.

2 Føremål

Avtalen har som føremål

 at SK kjøper naudsynt areal av SFFK til utbygging av nytt parkeringshus og ny idrettshall

 å sikre god tilkomst til det eksisterande parkeringsanlegget til SFFK under Sogndal vidaregåande skule

 å sikre parkeringsdekking til SFFK sin bygningsmasse på campus Sogndal.

 å leggje til rette for auka parkeringskapasitet under bakken på campus Sogndal ved at SK byggjer ut ny p-kjellar, etter dette kalla p-kjellar Sognahallen.

3 Kjøp/sal av areal

SK kjøper areal frå SFFK til utbygging av p-kjellar Sognahallen i samsvar med vedlagd illustrasjonsplan/kart. Arealkjøpet vert gjort opp i samsvar med strategi for eigedomserver vedteken i eigargruppa for campus Sogndal. Revidert til jan 2019 er satsen kr 377,52 /m2.

Oppgjeret finn stad etter at kartforretning er gjennomførd. Sats vert justert til oppgjerstidspunkt.

4 Tilkomst til p-anlegget til SFFK

SFFK har ein varig rett til tilkomst til p-anlegget under Sogndal vidaregåande skule gjennom p- kjellar Sognahallen. Det skal leggast til rette med gode trafikksystem for å ivareta gåande, syklande og køyrande på best mogleg måte. SFFK betaler ikkje vederlag for denne retten.

5 Kjøp av p-plassar

SFFK får full og varig disposisjonsrett til 20 p-plassar i p-kjellar Sognahallen. For dette betaler SFFK maksimum 300 000,- pr. plass inkl alle avgifter, totalt 6 mill. til SK. Vert dokumenterte kostnader lågare skal prisen reduserast tilsvarande. Innbetaling vert gjort når anlegget er ferdig/overtatt og sluttoppstilling ligg føre. Desse parkeringsplassane dekker inn all manglande p-dekking i samband med utbygging av Sogndal vidaregåande skule, jf. forvaltningsutvalet si sak 22/14. SFFK får då varig dispensasjon for dei resterande 20 p plassane i vedtaket.

6 Gangveg/utomhusareal

(20)

gjeld og om det er naudsynt med omlegging av tekniske anlegg i grunn.

7 Andre tilhøve

Denne avtalen kan tinglysast. Kostnadene ved tinglysing vert bore av den parten som ønskjer tinglysing.

Tvist skal søkjast løyst mellom partane. Dersom desse drøftingane ikkje fører fram skal partane gjennomføre mekling i samsvar med reglane i tvistelova. Dersom mekling ikkje fører fram vert tvisten avgjort av ordinær domstol, med Sogn tingrett som verneting.

Avtalen er skreve under i to eksemplar, eitt til kvar av partane.

Avtalen trer i kraft ved underskriving.

Avtalen har følgjande vedlegg:

- Illustrasjonsplan/kart

Sogndal/Leikanger, ………

Tore Eriksen Jostein Aanestad

fylkesrådmann rådmann

Sogn og Fjordane fylkeskommune Sogndal kommune

(21)

Organ: Fylkesutvalet Møtedato: 06.03.2019

Sak nr.: 19/1383-2 Internt l.nr. 11181/19

Sak: 9/19

Tittel: Arealavståing utviding Sognahallen

Behandling:

Dette gir følgjande endeleg vedtak:

(22)

Saksframlegg

Saksbehandlar: Paal Fosdal, Fylkesrådmannen Sak nr.: 18/2394-13

Eigarstyring - Trivselshagen IKS

Fylkesrådmannen rår fylkesutvalet til å gjere slikt vedtak:

1. Fylkesutvalet viser til vedlagde rapport av 1.desember 2018 frå Vidsyn Rådgivning AS og tek denne til orientering.

2. Fylkesutvalet føreset at systemavvik vert retta opp og tilrådde tiltak i rapporten sett i verk, herunder at selskapet får på plass eit system som fordelar inntekter og utgifter på ein rettvis måte i samsvar med intensjonen.

Vedlegg:

1: Rapport frå Vidsyn Rådgivning AS. Rapport datert 1.desember 2018

2: Førebels tilbakemelding frå Gloppen kommune. Brev datert 25.02.19. Dette brevet er kopla på saka etter at denne var ferdigstilt/godkjend. Brevet er såleis ikkje kommentert i saka, - det vil bli kommentert i

fylkesutvalet.

