-
Postadresse: Fylkeshuset, 6404 Molde ● Besøksadresse: Julsundveien 9 ● Telefon 71 25 80 00 ● Telefaks: 71 25 85 10 e-post: [email protected] ● www.mrfylke.no
Kystverket Serviceboks 2 6025 Ålesund
Dykkar ref: Dykkar dato: Vår ref: Vår saksbehandlar: Vår dato:
FM: 2008/650/GUGJ/472 Guro Eidskrem Gjenstad, 71 25 84 77 29.01.2008
Kystverket.
Varsel om pålegg om undersøkingar og vurderingar for å avklare om det tidlegare området til Statens Havnevesen i Fagervika bidrar aktivt til forureining av sedimenta i Ålesund havn. Gnr 133 bnr 273, gnr 133 bnr 428, gnr 133 bnr 271, Ålesund kommune.
_________________________________________________________________
Møre og Romsdal fylke varslar med dette at vi vurderer å pålegge gjennomføring av undersøkingar, risiko- og tiltaksvurdering av land- og sjøområdet ved det tidlegare området til Statens Havnevesen i Fagervika, gnr 133 bnr 273, 428, 271.
Vurderingane skal konkludere med om forureina grunn eller pågåande aktivitet på området er ein aktiv kjelde til forureining av sedimenta i Ålesund havn, og om det er behov for tiltak eller ikkje. Eventuelle pålegg vil bli gitt med heimel i
forureiningslova § 51.
Eventuelle kommentarar til varslet må ein sende til Møre og Romsdal fylke innan 15.03.07.
Dersom det allereie er utført undersøkingar, risiko- og tiltaksvurdering i tråd med det som no blir varsla, ber vi om at desse blir samanstilt og sendt Møre og
Romsdal fylke innan same frist.
_________________________________________________________________
Bakgrunn
Varslet er ei oppfølging av tiltaksplan mot forureina sediment i Ålesundsområdet. Arbeidet med tiltaksplanen viser at sedimenta i hamnebassenget i Ålesund er sterkt forureina. På bakgrunn av planen vurderer Møre og Romsdal fylke, i samråd med Ålesund kommune og Ålesund Havnevesen, kva tiltak som eventuelt skal gjennomførast for å hindre at miljø- giftene inneber ein risiko for negativ innverknad på økosystema og innbyggarane si helse og trivsel.
Gjennom arbeidet med planen har det vist seg vanskeleg å konkludere med at det ikkje finst kjelder på land som bidrar med aktiv tilførsel av miljøgifter. Planarbeidet har
identifisert fleire område der tidlegare aktivtetar kan ha gitt opphav til forureina grunn og fyllingar som framleis kan lekke miljøgifter, eller der igangverande aktivitet kan gi utslepp.
Dei ulike dokumenta som inngår i planarbeidet er lista opp mot slutten av dette brevet.
2/4
Før det er aktuelt å gjennomføre tiltak i sedimenta må tilførselen av miljøgifter vere stansa.
For om mogleg å identifisere eventuelle aktive forureiningskjelder, eller i beste fall
konkludere med at landbaserte kjelder ikkje bidrar med ny tilførsel, må det gjennomførast undersøkingar og miljørisikovurderingar på dei enkelte lokalitetane.
På bakgrunn av historiske opplysningar om tidlegare aktivitet på området, samanholdt med forureiningspotensialet frå verksemdene, har Møre og Romsdal fylke konkludert med at området ved det tidlegare området til Statens Havnevesen i Fagervika, gnr 133 bnr 273, 428, 271, er ein lokalitet det er aktuelt å pålegge å gjennomføre undersøkingar, risiko- og tiltaksvurdering av land- og sjøområdet.
Varsel om pålegg
Etter Møre og Romsdal fylke si vurdering er det behov for ytterlegare opplysningar for å kunne slå fast om og i kva for grad igangverande aktivitet eller forureina grunn på land utgjer ein forureiningsfare. Møre og Romsdal fylke varslar med dette at vi vurderer å pålegge gjennomføring av undersøkingar, risiko- og tiltaksvurdering ved det tidlegare området til Statens Havnevesen i Fagervika, gnr 133 bnr 273, 428, 271 i Ålesund kommune.
Varslet omfattar utgreiingar som skal:
• Dokumentere miljøtilstanden i:
− Deponi og forureina grunn på land
− Sediment i sjø dersom dette kan bekrefte eller avkrefte at området bidrar aktivt med tilførsel av miljøgifter til Ålesund Havn.
• Vurdere risikoen for transport av eventuelle miljøgifter i grunnen til sjø.
• Vurdere risikoen for driftsutslepp frå igangverande verksemd.