1) Bakgrunn for saka

Trivselshagen IKS er eit interkommunalt eigedomsselskap (IKS) oppretta med heimel i lov om interkommunale selskap av 29.januar 1999. Selskapet vart skipa 7. mars 2007 og har

organisasjonsnummer 991625348.

Selskapet har Sogn og Fjordane fylkeskommune og Gloppen kommune som deltakarar med lik ansvars- og eigardel, dvs. 50 % kvar.

Føremålet til selskapet er å planleggje, byggje, eige og drive eit felles prosjekt for å skaffe Firda vidaregåande skule nødvendig undervisningsareal og å skaffe skulane og lokalsamfunnet i Gloppen kultursal, symjehall, idrettshall mv. i samsvar med den funksjonsplanen som er vedteken av deltakarane. Fellesprosjektet omfattar både nybygga i funksjonsplanen og rehabiliteringa av Firdahallen.

I selskapsavtalen vart det ved skipinga lagt opp til at kommunen og fylkeskommunen kvar skulle skyte inn 40 mill. kr i selskapet. I tillegg skaut fylkeskommunen inn verdien av Firdahallen med 15 mill. kr. Eigardel og ansvarsdel for deltakarane skal likevel vere 50 % på kvar. Begge partar har seinare auka eigarinnskotet med 7,1 mill. kr kvar.

(23)

Når det gjeld ev. uttreden frå selskapet (§ 12 i selskapsavtalen), er dette regulert slik at ein deltakar ved eitt års skriftleg varsel kan seie opp sitt deltakarforhold i selskapet og krevje seg utløyst av selskapet. Slik uttreden kan tidlegast skje 10 år etter at selskapet er skipa og kan berre skje pr.

31.desember.

Dei to leigetakarane, kommunen og fylkeskommunen, har tilnærma identiske leigeavtaler, med unnatak av varigheit. Fylkeskommunen sin avtale gjekk ut 1. august 2018 og vart då automatisk forlenga for nye 5 år. Gloppen kommune sin avtale går ut 1. august 2038.

Vi har sidan etableringa av selskapet erfart uklare tilhøve knytt til rollefordeling og ansvarsdeling i drifta av Trivselshagen IKS. I eigarmøte 16.april 2018 vart partane samde om ein gjennomgang av selskapet for å sjå om det er aktuelt å gjere endringar.

Styret handsama dette 27.august 2018 og 11.september 2018 vart Vidsyn Rådgivning AS engasjert til dette arbeidet.

I rapport datert 1.desember 2018 la Vidsyn Rådgivning AS fram resultatet av arbeidet som omhandla kartlegging og tilrådingar i høve organisasjonsform og -struktur. Rapporten (vedlegg) er lagt fram for styret og medlemane i representantskapen (eigarane), først i møte 22.januar 2019 og deretter drøfta vidare i eigarmøte 15.februar 2019.

Rapporten frå Vidsyn Rådgivning AS

Rapporten startar med å skildre og ajourføre det formelle grunnlaget for Trivselshagen IKS. Det er punkt i selskapsavtalen som ikkje er på plass, og det vert tilrådd fleire tiltak for å rette opp dette.

Vidare er rollar og organisasjonskultur kartlagt. Rapporten peikar på at samarbeidsklimaet er relativt dårleg og konfliktnivået høgt. Dette er for det meste systemrelatert, men òg knytt til organisering og leiing. I den delen av rapporten som omhandlar grensesnitt og konfliktar, er det fleire døme på dette. Rapporten gir tilrådingar om systemendringar, men òg tiltak for å stimulere til betre samarbeid og gode prosessar. Den peikar på det viktige skilje mellom eigarutøving og drift.

Representantskapen er eigarorganet, medan styret er ansvarleg for drifta av eigedoms-selskapet.

Rapporten peikar på døme der den eine eigaren, Gloppen kommune, brukar «snarvegar» og går direkte på styret/dagleg leiar for å påverke drifta. Dette aukar konfliktnivået i vanskelege saker.

Gjennomgangen av økonomi og tenester, med vurdering av m.a. kostnads- og inntektsfordelinga, viser fleire døme på avvik frå det som var intensjonen. Selskapet fungerer ikkje som eit eigedomsselskap. I dag er det ein «hybrid» med både eigedomsforvaltning og drift av fleire tenester og innhald. Eit typisk døme er at kostnadene ved drifta av badeanlegget (løn til badevaktene) blir ført på IKS’et, medan inntektene går uavkorta til kommunen. Dette er i strid med intensjonen. Tilrådinga er å reversere dette og bringe selskapet attende til å bli eit eigedomsselskap. Det vil føre til at kostnads- og inntektssida ved innhald og tenester må følgje kvarandre.

Rapporten har og sett på bruksfrekvens og fordeling av areala Trivselshagen IKS leiger ut. Ved starten la ein til grunn ei stipulert fordeling med om lag 1/3 bruk for fylkeskommunen (Firda vgs) og 2/3 for kommunen. Etter evaluering og på bakgrunn av forslag frå dagleg leiar, er det berre gjort mindre endringar sidan starten i 2008. Likevel tenderer det mot at fylkeskommunen har noko mindre bruk (2%) enn det som opphavleg var stipulert. Rapporten tilrår at ein ikkje endrar den opphavlege fordelinga.

Det er og føreteke ei strategisk analyse. Denne syner sterke og svake sider, moglegheiter og truslar.

Dei svake sidene er i dag dominerande.

Rapporten beskriv og handlingsrommet og alternative styringsformer, men oppsummert vert det tilrådd å halde fram med IKS’et, under føresetnad av at systemavvik vert retta opp. Den gir meir enn tjue tilrådingar på deltema. Dei viktigaste er:

 Etablere gode prosessar og møteplassar for samarbeid

 Fordele inntektene frå utleige av fellesareala

 Få samsvar mellom driftskostnader og -inntekter

 Overføre ei rad driftsoppgåver til kommunen og soleis føre selskapet attende til å bli eit reint eigedomsselskap.

Rapporten er klar på at styret og eigarane må ta tak og «rette opp skuta». Om ein ikkje lukkast med dette, vert det tilrådd å tre ut av IKS’et og la eigarane ta med sin del av buet og leige til/av

kvarandre. Ein konsekvens av ei slik løysing vil altså vere at IKS’et må oppløysast. Det vil i så fall vere naturleg at kommunen tek idrettsbygget (kommunal grunn) og fylkeskommunen kulturhuset (fylkeskommunal grunn) og at ein leiger areal hjå kvarandre gjennom gjensidige avtalar.

2) Fylkesrådmannen si vurdering

(24)

Fylkesrådmannen har gått gjennom rapporten og langt på veg fått stadfesta at det er ei skeiv- fordeling i høve fordeling av driftskostnader og -inntekter, samt aktivitet og utleige av fellesareal.

Dette var og ein del av grunngjevinga frå fylkeskommunen for å ta opp spørsmålet om dagens organisering er hensiktsmessig eller om ein bør søke nye løysingar.

Fylkesrådmannen ser nokre utfordringar/viktige moment i saka:

 Rapporten er klar på at skal ein lukkast med å vidareføre dagens organisering og drift, slik ein primært tilrår, føreset det at:

- systemavvik vert retta opp og tilrådde tiltak (21 stk.) vert sett i verk.

- kommunen godtek å reversere mykje av den uheldige praksisen som har utvikla seg dei seinare åra (jf. kap. 10 Tilråding).

- styret og dei andre aktørane tek tak i utfordringane/problema. Berre gjennom å løyse desse er det mogeleg å utnytte potensialet som ligg i felles eigarskap.

 Det er avgjerande at selskapet får på plass eit system som fordelar inntekter og utgifter på ein rettvis måte i samsvar med intensjonen. Den sannsynlege konsekvensen er at dette i nokon grad vil kunne utfordre den kommunale økonomien.

 Rapporten tilrår å overføre ei rad driftsoppgåver til kommunen og soleis føre selskapet attende til å bli eit eigedomsselskap. Det er likevel naturleg å vurdere i kva grad ein treng dette, då fylkeskommunen i dag har ei etablert ei eigedomsavdeling som fullt ut er i stand til å drifte slike areal i eiga portefølje.

 Den totale ressursbruken ved eksisterande modell er omfattande. Ei organisering med representantskap, styre, dagleg leiar mv. er i seg sjølv ressurskrevjande.

3) Konklusjon

Etter ei samla vurdering vil fylkesrådmannen tilrå at alternative modellar til dagens IKS vert utgreia og vurdert. I ei slik vurdering bør vi og sjå på om det i det heile er trong for eit slikt selskap. Her bør ein særleg ta omsyn til dei to siste kulepunkta i avsnittet over. Ei slik utgreiing er også ei oppfylging av fylkesutvalet sitt vedtak i sak 37/18 den 16.04.18 ( jf. pkt. 5, 3. kulepunkt):

« Fylkesutvalet ynskjer at representantskapen ber om at ny organisasjonsform vert utgreia»

Fylkeskommunen har, i samarbeid med andre kommunar med tilsvarande løysingar, utvikla ein praksis der partane eig kvar sin ideelle eller fysiske (konkrete) del av eit felles bygg og der ein gjer avtalar med kvarandre om leige og drift. Her har vi gode erfaringar ved t.d. Eid vgs/Operahuset og i Førde/SFKM. Fylkesrådmannen vil prioritere å utgreie ei tilsvarande løysing.