• Vurdere om det er behov for tiltak for å stanse eventuelle tilførslar til omkringliggande miljø.
Eit eventuelt pålegg vil vere heimla i forureiningslova § 51.
Dersom det blir gitt pålegg som varsla, vil det bli sett ein frist som inneber gjennomføring av undersøkingane i løpet av 2008.
Undersøkingane og tilhøyrande risiko- og tiltaksvurderingar må vere utført av eit firma med kompetanse på fagfeltet. Prøvetaking og analysar skal gjennomførast etter relevante norske eller internasjonale standardar. Vurderingane skal konkludere med om det er behov for tiltak.
Varselet er retta mot Kystverket
Møre og Romsdal fylke kan etter § 51 i forureiningslova pålegge den som har, gjer eller set i verk noko som det er grunn til å tru kan føre til forureining å gjennomføre undersøkingar og utgreiingar. Det betyr at både den forureininga faktisk skriv seg frå og grunneigar vil kunne påleggast ansvaret for å gjennomføre undersøkingar. Etter Møre og Romsdal fylke si
vurdering er Kystverket ansvarlig for eventuelle forureiningar frå Statens Havnevesen sin aktivitet i området, og med det den ansvarlege for å gjennomføre og koste undersøkingar med tilhøyrande vurderingar på området. Grunneigarane er underretta om varslet ved kopi av dette brevet.
3/4
Frist for merknader til varselet
Merknader til dette varslet må ein sende til Møre og Romsdal fylke innan 15.03.2008.
Dersom det ikkje kjem fram merknader til varslet vil vi basere eit eventuelt pålegg på det grunnlaget som ligg føre.
Gjennomførte undersøkingar
Møre og Romsdal fylke er kjent med at enkelte allereie har gjennomført undersøkingar av miljøtilstanden i sine nærområde. Resultat og vurderingar frå slike undersøkingar kan nyttast i oppfølginga av pålegget. Møre og Romsdal fylke vurderer det likevel slik at det i mange tilfelle vil vere behov for å supplere dei gjennomførte undersøkingane og
vurderingane for å få fullstendig oversikt over forureiningsbidraget frå området.
I tilfelle det allereie er utført undersøkingar, risiko- og tiltaksvurderingar som gir svar på det påleggsvarslet omfattar, ber vi om at resultata blir samanstilt og sendt Møre og Romsdal fylke.
Dersom De meiner å kunne dokumentere tilstanden, ber vi om at resultata og risiko- og tiltaksvurderingane blir sendt Møre og Romsdal fylke innan 15.03.2008. Dersom fylket vurderer materialet til å vere tilstrekkeleg dokumentasjon, vil det ikkje bli gitt pålegg som følgje av dette varslet.
Referansar
Varslet er basert på følgande rapportar/ dokument:
1) Oppsummeringsbrev frå Møre og Romsdal fylke til SFT av 20.02.2006 (ref. 03/1827-49)
2) Borgundfjorden og Aspevågen Tiltaksplan Fase 2, Delrapport – felt og analysedata (411359-1) NIVA/ Multiconsult, Helland og Fagerhaug 2006
3) Tiltaksplan for forurensede sedimenter i Borgundfjorden – Fase 2.
Aspevågen, Buholmstranda og Fiskerstrand,
NIVA/ Multiconsult LNR 5142-2006, Helland Nilsson og Fagerhaug 2006
4) Kartlegging av utvalgte miljøgifter i Åsefjorden og omkringliggende områder, NIVA rapport 5132-2006, Berge, Schlabach, Fagerhaug og Rønneberg 2006.
SFT rapport TA-2146/2006
5) Tiltaksplan for Borgundfjorden Ålesund og Sula, Møre og Romsdal, Fase 1:
Gjennomgang, oversikt og nærmere prioritering (410291-1) Multiconsult, Fagerhaug 2006.
Dokumenta finn ein på www.mrfylke.no under menyvalg Areal- og miljøvern og vidare under Forureining. Ta kontakt med fylket dersom det er vanskar med dokumenta.
Med helsing
Kolbjørn Megård Guro Eidskrem Gjenstad
seksjonsleiar overingeniør
4/4
Kopi til:
Ålesund kommune, Serviceboks 21, 6025 Ålesund (gnr 133 bnr 428) Statens vegvesen Region midt, Fylkeshuset, 6404 Molde (gnr 133 bnr 273) Espeseth AS, Ystenesg. 32, 6007 Ålesund (gnr 133 bnr 271)
Ålesund Havn KF, Skansekaia, 6002 Ålesund
Statens forureiningstilsyn, Postboks 8100 Dep, 0032 Oslo