Når utgreiinga ligg føre, kan ein vurdere fordeler/ulemper med ein ny modell. Eigarane treng ikkje vere samde om ein eventuell prosess med endra organisering. Om ein av eigarane ikkje er tilfreds med utviklinga kan selskapsavtalen seiast opp og oppløysinga gjennomførast.

Gitt føringane for uttreden må fylkestinget fatte eventuelt vedtak seinast i oktober 2019.

(25)

Adresse Mobiltelefon Bank

Strandvegen 13 a 415 30 963 0539 49 73795

Organisasjonsform og -struktur

Trivselshagen IKS 1. desember 2018

(26)

Innhald:

1. Oppdraget 3

2. Samandrag – oppsummering 5

3. Overordna vurdering 6

4. Formalia og no-situasjon 7

5. Rollar – Organisasjonskultur 12

6. Grensesnitt og konfliktar 20

7. Økonomi og tenester – Kostnads- og inntektsfordeling 30

8. SVOT – Risikoanalyse og kritiske suksessfaktorar 38

9. Alternativ – Handlingsrommet 39

10. Tilråding 42

11. Vedlegg 43

12. Figurar og tabellar 47

(27)

1. Oppdraget

Bakgrunn Eigarmøte

Måndag 16. april 2018 vart det gjennomført eit førebuande møte før representantskapsmøtet i Trivselshagen IKS (IKS’et). Til stades var fylkesordførar Jenny Følling, Sogn og Fjordane fylkeskommune (fylkeskommunen), Jan Tore Rosenlund, Bygg- og Eigedomssjef i

fylkeskommunen og ordførar Leidulf Gloppestad i Gloppen kommune (kommunen).

I notat¹ frå møtet går føljande fram:

• Diskusjonane fram mot ny leigeavtale vil avgjere om ein skal vurdere ny organisering. I august går leigeavtala ut, og blir automatisk fornya.

• Gode avtalar i botn viktig for eit ryddig samarbeidsforhold

• Meir aktivt bruk av representantskapsmodellen ynskjeleg (t.d. eigarmøte)

• Ein må gjere grundig utgreiing om det skal vere aktuelt å endre på organiseringa

• I avtala lyt ein avklare korleis inntekter/utgifter skal fordelast for ei ny avtaleperiode

• Vi lyt ha god framdrift; målsetjing at ein kan klargjere ein del punkt i avtale FØR ny avtale trer i kraft i august

• IKS må hente inn eigarsignal før avgjerd med budsjettmessige konsekvensar

• Viktig å vere bevisst korleis styret setjast saman

• Samansetning av styre vart drøfta, og styringssignal frå fylkeskommunen gitt

Leigeavtalen med fylkeskommunen gjekk ut 1. august 2018 og vart forlenga med nye 5 år.

Endringar i bruksfrekvens er utsett. Grunngjevinga er at styret ville vente til dei fekk denne rapporten om organisasjonsform og -struktur.

Representantskapet

I eit ekstraordinært representantskapsmøte 8. juni 2018 vart det vald nytt styre. I same møte fekk det nye styre ei bestilling om å greie ut organisasjonsform og -struktur for selskapet.

Styret

Styret drøfta i møte 27. august eit notat frå styret sin leiar. Vedtaket frå møtet er:

1. Styret sluttar seg til notat om utgreiing av organiseringsstruktur for Trivselshagen IKS 2. Styreleiar får mynde til å inngå nærare avtale med Jan Øhlckers til å gjennomføre

utgreiinga i samsvar med notatet

3. Utgreiinga vert finansiert ved bruk av eigenkapital.

Plan for oppdraget og avtalen vart signert 11. september. Planen ligg som Vedlegg 2: Plan for utgreiing på s. 43

Resultatmål:

I planen går det fram følgjande skal gå fram av utgreiinga:

1. Kartlagt formell status, rollar, sluttbrukarar og tenesteomfang

2. Analysert bruksfrekvens og fordeling av inntekter og utgifter i løpande drift og i eigedomsforvaltinga

3. Synt utfordringane (sterke og svake sider, truslar og opningar) og handlingsrommet

1 Referat ved rådgjevar for fylkesordføraren Kristin Rundsveen

(28)

4. Vurdert endra organisasjonsform, for å sikre ein effektiv, oversiktleg, rettvis og føreseieleg styringsstruktur, som fungerer både for eigarane, styret, sluttbrukarane, dagleg leiar og dei tilsette.

Arbeidsform

I arbeidet med denne rapporten har dagleg leiar orientert om drifta og stilt til rådvelde dokumentasjon som t.d. referat frå representantskap og styre, saksdokument og

korrespondanse mellom selskapet og eigarane/leigetakarane. Eg har òg fått revisorinnsyn i rekneskapen. I tillegg er det gjennomført 13 intervju med sentrale aktørar. Lista over desse informantar går fram av Vedlegg 1: Intervju/informantar på s. 43.

Rollar og grensesnitt

Rollane mange. Nokre gonger har aktørar hatt fleire hattar. Det kan vere vanskeleg å skilje, både for dei det gjeld, andre sentrale aktørar og - ikkje minst - for sluttbrukarane og ålmenta.

Grensesnittet og forholdet mellom aktørane er dessutan mangfaldig, skiftande og med både formelle og uformelle sider.

Atterhald

Materialet er omfattande. Kompleksiteten, kombinert med avgrensa tid og ressursar gjer at datagrunnlaget kan vere mangelfullt. Vurderingane kan difor vere prega av det. Det er mitt ansvar.

Andre tilhøve

Arbeidet har avdekka at det òg har vore – og delvis er – uklare tilhøve og konfliktar mellom aktørar og interessegrupper, men kor eigedomsselskapet ikkje er direkte involvert eller part.

Det har og kome fram nokre tilhøve rundt arbeidsmiljøet. Oppdraget gjeld organisasjonsform og -struktur i Trivselshagen IKS. Strengt tatt ligg det difor utanfor mandatet å vurdere tilhøve der IKS’et ikkje er part. Der er likevel omhandla nokre stader i rapporten for å kunne gje eit heilskapleg bilete. Styret og dagleg leiar alt er godt kjent med dei spørsmåla som er knytt til arbeidsmiljøet. Dei tilhøva vert difor i liten grad omhandla her og heller ikkje vurdert. Her ligg ansvaret for vidare oppfølging til styret.

Vidare handsaming

Styret har fått oppdraget av representantskapet og skal rapportere attende dit. Før den kjem til slutthandsaming der kan det vere aktuelt med noko prosess både internt og i det offentlege rom.

Rapporten er difor offentleg. Det er naudsynt for at alle partar skal kunne ha - og delta i - ein meiningsfylt diskusjon.

Øvre Årdal, 1. desember 2018 Jan Øhlckers

Vidsyn rådgivning

(29)

2. Samandrag – oppsummering

Rapporten startar med å skildre og ajourføre det formelle grunnlaget for Trivselshagen IKS.

Det er punkt i selskapsavtalen som ikkje er på plass, m.a. overføring av grunn, avtale om bruk av areala og fordeling av årlege driftskostnader.

Det er tilrådd fleire tiltak for å rette dette opp.

Gjennom intervju er rollar og organisasjonskultur kartlagt. Samarbeidsklima er dårleg og konfliktnivået høgt. Det er for det meste systemrelatert, men òg knytt til leiing og

einskildpersonar.

Kapittelet om grensesnitt og konfliktar har fleire døme. Her er tilrådingar om

systemendringar, men òg tiltak for å stimulere til betre samarbeid og gode prosessar.

Gjennomgangen av økonomi og tenester, med vurdering av m.a. kostnads- og

inntektsfordeling har ei rad døme på avvik frå det som var intensjonen. Selskapet er ikkje lengre eit eigedomsselskap. I dag er det ein hybrid med både eigedomsforvaltning og drift av fleire tenester og innhald.

Eit typisk døme er at kostnader ved drift av badeanlegget der t.d. løn til badevaktene blir ført på IKS’et medan inntekta går uavkorta til kommunen. Tilrådinga er å reversere dette og bringe IKS’et attende til å bli meir eit eigedomsselskap. Ein konsekvens av det igjen er at utgifts- og inntektssida ved innhald og tenester må følgje kvarandre. Eit slikt grep vil redusere husleiga monaleg.

Kapittelet om strategisk analyse (SVOT) syner sterke og svake sider, opningar og truslar. Dei svake sidene er i dag dominerande. Det er her styret og dei andre aktørane må ta tak. Berre gjennom å løyse desse problema er det mogeleg å utnytte det store potensialet som ligg i felles eigarskap. Syretesten vil vere styret sin evne til å gjennomføre mange av tilrådingane.

Handlingsrommet er illustrert i kapittel 9. Det er mange alternative styringsformer, men i kapittel 10 vert det tilrådd å halde fram med IKS’et, under føresetnad av at systemavvik vert retta opp.

Rapporten inneheld meir enn tjue tilrådingar på deltema. Dei viktigaste er:

• Etablere gode prosessar og møteplassar for samarbeid

• Fordele inntektene frå utleige av fellesareala

• Få samsvar mellom driftskostnader og -inntekter

• Overføre ei rad driftsoppgåver til kommunen og soleis føre selskapet attende til å bli eit reint eigedomsselskap

Om aktørane no ikkje greier å rette opp skuta, vert det tilrådd å tre ut av IKS’et og la eigarane ta med sin del av buet og leige av kvarandre gjennom samvirkeføretak eller samarbeid etter kl. § 27. I ein slik løysing er det naturleg at kommunen tek idrettsbygget og fylkeskommunen kulturhuset.

Etter selskapsavtalen treng ikkje eigarane vere samde om ein slik prosess. Om ein av eigarane ikkje er tilfreds med utviklinga kan selskapsavtalen seiast opp og oppløysinga gjennomførast.

(30)

3. Overordna vurdering

Anlegget som Trivselshagen IKS rår over er unikt og funksjonelt. Eigedommen er godt teken vare på. Det er vanskeleg å sjå at den er meir enn 10 år gamal. Den er veldriven. Det er god kontroll på lovar, reglar og med rutinar for det aller meste.

Saman med Firda vidaregåande skule, Gloppen ungdomsskulen og Nordfjord folkemuseum utgjer Trivselshagen ei lokal klynge der opplæring og kultur er tett samanvevd. Eigarane har lagt til rette for ein «vinn-vinn» situasjon for alle aktørane, både eigarar, leigetakarar, tilsette og sluttbrukarar.

Eit godt samarbeid vil gje store synergivinster.

Klynga opnar dessutan for vidare utvikling og nytenking.

Det er brei semje om at IKS’et er eit sentralt verktøy for ei vellukka Trivselshage. Men samstundes er ikkje IKS’et noko mål i seg sjølv.

At det ikkje er eit mål i seg sjølv gjer at alle aktørane med jamne mellomrom utfordrar selskapet sine formelle rammer. Det gjer arbeidet i IKS’et vanskeleg og krev stor grad av smidigheit, dialog og samarbeidsevne både frå styret, dagleg leiing og tilsette i selskapet.

Her er auka formalisering og detaljregulering neppe vegen å gå.

Men dei andre aktørane i Trivselshagen må samstundes syne respekt for at IKS’et har ei rolle som er definert av lov, selskapsavtale, ei rad føresegner og – ikkje minst - rammer sett av eigarane.

Det er mange døme på flott innhald, attraktive tilbod og gode tenester. Arbeidet dei siste åra er brulagt med gode forsett. Samstundes har ei rad problem og konfliktar svekka samarbeidet og bremsa aktørane sin evne til nyskaping.

Konfliktbilete er samansett. Problema er for det meste systemrelatert, men delvis knytt til leiing og delvis til personar med manglande vilje til samarbeid.

Eit systemrelatert problem er inntektsstraumen. Driftsutgiftene til IKS’et vert fordelt mellom eigarane, medan det etter kvart har utvikla seg ei - truleg uheimla - praksis der inntektene t.d.

ved framleige av fellesareal o.l. går uavkorta til kommunen.

Auka bruk vert då til fordel for kommunen, men til ulempe for IKS’et. Det vert då òg til ulempe for fylkeskommunen gjennom fordelinga av husleiga.

Eit leiingsrelatert problem er uklar rolleforståing. Eit døme her at leigetakarane og

sluttbrukarane ikkje kjem samordna og prioritert med sine ynskjemål. Soleis utfordrar dei rammene som eigarane, og særleg kommunen har sett for IKS’et.

Her må leiarane både i kommunen og ved Firda vgs. ta eit mykje større ansvar. Dei må forplikte seg til å samordne og prioritere lojalt innanfor gjevne rammer og – ikkje minst - stå for det internt i eigen organisasjon.

Og styret og leiinga i IKS’et må legge til rette for ein slik samordna prosess.

Eit personsrelatert problem er manglande dialog og dårleg kjemi mellom sentrale personar.

Fleire av dei er ikkje på talefot i det heile, på tross av at dei har sitt daglege virke i anlegget.

Det er sjølvsagt ikkje akseptabelt.

Dette er berre nokre døme.

(31)

4. Formalia og no-situasjon

Skiping

Trivselshagen IKS (IKS’et) er eit interkommunalt eigedomsselskap (IKS) oppretta med heimel i Lov om interkommunale selskap av 29.01.1999. Selskapet vart skipa 7. mars 2007 og har organisasjonsnummer 991625348.

Selskapet har Sogn og Fjordane fylkeskommune og Gloppen kommune som deltakarar med lik ansvars- og eigardel, dvs. 50 % kvar

Innskota frå deltakarane er grunnlaget for eigardelane. Dei skal vere faste og uavhengige av utvikling i driftskostnader og fordelinga av desse. Deltakarane sitt ansvar er lik eigarandelen.

Deltakarane hefter såleis med heile sin formue for sin aktuelle del av selskapet sine samla plikter.

Hovudkontoret ligg i Gloppen kommune.

Lova

Lov om interkommunale selskap § 4 krev ein selskapsavtale som grunnlag for oppretting av eit slikt selskap. Avtalen skal m.a. nemne selskapet sitt namn, formål, deltakarar, tal

medlemer i styret, tal medlemer i representantskapet og deltakarane si innskotsplikt og eigardel.

Lova er, og vert tilpassa endringar m.a. i kommunelova, seinast 22. juni 2018². I tillegg må IKS’et arbeidde innafor:

• Forvaltningslova, Lov om innsyn, arkivlov mm.

• Plan- og bygningslova med føresegner

• Internkontrollføresegna

• Arbeidsmiljølova m/føresegner

• Føresegner for badeanlegg, bassengbad og badstue

• Tivoliloven (sklia)

• Føresegn om tryggleik ved arbeid i og drift av lågspenningsanlegg

• F-gass forordninga (kjøleremedie)

• Brann- beredskap og Brannvernføresegner

• GDPR³

• mm

God eigarstyring

I vurderinga av kva som er god eigarstyring er det henta rettleiing frå etablerte tilrådingar der det har

vore naturleg.

Særleg sentralt står:

• «KS – 21 anbefalinger for kommunalt eierskap»

2 Dei siste endringane her er ikkje trådt i kraft.

3 Personvernforordninga (Forordning 2016/679, på engelsk General Data Protection Regulation, forkorta GDPR) Figur 1 KS sin rettleiar

(32)

Men det er òg nyttige element i:

• Staten sine prinsipp for god eigarstyring⁴

• Norsk anbefaling for eigarstyring og selskapsleiing (NUES)

• NIBR 2015:1 – «Kommunale selskap og folkevalgt styring gjennom kommunalt eierskap»

Samfunnsansvar og etikk

Gloppen kommune har slik formulering i sin eigarmelding:

«Etiske retningslinjer bør derfor utarbeidast i kvart selskap. Retningslinene bør diskuterast og eventuelt reviderast årleg.»

Tilsvarande ynskje går òg fram av fylkeskommunen si eigarmelding.

Selskapsavtalen

I selskapsavtalen § 4 var det ved skipinga lagt opp til at kommunen og fylkeskommunen kvar skulle skyte inn 40 mill. kr i selskapet. I tillegg skaut fylkeskommunen inn verdien av

Firdahallen med 15 mill. kr. Eigardel og ansvarsdel for deltakarane skal likevel vere 50 % på kvar, jf. § 5. Det vart elles lagt til grunn at både kommunen og fylkeskommunen seinare skal overføre tomtegrunn til selskapet⁵.

I følgje lova § 5 forfell plikta til å yte innskot straks dersom anna ikkje er avtala. Omfanget av innskotsplikta skal vere uttømande regulert i selskapsavtalen. Dette inneber at selskapsavtalen må endrast dersom deltakarane på eit seinare tidspunkt skal påleggjast å gjere ytterlegare innskot i selskapet.

I følgje IKS-lova § 22 kan selskapet ikkje ta opp lån utan at det er særskilt fastsett i

selskapsavtalen, og det må då setjast ei maksimumsramme. Det er i den opphavlege avtalen sin § 11 sett ei ramme på 60 mill.kr. Slikt låneopptak skal godkjennast av departementet (fylkesmannen). Låneramma er seinare auka, sjå avsnittet Endringar etter skipinga under.

I avtalen § 7 står det at representantskapet, som er det øvste organet i selskapet, skal ha fire medlemer; to frå kvar av deltakarane. Det er i følgje lov om interkommunale selskap berre kommunestyret og fylkestinget som kan velje medlemer til representantskapet. Det er vidare slik at det berre er representantskapet som kan velje styremedlemene.

I § 9 står at styret skal ha fire medlemer med tre varamedlemer i prioritert rekkjefølgja.

I § 12 er det fastsett at ein deltakar med eitt års skriftleg varsel kan seie opp sitt

deltakarforhold i selskapet og krevje seg løyst ut av selskapet. Det kan likevel skje tidlegast 10 år etter at selskapet er skipa, dvs. at det fyrst var mogeleg frå 2017.

Deltakaren kan berre tre ut pr. 31.12. Utløysingssummen skal vere delen sin nettoverdi ved oppseiingsfristen sitt utløp. Utløysingssummen kan likevel ikkje overstige verdien av deltakaren sitt innskot.

4 https://www.regjeringen.no/no/tema/naringsliv/statlig-eierskap/eierstyring-og-ledelse/id613433/

5 Dette er ikkje gjennomført, sjå kommentar seinare i utgreiinga

1. Tilråding:

Styret bør lage etiske retningsliner og legge desse fram for representantskapet til godkjenning.

(33)

Endringar etter skipinga

Det er strenge krav til endringar i selskapsavtalen, jf. § 4 i lova. Fylkesting og kommunestyret skal godkjenne dei fleste endringane, men i nokre meir kurante saker ligg dette til

representantskapet.

Det er over tid gjort desse endringane i avtalen:

Eigarinnskot

Fylkestinget vedtok i sak 0031/08 å auke eigarinnskotet i selskapet med 7,1 mill. kr.

Gloppen kommunestyre vedtok i sak 043/08 same auke.

Rekneskapsprinsipp

For eit interkommunalt selskap vil Rekneskapslova i utgangspunktet vere grunnlag for

rekneskapen, om det ikkje er eksplisitt gjort unntak for dette i selskapsavtala, jf. lov om IKS § 27. Med grunngjeving i at kommunen var rekneskapsførar, vart det gjort unntak frå

rekneskapsprinsipp i selskapsavtala i 2009.

I 2017 rådde revisor selskapet til å endre dette og føre etter rekneskapslova.

Representantskapet har deretter i sak 4/17 gjort om på rekneskapsprinsipp i § 6, slik at det er Lov om rekneskap som no ligg til grunn for rekneskapsføringa i selskapet. Denne endringa vert rekna som ei mindre endring i selskapsavtalen, og ligg under mynde til

Representantskapet å vedta, jf. Lov om IKS § 4 og § 7.

Endring av rekneskapsprinsipp vart likevel årsak til konflikt mellom kommunen og IKS’et.

Årsaka var at avskrivingane auka monaleg og vart langt høgare enn avdrag på gjelda. Dette slo direkte ut på høgare husleige. Konflikten vart løyst ved at kommunen fekk gjennomslag for sitt syn og avskrivingane vart sett lik avdrag på lån.

Låneramma

Fylkesutvalet, i sak 0076/10, og Gloppen kommunestyre, i sak 032/10, har vedteke utviding av selskapet si låneramme i §11 til kr 95,5 mill.

Sogn og Fjordane fylkestinget, i sak 33/12, og Gloppen kommunestyre, i sak 46/12, har vedteke utviding av selskapet si ordinære låneramme i § 11 til kr 125,5 mill. og i tillegg godkjent ei mellombels lånefinansiering på kr 25 mill. til forskottering av spelemidlar.

Styret

Representantskapet vedtok mindre justeringar i § 9 andre avsnitt, 1. setning om samansetning og val til styre i representantskapssak 12/18:

«Styret skal ha fire medlemer med personlege varamedlemer».

Framlegg til endringar som ikkje er gjennomført

Arealet under Trivselshagen er særs samansett og har i alle fall desse eigarane:

• gbnr. 74/72 med fylkeskommunen som eigar

• gbnr. 74/152 med Jakob Eirik Lothe som eigar og kommunen som festar

• gbnr. 74/1, feste nr. 32 med Jakob Eirik Lothe som eigar og kommunen som festar

• gbnr. 74/32, feste nr 1 med Berent Sandene som eigar og kommunen som festar

• gbnr. 74/39 og gnr. 77, bnr. 116, 324, 451, 458 og 623 med kommunen som eigar.